Нека погледне човекот од што е создаден


Создавањето на човекот е еден од најголемите докази кои упатуваат кон постоењето на Аллах. А доказите се следниве:
“Нека погледне човекот од што е создаден!(Ет-Тарик,5)

Возвишениот вели:“О луѓе,како можете да се сомневате во оживувањето-па, Ние ве создадовме од земја, потоа од капка семе, потоа од засирена крв, потоа од парче месо,целосно и нецелосно,па ви ја покажуваме моќта Наша!А во утробите сместуваме што сакаме,до рок определен,потоа правиме како доенче да се раѓате за да станете потоа меженствени;едни од вас умираат, а други длабока старост доживуваат,па за час го забораваат она што ќе го сознаат.И ја гледаш земјата како е замрена,но кога на неа дожд ќе спуштиме, таа ќе заживее и забуја и од неа ќе изникнува разновидно растение прекрасно.“(Ел-Хаџџ,5)

“Зарем човекот мисли дека сам на себе ќе биде препуштен,дека нема да одговара? Зарем не беше капка семе која се уфрла, потоа грушка на која Тој размер и одреди и соодветен лик и направи, и од него тогаш две врсти, машко и женско, создаде, и зарем Тој не е Кадар мртвите да ги оживее?“(Ел-Кијаме,36-40)

“Зарем вас од безвредна вода не ве создадовме, која на сигурно место ја ставаме до рок определен?!Таква е Нашата моќ; а како сме само Ние моќни!“(Ел-Мурселат,20-23)

“Како човекот не гледа дека Ние од капка семе го создавеме, и пак е отворен непријател.“( Ја Син,77)

“Ние човекот од глина го створивме, потоа како капка семе на сигурно место го ставаме, па тогаш капката семе грушка ја правиме, потоа од грушката парче месо создаваме,па од парче месо коски направивме, а тогаш коските со месо ги обвиткуваме, и потоа, како друго создание, го оживуваме-па нека е Возвишен, Аллах,Најубавиот Створител!“(Ел-Му’минун,12-14)

Докази се и многу други ајети кои го поттикнуваат робот на размислување за почетокот на неговото создавање, за животот и смртта.Неговото создавање и постоење се едно од најголемите Аллахови знаменија.Само кога за себе добро би размислувал,со своето чудење далеку би се оддалечил од куфрот.

Возвишениот вели:
“Проклет нека е човекот!Колку е само тој незаблагодарен!Од што Тој го создава? Од капка семе го создава и за она што е добро за него го припрема,и Правиот пат достапен му го направи, потоа животот му го зема и прави да биде погребан, и потоа, кога Тој ќе сака, ќе го оживее.!(Абесе,17-22)

Не ги спомнува Возвишениот, периодите на формирањето на човекот од семе повеќе пати како би не запознал со тоа, туку поради друга,поважна цел. Погледни и размисли од што настануваат луѓето: од бедна капка вода на која и е потребно само час време за да се расипе, погледни како излегува помеѓу ’рбетот и грбот и го донесува на сигурно живеалиште, и како ги спојува машкото и женското низ љубов и страст како причина за створувањето на детето.

И погледни како од ембрион настанаа коски, и нерви, и крвни садови,и како косиките се обвиткани со месо, и како направи отвори за слух,вид, и нос, и уста,и екстремитети со прсти и нокти,и внатрешни органи, и тоа секој од нив со своја функција.

И погледни како коските меѓусебно се разликуваат согласно на својата функција, и како се поклопуваат една во друга со различни видови на поклопувања, и како зглобовите се зацврстени со мускули и жили, што на робот му овозможува да го подигне оној дел од телото кој му треба.

И погледни ја главата и сетилата во неа,и нејзината положба над телото, да го надгледува телото и да го води; и око од седум слоеви, да ја чуваат зеницата која го гледа светот околу себе како крал опкружен со стражари, потоа очни капаци,па трепки.

И погледни го увото, во најубав облик и најсоодветен за својата функција, во облик на школка, како би се собрале гласовите и би ги испратило во внатрешноста на увото,каде се намалува нивната јачина,додека не стигнат до сетилата за слух.

И погледни како водата во увото ја направи горка за инсектите да не можат да ја поминат оваа препрека и да влезат во внатрешноста на увото, и како ја направи водата на окото солена за да би го сочувала од крварење; и како ја направи водата на устата слатка за да би можела да ги разликува вкусовите на секое јадење посебно.

И погледни го носот, во најуваб облик и положба. Две уши и две очи во склад со еден нос, кој се состои од две шуплини и помеѓу нив е преграда.Во него е сместено сетилото за мирис и со него го вдишува воздухот кој и е потребен на градите.

И погледни ја устата, во најсоодветна положба со сетило за вкус, и средствата за зборување и јадење, со забите како бисери заокружени со усните, истотака во најубав облик и боја, без коски како би се овозможило пиењето, отворањето и склопувањето и вилицата, горната непокретна а долната покретна.

И создаде грклани различни за секој да би се одликувал со посебната боја на глас; и ја украси главата со коса, лицето со веѓи, и мажите со брада.

И две раце,со кои го наоружа робот со нив да заработува,и дланки кои што му служат за зафаќање со нив, со четири прсти на една страна, и палецот на друга, ги опкружува останатите четири.А на прстите нокти, ги разубавува, и поред другите функции кои ги имаат.

И погледни како коските од долната половина на телото се разликуваат од коските на горната половина по големината и цврстината, зошто тие го носат телото.

И погледни го вратот,носачот на главата, од седум пршлени што меѓусебно прецизно се вклопуваат на врвот од грбот, составени од дваесет и четири пршлени, за кои се врзуваат ребрените коски и коските на рамото, а овие за коските надлактици, а овие за коските подлактици, а овие за коските на рацете, и на крај,за прстите.

И погледни како на коските стави месо, секоја според големината,360 коски, 248 од нив со зглобови.Да има и една коска повеќе, би била штетна за инсанот и би требало да ја отстрани, а само една да недостасува-би требало да ја надомести.И ги поврзува со 529 жили, како струна, со различна должина и дебелина, согласно на потребата.Од нив 24 се околку очите,и само една од нив да се затаи, би се онеспособило целото око.

Од чудата на Неговите создавања се и трите центри во главата, еден во предниот дел на главата, еден во задниот дел и еден во средината, одговорни за сеќавањето и однесувањето.

Од чудата на Неговите создавања се и внатрешните органи, секој со своја функција.

Аллаховиот Пратеник с.а.в.с. вели:
“Навистина е во телото парче месо; додека тоа е здраво, здраво е и целото тело, а ако тоа се расипе, ќе се расипе и целото тело.Тоа е срцето.“(Бухари 52,Муслим 1599)

[You must be registered and logged in to see this link.]