Home
1
Искушенијата се награда за Мувехидите Пон 12 Ное 2012, 5:08 pm
Muaz al Islam
Модератор
Искушенијата се награда за Мувехидите
Го Молам на Аллах Возвишениот, Господарот на Аршот голем, да ни ги отстрани нашите и вашите грижи, нашите и вашите невољи.
Да ни даде вас а и нас решение за секој проблем, да ни даде излез од секоја тешка состојба и да отстрани од нас и од вас секаква потешкотија.
Аллаху Мој, ослободи ни од долгови, Аллаху Мој, отстрани ги од нас грижите должнички, Аллаху наш направи ни нас независни од сиромаштија.
Браќа мои во Аллаховото име, плачот не е начин да се забрза она што Аллах го одложил, или да се одложи она што Аллах го забрзал.
Плачењето во ништо нема да ти помогне.
На тебе преостанува да се наслониш потполно на Аллах Возвишениот и да го разубавиш твоето мислење за Аллах Возвишениот, навистина Аллах е онаков спрема својот роб, исто како што робот мисли за Него.
На тебе останува да не ја губиш никако надежта во Аллаховата добротија и Аллаховата Милост со ослонување на Живиот и Вечниот, со ослонување на Најмилостивиот од Милостивите.
Моли го на Аллах да те помогне со вистинска помош, со снага, со праведност и да ти ја отвори вратата за решение на проблемите.
Влегол Аллаховиот Посланик салаллаху алејхи ве селлем, во џамија па го видел на Ебу Умаме и му рекол:
“О Ебу Умаме што те наведило да седиш во џамија во време кое не е за намаз? Рекол Ебу Умаме: О Аллахов Посланику, грижите ме натежнаа, а долговите ме притиснаа. Па рекол Аллаховиот Посланик салаллаху алејхи ве селлем: “Дали сакаш да те упатам на зборови кои ако ги изговориш Аллах ќе ти ги отстрани твоите грижи, и ќе те ослободи од долговите? Рекол: Секако о Аллахов Посланику. Па рекол Аллаховиот Посланик: Речи: О Аллаху, заштита кај Тебе барам од моите грижи и мојата жалост, од изнемоштеност и немарност, скржавост и паничење, кај Тебе барам заштита од тежината на долговите и човечката надмоќност.“ (Бухари)
Благи и благословени зборови, зборови на дова која се услушува со дозвола од Аллах Возвишениот.
Па дали има роб кој ќе ги изговори верувајќи во нив, и е цврсто убеден во она значење кое го носат со себе, а Аллах да не му даде решение и излез.
Кажува Ебу Умаме, па ги изговорив, а Аллах од мене ги отстрани моите грижи и ме ослободи од моите долгови.
Аллахуме инни еузу бике минел хемм, - Аллаху кај Тебе барам заштита од моите грижи.
Ел Хемм - тоа се грижи кои нас не преокупираат а сеуште не се случиле.
Аллахуме инни еузу бике минел хемм вел хазем - Аллаху кај Тебе барам заштита од моите грижи и жалост.
Ел Хазен – тага е онаа што произлегла од некоја случка.
Тоа е збир од две работи од она што не било и она што те снашло.
Наредено ти е само од Аллах да бараш заштита. И тоа на начин:
Аллахуме инни еузу бике минел хемм - Аллаху кај тебе барам заштита од моите грижи. Навистина инсанот е слаб.
Го надвладуваат грижите дуњалучки. А што е решение за грижите, ако веднаш после нив се јавуваат други? Како да се надвладеат невољите, кога зад нив доаѓаат и други?
“Ние човекот го создаваме да се труди“. (Ел Белед 4)
Но нема да ги замени грижите, ниту пак да ги опфати тешкотиите освен Живиот и Вечниот, Оној Кого не го опфаќа ниту дремеж ниту сон.
Браќа мои во името Аллахово, Аллах само добро ви посакува кога ве става на искушение со потешкотии и Он вдахнува сабр (истрпливост) во вашите гради на таквите искушенија.
Аллах само добро ви посакува кога ве искушува, и Он ги мекнее вашите срца со таквите искушенија, Аллах ти сака само добро ако направиш твоите очи да се зафатени само со Него и Нему да му ја препуштиш твојата тага, да Му ги препуштиш твоите грижи и проблеми и твоето срце тогаш во таква состојба да проговори: Господару Мој на што ме препушташ?Дали ме препушташ на слабоста па таа да ме надвладее? Или на мојот непријател да ме совлада?“
Па јазикот твој во таква состојба да проговори: “О Аллаху, О Ти кој се оѕвиваш на секој кој е во невоља кога ќе Те повика, Тебе ти ја препуштам мојата несреќа, а јас Тебе ти се препуштам о Возвишен.
Па твојот јазик во таква состојба проговори: Аллаху, О Ти кој ја отстрани невољата од Ејјуб, О Ти кој ги отстрани грижите од Јунус, О Ти кој ги отстрануваш грижите од Твоите робови, и ги помогнуваш во нивните искушенија, помогниме мене против моите грижи, отстрани ги од мене моите проблеми, и не направи јас кај Тебе да бидам од Твоите несреќни робови. Аллаху мој не скратувај ни го Твоето добро, поради нашето зло.“
Зголемете ги вашите дови и вратете се кај Него навистина Он е милостив спрема вас повеќе отколку што вие самите себе си сте милостиви спрема вас.
Навистина ако успеете да бидете истрајни во овие зборови, од длабочината на вашите срца кои веруваат во Аллах, и кои се цврсто убедени во Аллах, па навистина Аллах нема да ве изневери.
Навистина кога робот ќе упати дова и цврсто ќе се приклони кај Аллах и Нему ќе му се препушти и ќе биде искрен во таа дова и тоа препуштање, небесната врата ќе му се отвори.
Кога ќе го замоли на Аллах, искрено од срце а неговото тело грижите го натежнале и тоа е болесно, оставен од своите сакани, тие постанале неблагодарни или му се зголемиле искушенијата со неговата ќерка или неговите синови, кога и да проба да се насмее ќе го расплачат неговите грижи, ќе го расплачат неговите проблеми, ќе го растажат и ќе почне да липти...
Навистина кога робот ќе се најде во ваква состојба па ќе се заврти кон Големиот и Севишниот, со искреност и цврсто убедување, па ова е целта на искушенијата...
Целта на искушенијата е брзо враќање кај Аллах, целта од искушенијата е робот цврсто и понизно да се врати кај својот Господар, да се врати кај Аллах Возвишениот и да се сети на Аллаховата големина.
Кога долгот ќе ти се направи голем, потсетисе дека Аллах е поголем од долгот и поголем од било што друго.
Кога ќе ти се направи грижата голема за твоите деца, за твојата ќерка, за твојот брачен другар, за твојата фамилија, присетисе дека Аллах те слуша, дека Аллах те гледа, дека Аллах е навистина благ, дека Аллах е навистина милостив и речи: О Господару, ти ја гледаш мојата состојба, ја познаваш мојата слабост, го познаваш моето сиромаштво, Аллаху Мој, јас тебе ти се препуштам, Господару мојата тага јас тебе ти ја препуштам, и од тебе помош барам, на Тебе се наслонувам, Тебе ти ја препуштам мојата состојба, кај Тебе ги приклонувам моите плеќи, во Тебе верувам, само Тебе ти се покорувам.“
Ако овие зборови ги изговориш тие ќе ти ја отворат вратата небесна. А ако бидат воздигнати овие твои дови, па ти навистина ќе бидеш награден со решение на твоите проблеми, и олеснување на твоите грижи.
Кога од Аллах ќе побараш помош, Он ти доаѓа со помош од каде ти и не се надеваш.
И навистина, на било кој роб земјата да му постане тесна поради она што му се случило , посебно ако те избегнуваат луѓе посебно ако те напуштат блиските и саканите, посебно ако се довериш на некого па тој те издаде, ако се надеваш на некој друг покрај Аллах, па он те понижава и навредува, тогаш знај дека Аллах сака да му се вратиш!!!
Најсреќни луѓе на дуњалук се оние кои своите лица ги завртија спрема Аллах.
Најсреќни луѓе на дуњалук се оние кои своите срца ги предадоа на Аллах.
“Кој е на подобра вера од оној кој искрено ќе го предаде лицето на Аллах а доброчинител е.“ (Ен Ниса 125)
Кога луѓето те понижуваат, знај дека во нивните раце не е воздигнувањето ниту понижувањето.
Кога ќе му се обратиш на луѓето и од нив ќе побараш да ти помогнат и да те направат среќен, Знај дека оние не се во состојба сами себе си штетата да си ја отстранат или корист да си донесат. Оние ниту можат да усмртат ниту пак да оживеат.
Кога искушенијата ќе постанат посебно жестоки, и ќе ти се зголеми одбивањето од страна на брачниот другар, од фамилијата, од брат и од сестра, од пријател, од другар, кога ќе ти се зголеми навредувањето од луѓето, кога ќе почнат да те игнорираат, знај дека имаш Господар кој нема да те издаде!!!
Знај дека имаш Господар кај Кого е крајот на несреќата.
Знај дека имаш Господар Кој го слуша скриеното и јавното!!!
Знај дека имаш Господар Кој према тебе е милостив, Кој те сака, и Кој сака да го повикуваш, и да Му се препуштиш и да Го повикаш.
“Оној кој ќе му се оѕвие на притиснатиот кога овој ќе го повика, кој открива зло и кој ве прави да бидете халифи на земјава? Има ли друг Бог освен Аллах?“ (Ен Немл 62)
Го спомнува Аллах искушението од Ејјуб па кажува:
“И Ејјуб кога го повика Господарот свој: “Мене, навистина, зло ме обзеде, а Ти си меѓу Милостивите Најмилостивиот.“ (Ел Енбија 83)
Мене невоља ме снајде, а Ти си од милостивите најмилостивиот!
Го повикал Ејјуб, а бил во голема несреќа и големи искушенија, во големи тешкотии и тогаш го повикал на Аллахсо Неговите најубави имиња и својства и рекол:
“Мене невоља ме снајде...“ Состојба која ме загрижува а Ти си од милостивите најмилостивиот!
“Му се оѕвавме во невољата која го мачеше, и му ја отстранивме со милоста Наша, и му ги вративме неговите деца и низ нив уште толку, за тоа да биде поука за оние кои Нас ни се клањаат.“ (Ел Енбија 84)
Ејјуб го повикал својот Господар со цврсто убедување, па Аллах ќе се оѕвие на секој кој ќе биде погоден од вакво искушение.
Поука, и пример на кој треба да се потсетат сите оние кои ќе се најдат во вакви искушенија, во секој пропуст и проблем било во вашите фамилии, имот, деца.
И колку во животот да си спокоен и силен со здраво тело, денес кај тебе е снагата, но не биди сигурен дека Аллах нема да ти даде искушенија, дека Аллах нема да спушти мусибет на тебе, дека нема да те заобиколи со долгови од сите страни, па ќе се разбудиш после толку угоден живот, па ќе се разбудиш во теснотија и тешкотија, ќерката ти се пожалува, твојот син се жали, ќе се разбудиш со проблеми и грижи, па те притискаат долговите, грешењето, па земјата ти постанува тесна поради она што те снашло, па никој нема да ти ја направи земјата пространа освен Аллах Возвишениот.
И нема да ги надвладееш грижите со ништо друго, освен со цврсто убедување дека Аллах е Помилостив спрема тебе отколку што си ти самиот према себе си.
Ако си искрен спрема Аллах, Аллах ќе биде искрен спрема тебе.
Кој е тој застанал пред Аллаховата врата па останал осамен?!!
Таков не постои!!!
Кој е тој кој бил искрен спрема Аллах, а Аллах да го изневерил???
Таков не постои!!!
Не наоѓаме кај Него Возвишениот, ништо друго освен благост и милост, не најдовме ништо друго освен Племенитост и Возвишеност.
Он ќе ти ја отвори вратат за изнаоѓање решение за сите проблеми, од таму од каде ти несе ни надеваш.
И нема таков роб кој моли во потешкотија со искреност спрема Господарот свој, а Аллах да не му даде едно од две добра.
Ahlu-Sunnah.org
