Gjykimi i Tespijeve në Islam
Përgjigje nga Shejhul Albani.

بسم الله الرحمن الرحيم
Bismil-lahir-Rahmanir-Rahim

Pyetja: A jane bid'at tespitë?
Dikush thotë se ato janë gjëra të vogla,ne kemi shume gjëra të mëdha për të bërë dhe nuk ia vlen të merresh me vogëlsira ?

Pergjigje:
Këto gjëra që dikush i quan të vogla,duhet të dimë se ka gjëra edhe
më të vogla edhe më të mëdha.

Muslimani që don te eci në rrugën e drejtë,ashtu siç urdhëron All-llahu s.u.t. dhe i Dërguari i Tij (salall-llahu alejhi ue ala alihi
ue sel-lem) nuk pyet a është punë e vogël apo e madhe,por pyet:

A është e mirë apo është e keqe?

(d.m.th.Nëse është punë që ka sevape atëherë ai e vepron,dhe nëse është punë që ka gjynahe ai largohet,qofshin këto punë,që kanë sevape apo gjynahe,të mëdha apo të vogla)

Unë them që të bësh dhikër me tespi nuk është e lejuar.
Dikush këtë e quan të vogël.

(Duke parë gjendjen e mjeruar të muslimanëve ai thotë:
Nuk ia vlen të merresh me tespitë kur ne na vrasin e po na plaçkisin.)

Dikush tjetër e quan të madhe duke u bazuar tek ngjarja me Abdullah
ibn Mesudin (radiall-llahu anhu) i cili pa disa njerëz dhe u tha:
Cfarë po bëni ?
Ata u përgjigjën:
Po përmendim Allahun s.u.t.duke numëruar me këta gurë të vegjël.
(Thoshin 100 herë "All-llahu Ekber",100 herë" Subhanallah "etj. Kjo është e ngjashme me ata që përdorin tespitë)
Abdullah ibën Mesudi u tha:Numëroni gjynahet tuaja më mirë,
mjerë per ju rrobat e Profetit (salall-llahu alejhi ue ala alihi ue sel-lem) akoma s'janë vjetëruar,gota që ka përdorur akoma s'është thyer,shokët e tij janë akoma gjallë e ju bëni gjëra të tilla ?A mos po ndiqni një rrugë më të mirë se rruga e Muhammedit (salall-llahu alejhi ue ala alihi ue sel-lem),apo doni të hapni dyert e humbjes ?

Unë them se ç`do send me të cilin njerëzit e adhurojnë All-llahun s.u.t me të,duke qenë se Profeti (salall-llahu alejhi ue ala alihi ue sel-lem),nuk e ka adhuruar All-llahun s.u.t. me të,atëherë ky send quhet bidat.
Ka thënë Profeti (salall-llahu alejhi ue ala alihi ue sel-lem):
C`do bidat është humbje dhe ç`do humbje të çon në zjarr.
Bidatet janë të vogla ose të mëdha,por të gjitha janë humbje dhe humbja të çon në zjarr.
Ai send që bëhet shkak për ta futur vepruesin e tij në zjarr s'mund të konsiderohet gjë e vogël.
C`do njeri që e ka marrë vesh se tespitë apo ndonjë send tjetër është bidat,(Përveç atij që nuk din se ky send është bidat,këtij All-llahu s.u.t. nuk i kërkon llogari,pasi All-llahu s.u.t. e di shumë mirë se ky kur e ka bërë këtë bidat,nuk e ka bërë duke e ditur se është bidat) nuk lejohet që të thotë:Eshtë e vogël.
Sepse hyn tek fjala e Profetit (salall-llahu alejhi ue ala alihi ue sel-lem):C`do bidat është humbje dhe ç`do humbje të çon në zjarr.

Marrur nga:
Fetaua Li Shejkhil Albani.