Интимен однос во време на менструација

Прашање (Број. 104865):

На кој начин може да добие опрост оној кој имал интимен однос со неговата сопруга за време на нејзиниот месечни циклус (менструација)? И што треба да правиме, ако тоа се случи во време на месецот Рамазан? Јасно ни е дека е харам и искрено се покајавме за тоа што го сторивме!

Одговор:

Сета благодарност му припаѓа на Аллах субаханаху ве теала!

Како прво:

Интимен однос со жена, која има менструација е, според консензусот на исламските учењаци, харам – обично: забрането – затоа што Аллах, во преводот на значењето, во Куранот вели:

И те прашуваат за месечниот циклус. Кажи: „Тоа е непријатност.“ Затоа немојте да имате интимни односи со сопругите за време на месечниот циклус и не приоѓајте им се додека не се искапат! А кога ќе се искапат, приоѓајте им како што Аллах ви наредил!- Аллах навистина ги сака тие што се каат и ги сака тие што се чистат. (2:222)

Тирмизи забележал од Ебу Хурејра р.А., дека Пејгамберот рекол: „Оној кој спие со жената во време на нејзината менструација, или којшто има однос со неа во аналниот отвор, или којшто посетува зихирбази (џинџии) - станал навистина неверник, во она, што му е на Мухаммед [зборува за себе] објавено.„ [Број 135 / Хадисот е класифициран како сахих]

Оној кој направил такво нешто треба да се покае и да донира за сиромашните или тие што гладуваат, еден или една половина од еден динар.

Така е забележано од Ахмед [2032], Тирмизи [135], Ебу Давуд [264]; Несаи [289] и Ибн Маџе [289], од Ибн Аббас р.А., дека Пејгамберот с.а.в.с.- кога бил прашан за некој, којшто спиел со својата сопруга во време на нејзината менструација - рекол: „Да донира еден или една половина од еден динар.„ [Сахих Хадис]

Еден динар има вредност како една четвртина од еден грам злато. Во оваа ситуација треба тежината на златото да се пресмета во актуелната девизна противредност и истиот да се донира. И секако - треба да се покае и да заниети дека никогаш повеќе тоа нема до го повтори.

Второ:

Ако интимниот однос - во време на месецот Рамазан - бил ноќта, треба да се направи онака како што е горе опишано. Но, ако тоа се случило во текот на денот, тогаш навистина сте направиле два големи гревови – прекинување на постењето во месецот рамазан со интимен однос како и интимен однос во време на менструација!

Во смисла на интимниот однос во време на менструацијата, казната ти е објаснета. За прекршувањето на постот во време на Рамазан – резултираат од тоа 5 услови:

1. Грев
2. Прекршување на постот
3. Моралност, да се оттргне од јадењето и пиењето
4. Моралност, прекинатиот ден да се напости
5. Моралноста на покајување и казнување

Значи: Мораш прекинатиот ден да го обновиш – да го напостиш и да платиш казна. Казната е да ослободиш роб – ако не си во состојба тоа да го направиш, да постиш два месеци - еден по друг – ако не си и тоа во состојба, да донираш јадење за 60 сиромашни! Погледнете го и прашањето број 22938.

Аллах да ни помогне во тоа што Тој го Сака и со што е задоволен! А Тој најдобро знае!

Превод: Abu Al-Amin
Проект: ahlu-sunnah.org
Извор: „Islam Q&A“