Ka njerëz që nuk e falin namazin me kohë dhe duke neglizhuar lavdërimin e Allahut e përmendin formalisht. Si rezultat i gënjeshtrës pasojnë rrëmujat dhe mëkatet e mëdha. Kënaqësia shpirtërore është pasuria më e madhe, kurse devotshmëria është furnizimi më i mirë.

Ajka e urtisë është frika nga dënimi i Allahut xh.sh. Ajo në të cilën bindet njeriu dhe e njeh qartë, ngulitet më mirë në zemrën e tij, ndërkaq, dyshimi është fryt i besimit të dobët. Vajtimi për të humburit (të vdekurit) është traditë pagane. Mashtrimi me plaçkat e luftës është si zjarri flakërues, kurse pasuria, nga e cila s`jepet zeqati është flakë me të cilën do të përvëlohet pronari i saj.

Kënga është vegël e shejtanit, pijet alkoolike janë nëna e të gjitha të këqijave, femrat e përdala janë kurth i djallit, kurse rinia e shfrenuar është lloj çmendurie. Të ngrënit më të rrezikshëm është nga pasuria e jetimit.

Kënga është vegël e shejtanit, pijet alkoolike janë nëna e të gjitha të këqijave, femrat e përdala janë kurth i djallit, kurse rinia e shfrenuar është lloj çmendurie. Të ngrënit më të rrezikshëm është nga pasuria e jetimit.

Fatlumi gjithnjë merr mësim nga fatkeqësia e të tjerëve, kurse i mjeri është i pafat që para lindjes. Secili prej jush shkon drejt vendit katër kutesh, d.t.th. secili nga ju do të vdes dhe vendoset në varrë.

Fundi e zbukuron veprën. Ëndrrat më pakuptima janë ëndrrat e rrejshme, çdo gjë që vjen është e afërt.
Fyerja e besimtarit të largon nga feja, kurse vrasja e tij është mosbesim. Të ngrënit e mishit të besimtarit, d.t.th. të shpifurit ndaj tij është mëkatim ndaj Zotit. Pasuria e besimtarit është e shenjtë njashtu si jeta e tij.

Kush e falë tjetrin për fajin e bërë, Allahu atij do t`ia falë mëkatet dhe kush përmbahet gjatë zemërimit, Allahu do ta shpërblej.

Atij, që tregohet i durueshëm gjatë fatkeqësisë, Allahu do t`ia kompensoj dhe kush mëkaton Allahu do ta dënoj.

O Zoti im, më fal mua dhe pasuesit e mi. Kërkoj falje nga Allahu për
veten dhe për ju".