Home
1
Текстови од Библијата кои говораат за наслилство Пет 20 Јан 2012, 3:17 pm
Muwehhid
Модератор
Во Името на Аллах Милостивиот, Самилосен!
Во овој прилог е само дел од текстовите во Библијата кои говораат за наслилство.
Народот што беше во градот го извади надвор и го исече со пили, со железни копачи и со секири. Така Давид им направи на сите градови на Амоновите синови. Потоа се врати со сиот народ во Ерусалим. ( Летописи 1 поглавје 20 ситх 3)
Така Израел се прилепи до Фегорскиот Ваал. И Господ пламна со гнев против Израел „Собери ги сите народни началници - му рече Господ на Мојсеја. Обеси ги пред Господа на бел ден, за да се одврати Господовиот гнев од Израел.” (Броеви поглавје 25 стихови 3-4)
Гедеон им рече: „Добро! Кога Господ ќе ми ги предаде во рацете Зевеја и Салмана, ќе ви го раскинам телото со трње и со пустински глогови.”( Судии поглавје 8 стих 7)
Зевеј и Салман беа во Каркор, и нивната војска со нив, околу петнаесет илјади луѓе, што беа оставени од војската на синовите на Исток; сто и дваесет илјади војници паднаа.( Судии поглавје 8 стих 10)
На полноќ Господ ги погуби сите првороденци во Египетската Земја: од фараоновиот првороденец, кој требаше да седи на престолот, до првороденецот на пленикот во темницата, а така и сите првородени на добитокот.Во ноќта стана фараонот, тој и сите негови дворјани и сите Египетци, зашто страшен лелек се разнесе низ Египет: немаше куќа во која не лежеше мртовец. ( Излез поглавје 12 стихови 29-30)
или глад за три години, или ти да бегаш три месеци пред непријателите, и да те стига мечот на твоите непријатели, или три дни Господовиот меч и морот да бидат на земјата, и Господовиот ангел да убива по сите израелски краишта.’ Сега размисли и гледај што да му одговорам на Оној што ме испрати!”( Летописи 1 поглавје 21 стих 12)
Така Господ испрати помор на Израел, та изумреа седумдесет илјади Израелци. ( Летописи 1 поглавје 21 стих 14)
Етиопецот Зара излезе против нив со илјада илјади воини и со триста бојни коли и дојде до Мариса. (Летописи 2 поглавје 14 стих 9)
Господ ги разби Етиопците пред Аса и пред Јудејците, та Етиопците избегаа.( Летописи 2 поглавје 14 стих 12)
А тогаш Мојсеј навести: „Господ порачува вака: ‘Ќе поминам низ Египет на полноќ Секој првороденец во Египетската Земја ќе умре, од фараоновиот првороденец, кој би требало да седи на неговиот престол, до првороденецот на робинката, која се наоѓа покрај мелничкиот камен; а ќе загинат и сите првородени на добитокот. (Излез поглавје 11 стихови 4-5)
Навистина, Бог ќе ги скрши главите на Своите непријатели, влакнестото теме на оној, што оди во гревови. за да ја капеш ногата во крв, за да имаат јазиците на твоите кучиња дел од непријателот. (Псалм поглавје 68 стихови 21-23)
И Тој ги удри жителите на Вет Семес бидејќи погледнаа во Господовиот Ковчег. Затоа Господ порази педесет илјади и седумдесет луѓе меѓу нив. Народот тагуваше заради тоа што Господ ги порази со големо истребување. ( Самоил 1 поглавје 6 стих 19)
А оној пророк или соновидец нека биде погубен, зашто поттикнуваше на отпаѓање од Господа, од вашиот Бог... (Второзаконие поглавје 13 стих 5)
„Кога твојот брат, синот на мајка ти, или твојот сопствен син, твојата ќерка, жената во твојата прегратка, или твојот пријател кој ти е како и животот, би те заведувал потајно, велејќи: ‘Ајде да им служиме на други богови,’ кои не ги познаваш ни ти ниту ги познаваа твоите татковци,(Второзаконе поглавје 13 стих 6)
немој да се согласиш ниту го слушај! Твоето око нека не го сожалува; не штеди го и не сокривај го, но уби го! Твојата рака нека се дигне прва за да го умртвиш, а потоа раката на целиот народ. (Второзаконие поглавје 13 стихови 8-9)
тогаш исечи ги со остар меч жителите на тој град, предај ги на проклетство него и сите што се во него и неговиот добиток. (Второзаконие поглавје 13 стих 15)
Господ над Воинствата зборува вака: ‘Одлучив да се одмаздам за она што Амалик му направил на Израел, затворајќи му го патот кога излегуваше од Египет.Сега оди и удри на Амалик, изврши проклето уништување, врз него и врз сè што има; не поштедувај го, погуби ги мажите и жените, децата и доилчињата, говедата и овците, камилите и ослиците!’” (Самоил 1 поглавје 15 стихови 2-3)
А народот што беше во него го изведе и го стави да работи кај пилите, и со железни копачи, и со железни секири, и го употреби за работа во туланите. И така исто им правеше на сите градови на Амоновите синови. Потоа Давид се врати, со својата војска во Ерусалим.( Самуил 2 поглавје 12 стих 31)
А токму жените, по Валаамовото наговарање, ги заведоа Израелевите синови да истапат против Господа во Фегоровиот случај. Така дојде помор во Господовото општество.Затоа убијте ги сите машки деца! А убијте ја и секоја жена, која запознала маж! (Броеви поглавје 31 стихови 16-17)
А Јаила, Хеверовата жена, го зеде шаторскиот кол и чук во рацете, му се приближи тивко и му го прикова колот низ слепоочниците така што се закачи во земјата. Тој беше заспал цврсто од исцрпеност, и така умре. (Судии поглавје 4 стих 21)
Кого ќе го стигнат, ќе го пронижат, кого ќе го фатат, ќе го исечат со меч; пред нивните очи ќе ги смачкаат нивните младенци, ќе им ги ограбат куќите, ќе им ги изнасилат жените. (Исија поглавје 13 стихови 15-16)
А за вашата крв, за вашиот живот, ќе барам сметка: ќе ја барам од секое животно; и од човекот за неговиот брат; ќе барам сметка за човечкиот живот.Кој пролее човечка крв, Човек ќе ја пролее неговата крв! Зашто Бог го создаде човекот Според Својот образ. (Битие поглавје 9 стихови 5-6)
Тогаш ги освоивме сите негови градови и ги предадовме на проклетство сите негови градови со мажите, жените и децата, не штедејќи ништо,освен добитокот, што го зедовме како плен, заедно со пленот од градовите што ги освоивме. (Второзаконе поглавје 2 стихови 34-35)
Ги предадовме на проклетство - како што направивме и со Сион, есевонскиот цар - сотирајќи го секој град со мажите, жените и децата.А сиот добиток и пленот ги задржавме за себе.(Второзаконие поглавје 3 стихови 6-7)
А на другите им рече пред моите уши: „Тргнете по него низ градот и убивајте без милосрдие. Вашите очи нека не се сожалат и немајте милост.Погубете ги старците, младинците, девојките децата и жените; истребете ги сите до последниот. Но, врз кого ќе биде знакот ‘тау’ него не го зафаќајте. Почнете од Моето светилиште!” И тие почнаа од старешините, кои што стоеја пред Домот. (Езекели поглавје 9 стихови 5-6)
И тогаш ја извршија заклетвата ништејќи со острилото на мечот сè што беше во градот: машко и женско, старо и младо, волови, овци и ослиња.( Исус навин поглавје 6 стих 21)
Праведникот ќе се израдува кога ќе ја види одмаздата, нозете ќе ги измие во крвта на злосторникот.(Псалма поглавје 58 стих 10)
Извор: [You must be registered and logged in to see this link.]
[You must be registered and logged in to see this link.]
-