Home
1
Некои грешки во намазот Нед 27 Ное 2011, 12:33 am
Muaz al Islam
Модератор
Некои грешки во намазот
Најголема грижа за која треба верникот да посвети внимание е намазот, со тоа што ќе се потруди стриктно и доследно да ги проучи и свати намаските прописи и услови.</SPAN>
Особено, кога се има во предвид дека Аллаховиот Пратеник с.а.в.с. рекол: „Најпрво за што човекот ќе полага сметка на Судниот ден е намазот, па ако намазот му е исправен, и останатите дела ќе му бидат исправни; а ако намазот му биде расипан, па и другите дела ќе му бидат расипани.” (Таберани - сахих)
Притоа, верникот муслиман треба да биде свесен дека кога ќе дојде на Судниот ден, ќе има најголема потреба дури и за едно добро дело. Секако, дека намазот е најпрактично дело и најочигледен доказ за иманот на верникот.
Ние ќе наведеме само неколку погрешки кои често се прават во намазот, како потсетување и опомена за клањачот, со надеж дека клањачот ќе се поправи и врати на патот на вистината:
Прво:Смиреноста во намаз, кој пропис се смета за обврска (ваџиб), а според некои други тврдења се смета за составен дел (рукн) што значи ако човекот ја изостави смиреноста постои опасност за неприфаќање на намазот врз основа на хадисот каде Пратеникот а.с. му рекол на некој асхаб: „Врати се и клањај повторно бидејќи ти не си клањал!” (три пати) и потоа го поучил со зборовите: “Кога ќе станеш да клањаш, присебно земи абдест, потоа сврти се кон кибле, па земи текбир; потоа учи она што ти е лесно од Кур’анот, потоа оди на руку додека сé смириш, потоа подигни се сé додека се исправиш, потоа направи сеџде сé додека се смириш на сеџде, потоа крени се седнат сé додека се исправиш кога си седнат, потоа пак направи сеџде сé додека се смириш и така постапувај во текот на целиот намаз.” (Муттефекун алејхи)
Во еден друг хадис стои:
“Аллах нема да погледне во човекот кој нема да го исправи р’бетот меѓу руку и сеџде.” (Ахмед)
Второ: Потиснување на намазот од неговото прво време или сé додека излезе од дотичното намаско време. Ова најповеќе се случува со намазот на сабах. Возвишениот Аллах џ.ш. за секој намаз одредил посебно време - Китабен меукутен - На ова предупредил со зборовите:
“Тешко на оние кои клањаат, оние кои не внимаваат кон Намазот свој.”
Аллаховиот Пратеник с.а.в.с., рекол: „Кому му измакне намазот на икиндија, како да ја изгубил фамилијата и богатството.” (Бухари)
Трето: Недоволна грижа за прописно и педантно облекување кога се оди во џамија заради намаз. А посебно треба да се има во предвид покривање на срамните места, познато по називот “сетрул-авре”.
Четврто: Не положување на седумте делови од телото при правење на сеџде, што е спротивно на Пејгамберовата препорака. Пренесува ибн Аббас р.а. дека Аллаховиот Пратеник с.а.в.с. наредил човекот да направи сеџде со седумте делови: чело и нос, двете раце, две колена и двете нозе.” (Бухари) Грешката која клањачот ја прави се случува кога ја крева едната нога од тлото, или прави сеџде само со нос без чело или обратно и сл. Абдуррахман ес-Са’ди вели: “Ако клањачот од почеток на сеџде па до крај ја има подигната ногата, намазот му е неисправен.”
Петто:Станување на оној кој доклањува што му е пропуштено со имамот пред имамот да даде селам на двете страни. Аллаховиот Пратеник с.а.в.с., рекол: “О луѓе, јас сум вашиот имам, па немојте да предначите пред мене со руку, или со сеџде или со станување или со седење или со завршување (селам).” (Муслим) Имам Шафи рекол: “Ако некој испуштил со имамот нешто од намазот, нека не станува да го наклања сé додека не даде имамот селам на двете страни.”
Шесто: Правење на некои намаски дела пред имамот како одење на руку пред имамот, правење сеџде пред него, кревање пред него, давање селам пред него и сл. Аллаховиот Пратеник с.а.в.с., рекол: „Зарем не се плаши некој од вас кога ќе ја крене главата пред имамот, дека Аллах ќе му ја направи неговата глава - како магарешка глава, или да го направи неговиот лик (сурет) како ликот на магарето.” (Муттефекун алејхи) Како што не е пожелно да се закаснува зад имамот, туку имамот треба да се следи. Еден асхаб го видел друг асхаб како клања со имамот а предначи со намаските дела пред него па му рекол: Ниту сам клањаше ниту имамот го следеше!”
Седмо: Правење сеџде со ставени лактови на подот, што е непрописно и забрането. Тоа Аллаховиот Пратеник с.а.в.с. го опишал како кучешко легнување. Аллах да нé чува и упати!
