Home
1
Што вели Мухаммед с.а.в.с за Рамазан,Пост Чет 04 Aвг 2011, 5:54 pm
Muaz al Islam
Модератор
Што вели Мухаммед с.а.в.с за Рамазан,Пост и благодетите во овој Мубарек месец
О верници, пропишан ви е постот како што им беше пропишан и на оние пред вас за да бидете богобојазливи, и тоа одреден број на денови; кој ќе биде болен или е на пат, тогаш, нека ги напости тие денови; а оние кои не можат да постат - пропуштените денови нека ги откупат со нахранување сиромав. А кој, пак, доброволно ќе даде повеќе па, тоа е подобро за него. А ако постете - тоа е подобро за вас, само да знаете!
(Ел Бекаре,183-184)
Драги мои Брака и Сестри нашиот Владар на оваа Аллахова вера ИСЛАМ Аллах џ.ш преку куранот ни кажува за прописот за постот а исто така и Мухаммед с.а.в.с. преку многубројни хадиси ни го опишува овој Мубарек Месец.
Со Аллахова дозвола иншАллах да наведеме некои хадиси каде што мухаммед с.а.в.с. ни го опиша Рамазанот и постот во него, а воедно ке ги видиме благодетите на овој Мубарек Месец.
Луѓе ви се приближува месецот на честа, месецот на благосостојбата, среќата и напредокот, месецот во кој е ноќта Лејлетул-Кадр, која е повредна од Илјада месеци! Аллах на вас ви нареди да постите дење во Рамазан, а ноќите рамазански да ги поминувате во ибадет.
Рамазан е Месец на трпеливоста (сабр), а награда за сбр е Џеннет. Тоа е месец за меѓусебно помагање на муслиманите, месец во кој се зголемуваат приходите (нафаката) и снабдување на верниците. Да практикуваме посебно во рамазан четири работи: Две со кои че го задоволите вашиот Створител и две без кои ние никако не можеме. Оние со кои ќе го задоволиме Аллах џ.шсе секогаш пофторување на Келиме-и-Шехадет и барање опрост прошка(истигфар). А тоа без кои ние никако не можеме е да го молиме на Аллах за Џеннет и да бараме спас од Џехеннем.
Ова се четири работи кои што две го задоволуваме на Создателот на Се што гледаме и не гледаме, и две без кои ние не можеме.
Пејгамеброт Мухаммед с.а.в.с. кажува дека Возвишениот Аллах џ.ш рекол:
„Секое дело што човекот ќе го направи му припаѓа исклучиво нему, а за секое добро дело има десеттострука награда. Постот е исклучиво Мој и Јас за него наградувам.Постачот го остава своето јадење,пиење и страсните желби поради Мене. Некој од вас кога пости, нека не се приближува кај својата жена и нека не зборува со лоши и навредливи зборови. Некој ако го напане и почне да го навредува, нека му каже: ЈАС ПОСТАМ! Оној што пости има две радости: Едната е кога прекинува со постење (ифтар) а втората е денот кога ќе го сретне својот господар. А оној што пости на Аллах му е попријатен од најдобријот мирис. “
(Бухари, Муслум, Дерими, Ахмед, Насаи, Ибн Маџе)
Кога ќе дојде овој мубарек Месец вратите Џеннетски се отвараат, а вратите Џехеннемски се затвораат а пак шејтаните се оковуваат.
Во преданието од Тирмизи е забележано:
„Кога ќе дојде првата веќер од рамазан, шејтаните и бунтовните џинови се сопираат, сите врати Џехеннемски се зтвараат, сите врати Џеннетски се отвараат и повикуваат. “Еј ти добро што правиш пристапи, а ти кој зло правиш тргнисе...“
На постот рамен му нема.
Ова можеме да го потвордиме со следниов хадис.
„Држи се за постот зашто нему рамен му нема “
(Насаи,Хаким)
Во преданието од Имам Бухари нека Аллах биде задоволен со него е забележано:
„Кој пости за време на рамазан тој верува во мене и има копнежи за моето задоволство.“
А сега да видиме како Мухаммед с.а.в.с. ни кажува за наградата за Постот а истото како Аллах го покрепува со Курански Ајет.
Ебу Хурејре пренесува дека Мухаммед а.с рекол.
Секоја добра работа на Адемовите синови Аллах џ.ш ја наградува десеттоструко до седум стотини степени, со исклучок на постот. Наградата за постот е неизмерна со било која мерка, зашто постот не може да се изврши бес трпеливос а Аллах џ.ш во Куранот вели: „Наградата за трпеливите ќе биде безмерна, навистина“(Ез Зумер10)
Постот е месец на трпението, а три дена постење секој месец ја остранува омразата од градите.
Аллах џ.ш му дозволува на неколку вида на луѓе да го прекинат постот: Аллах дозволува патникот да не пости и да го скратува намазот, а бремените и доилките да јадат.
(Бухари, Муслим, Ебу Давуд, Тирмизи, Насаи)
Во Предането од Имам Бухари е забележано дека Мухаммед с.а.в.с. во овој Месец Рамазан рекол: „Кој ќе помине десет дена во итикаф во Рамазан како да отишол два пати на хаџџ и два пати на умра.“Додека сме кај постот да ги наведиме исто така кој се делата кој Го расипуваат и кој не го расипуваат Постот.
Работи кои можат да го расипаат постот:
Работи кои го расипуваат постот без разидување меѓу исламските научници.
Јадење и пиење, и сè она што може да ги замени, како хранливи инекции и инфузии. Аллах, џ. ш., вели во Куранот: „...јадете и пијте сè до зори, додека не бидете во можност да разликувате бел од црн конец...“ (Ел Бекаре: 187)
Полов однос – Аллах, џ. ш., вели во Куранот: „Дозволено ви е во ноќта на постот да имате однос со жените ваши...“ (Ел Бекаре: 187)
Излегување на сперма со страст, Аллах, џ. ш., во хадис кудсијј вели: „Постачот во Мое име го остава јадењето и пиењето и задоволувањето на страстите.“
Настапување на месечниот циклус или породувањето.
Што му е дозволено на постачот да прави:
Да ја проголта плунката.
Да ја вкуси храната и да му ја сожвака на детето, под услов да не влезе во внатрешноста.
Употреба на вода како што е: умерено испирање на уста и нос, капење и пливање. Се пренесува дека Мухаммед, а.с., ја поливал својата глава поради топлината во текот на постот.
Употреба на мисвак на почетокот и на крајот на денот. Кога станува збор за паста за заби подобро им е да не ја користи, поради тоа што нејзиниот вкус продира до внатрешноста и тешко е да се српечи во тоа.
Употреба на мирис, чешлање и мачкање на косата.
Употреба на лекови, под услов да не дојдат до внтрешноста, доброволно давање и анализа на крвта.
Бакнеж, допир, гушкање и сл. под услов човекот да може да се контролира, да се сочува од односот и излегување на спермата.
Тука можеме исто така да спомнеме дека во Овој Месец Рамазан има одредена Ноќ по име Лејлетул Кадар а со Аллахова дозвола да видиме и да кажеме нешто во врска со оваа мубарек Ноќ.
Кур’анот Ние, навистина, започнавме да го објавуваме во ноќта Кадр! А знаеш ли ти која е таа ноќ Кадр? Ноќта Кадр е подобра од илјада месеци. Во таа ноќ се спуштаат мелеките и Џибрил со одобрението на Господарот нивни, по наредба секоја! Селам! И тоа се до пукањето на утрото!
(Ел-Кадр,1-5)
Месецот Рамазан е месец во кој е објавен Кур’анот како Патоказ за луѓето, јаснотии по Показот и Одделувач на вистината од невистината. Па, кој од вас ќе се најде во тој месец - нека пости, а кој е болен или е на пат - нека ги напости тие денови. Аллах со тоа посакува да ви олесни а не да ви отежни: определениот број денови да ги надополните, и Аллаха да го величате затоа што ве упати, и благодарни да бидете.
(Ел-Бекаре 185)
Кој ќе помине во Ибадет ноќта на Лејлетул Кадр со искрено верување а при тоа сметајќи на добивање на нејзините благодети, ќе му бидат опростени минатите гревови.
(Бухари)
Во двата Сахихи од Бухари и муслим е забележано следново: „Барајте ја ноќта Лејлетул-Кадр во последните десет дна од рамазан (последната десеттина од рамазан) “
(Бухари и Муслим)
А бухари во својота збирка има забележано: Барајте ја ноќта Лејлетул Кадр во непарни ноќи во последната десеттина од рамазан.
(Бухари)
Исто така, е пофално да упатуваат дови и тоа колку што може повеќе, затоа што се пренесува од Аиша, р.а., дека рекла:„Го прашав: „ Аллахов Пратенику, ако ја погодам ноќта Кадр, што да молам во неа? “ Одговори: „Моли: „Аллахумме иннеке афуввун тухиббул-авфе фа’фу анни.(Господару мој, ти простуваш и сакаш опрост, па прости ми).
(Тирмизи и Ахмед)
Од Аиша, р.а., се пренесува дека рекла. „ Пратеникот, с.а.в.с., кога ќе настапеа последните десет дена од рамазанот, се оделуваше од своите жени поради ибадет, се посветуваше и силно ја бараше ноќта Кадр. Бдееше во ноќта и ги будеше своте домашни.“Исто така се пренесува од Аиша, р.а., :„Пратеникот, с.а.в.с., многу се трудеше во последните десет дена од рамазанот. Многу повеќе отколку што тоа го правеше надвор од нив.“
На крај го молам на Аллах џ.ш:
Аллаху мој, Направи го во овој ден мојот пост, пост на вистинските постачи, намазот, намаз на вистинските клањачи, и разбудиме од сонот на немарните и прости ми ги недостатоците во него о Гоподару на световите, и смилувај ми се во овој ден, о Ти кој им се смилуваш на грешните.
Аллахумме иннеке афуввун тухиббул-авфе фа’фу анни.(Господару мој, ти простуваш и сакаш опрост, па прости ми).
