Честитка од поглаварот на ИВЗ по повод Курбан Бајрам


published - 15/11/2010 17:41:00




„Верниците да се солидаризираат, да ги заборават меѓусебните несогласувања, раздори и заговори за да се постигне задоволството од возвишениот Алах,, порака од поглаварот на Исламската верска заедница Сулејман Реџепи по повод празникот Курбан Бајрам.


„Имам посебна чест, по повод празникот Курбан Бајрам, во име на Исламската верска заедница и во мое лично име, да ви го честитам овој празник обраќајќи му се со молитви на Семилосниот за помош, добробит, [Само регистрираните членови може да гледаат линкови. Кликни тука за да се регистрираш...] и среќа. Празникот Курбан Бајрам е празник на обавување на петтиот исламски столб, Хаџот, кој воедно е и собир на сите муслимани од секаде низ светот во светата земја, меѓу кои се и аџиите од нашата земја. Во оваа пригода, му се молиме на Семоќниот и Возвишениот Алах, секаде каде што живеат муслимани да ги покрие со неговата милост, да им помогне во прогресот и да ги заштити од сите оние кои имаат лоши намери и зли идеи, да ги заштити од болести, било да се душевни или телесни, бидејќи Тој е најдобриот Заштитник“, порача Сулејман Реџепи, поглавар на ИВЗ.

Верниците од муслиманската вероисповед денеска го слават празникот курбан Бајрам




„Бајрам мубарек олсун“, „џезуар Бајрами“ – се разлеваа честитките помеѓу муслиманските верници во предворјата на џамиите рано изутрината. Се честиташе големиот муслимански празник курбан Бајрам. Од џамиите одекнуваше повикот на оџата, утринската молитва „сабах –намаз“, а потоа и „Бајрам – намаз“.

Во Куранот пишува ние ти дадовме добро изобилно. Па, клањај му се на господарот твој и заколи курбан!”. Овој цитат најдобро ја отсликуваат суштината на празникот и потсетува на основните принципи на исламот – верата, солидарноста и хуманост. Муслиманските верници колат курбан за да се поблиску до бога. Солидарноста ќе ја покажат поделувајќи го курбанот на три дела, за семејството, за пријателите и за сиромашните. А хуманизмот посетувајќи ги роднините и пријателите.

Курбан Бајрам е 70 дена по првиот Бајрам во годината, „фитр Бајрам“, а го обележува денот кога е комплетиран светиот Куран.

Честитката „Бајрам мубарек олсун“ од секој добронамерник без разлика на вероисповед, муслиманите веруваат ќе придонесе сите да излезат од празникот по силни и со чисто срце и душа.

__________________

Последни подготвки пред курбан бајрам. Муслиманските верници беа на сточните пазари и на месата каде што се продаваше стока. Се купуваа телиња и овци зашто главен обред на овој празник е да се заколе курбан. Продавачите велат дека годинава, за разлика од лани, побарувачката е помала.

„Се трудиме да оди добро. Имаме стока и под и над 200 евра,
зависи од стоката. Минатата година повеќе се продадоа, годинава слабо, луѓето немаат пари“.

„Кој има си купува најдобри бикови и овни. За овие што се послаби никој не прашува, три дена се тука и никој не сака да ги купи. Овие се за сиромашните“.

„Денеска парите ги трошат на луксуз, за курбан не даваат за луксуз даваат“, рекоа некои од продавачите.

За дел од купувачите, цените за курбан не се проблем, оние со поплиток џеб можат само да гледаат.

„Се договоривме, 380 евра, прифатлива цена е. Тоа што народот нема пари е друга работа. Тој ден е хуман ден и месото треба да се подели со сиромасите, со роднините, со комшиите“.

„Не сме прашале колку чини, знаеме дека не можеме да купиме. Имаме мали плати. Да имав добра плата, кој не би сакал да купи“.

„Овие курбани ги купив по 100 евра. Јас со брат ми и зетот купивме шест, за секого по две. Сметам дека цените се нормални, ниту многу високи, ниту многу ниски“, изјавија купувачите.

Курбанот има хуманитарно значење. Дел од месото може да му се даде и на комшија кој не е муслиман. Главната церемонија за молитвата намаз, за Курбан Бајрам, ќе биде утре во џамијата Султан Мурат во Скопје.