Home
1
Почит и љубов меѓу верниците Пет 16 Дек 2011, 1:06 am
Muaz al Islam
Модератор
Почит и љубов меѓу верниците
Почитувани браќа, навистина стремењето кон остварување на меѓу муслиманската љубов е еден од највозвишените цели на шеријатот. Рекол Возвишениот Аллах: „Навистина, верниците се браќа.. “ (Ел-Хуџурат, 10) Истотака, Пратеникот, алејхи селлам, во овој контекст рекол: „Примерот на муслиманите во нивната меѓусебна љубов и сочувствување е како примерот на едно тело. И доколку заболи еден негов орган, целото тело чувствува температура и бесоница. “ (Муслим) Еден од примарните услови кои што е потребно да се остварат за да биде можна и остварлива љубовта меѓу муслиманите е чистотата на нивните гради, те отстранувањето и на намалата форма на омраза, завист и пакост. Рекол Возвишениот Аллах: „Оние кои што доаѓаат по нив – говорат: ’Господару наш, прости ни нам и на браќата наши кои нè претекнале во нашата вера и не дозволи во срцата наши да има и најмала злоба кон верниците. Госпопдару наш, Ти навистина си добар и милостив.“ (Ел-Хашр, 10) Не е возможно е да се успее на ахирет, ниту да се влезе во Џеннет, освен со чисто и нерасипано срце, во кое што ќе нема ни омраза, ни завист, ниту било каков облик на пакост кон муслиманите. Рекол Возвишениот: „На денот кога ни имотот, ниту синовите нема да бидат од корист, освен оној кој кај Аллах дојде со чисто срце.“ (Еш-Шуара, 88) Во една пригода Пратеникот, а.с., бил прашан кој е најдобриот меѓу луѓето, па одговорил: „Секој човек со нерасипано срце и искрен јазик.“ Луѓето, рекле: Познато ни е за човекот со искрен јазик, но кој е човекот со нерасипано срце?“ а тој рекол: Тоа е чистиот и богобојазен човек, кој се чува од грев и на себе нема ни завист ниту пакост.“ (Ибн Маџе) Едно од нештата кое ја уништува меѓу муслиманската љубов е пренесувањето на туѓите зборови, за тоа Пратеникот, а.с. рекол: „Нема да влезе во Џеннет неммамот“, т.е. особата која со намера на сеење интриги, внесување непријателство и омраза меѓу муслиманите, пренесува туѓи зборови. Знајте дека секој грд збор и секој непримерен говор внесува нетрпеливост и омраза, и ги валка чистите и нерасипани срца. За тоа Возвишениот Аллах вели: „Кажи им на робовите Мои, само убави зборови да говорат – бидејќи, шејтанот може да посее непријателство меѓу нив, шејтанот навистина е отворен непријател на човекот.“ (Ел-Исра, 53) Затоа чувајте се браќа од беспотребните и заскитани раправии бидејќи и тие меѓу муслиманите внесуваат само нетрпеливост и омраза. Рекол имамот Малик: „Расправата е причина срцата да стануваат груби и сурови и тие предизвикуваат пакост меѓу луѓето.“ Почитувани браќа, нека ваша животна парола по која ќе се поведувате во сите сегменти бидат зборовите на Пратеникот алејхи селлам, : „Никој од вас нема вистински да верува се додека не го посака на својот брат муслиман она што го сака за себе си. “ (Муттефекун алејхи.)
Хатаб: Хусејн Али Шејx
Превземено:Исламски-Центар
