Бајрамска порака до верниците од поглаварот на ИВЗ



30.08.2011 - 10:15 |

• [You must be registered and logged in to see this link.]
  

Поглаварот на Исламската верска заеница
Реис ул улема Хаџи Сулејман ефенди Реџепи по повод големиот исламски
празник Бајрам упати честитка до верниците со благослов за среќен
празник и со порака за искажување човечки и цивилизациски вредности.






- Браќа и почитувани пријатели, сакани верници Ви го испраќам
Алаховиот благослов со желби овој возвишен месец да остави непресушни
траги во вашите души. Го испративме исклучителниот месец, месецот на
чесниот Куран, месецот на воспитувањето и хуманизмот, светиот месец
Рамазан во кој ние сите ја изразивме љубовта и нашето искрено верување
без резерва во Единиот Творец на сите светови моќниот Алах џ.ш, се вели
во честитката.

Во текот на месецот Рамазан преку учењето на Куранот, клањањето на
намазите, постот и трпението со добродетелство и хуманизам, додава
поглаварот на ИВЗ, ја разбравме филозофијата на овој месец кој послужи
како патоказ во правец на избегнување на сите слабости, девијации и
деструкции во општеството од причина што Исламската вера претпочитува
љубов, а не омараза, морал, а не неморал, толеранција, а не тензии,
респект, а не насилие, се грижи за солидарност, а не за егоизам.

- По повод на овој месец ве повикувам да го покажете и посведочите
величието на верувањето кое извира од љубов и почитување на возвишениот
Алах почнувајќи од ноќта спроти бајрамот посебно внимание им дадеме на
нашите души и на нашите срца за да останат занавек живи како што не
подучува Алаховиот пратеник „кој бдее и ја оживува бајрамската ноќ со
учење на Куран, клањање на намаз, потсетување на Алаховото величие во
различни форми, нивните срца и нивните души ќе останат живи на Денот
кога сите други срца ќе престанат да живеат", нагласува ефенди Реџепи.

- Денес ние треба да побараме опрост од оние кои свесно или несвесно
сме ги повредиле, да се поздравиме со оние со кои долго време не сме се
поздравувале, да бидеме дел од оние групи кој не прават неред и
недоразбирања во општеството. Ние денес и за навек да останеме блиски до
сиромашните, до болните, до бедните, до сирочињата, како и со сите оние
кои имаат потреба од пружена рака. Апелираме до сите наши џемаати да се
солидаризираат со нашите браќа во Сомалија давајќи го својот прилог во
јавните места каде што ќе се клања Бајрам намаз. Алах џ.ш. дарителите ќе
ги награди со неизмерна награда, се додава во честитката.

Посакувајќи ви радост и среќа на овие празнични бајрамски денови,
вели Реис ул улема Хаџи Сулејман ефенди Реџепи, ги повикувам сите
верници на Исламот, како и сите други луѓе со добра воља да култивираат
човечки и цивилизациски вредности. - Да искажуваат љубов спрема
семејството, пријателите и комшиите, да го респектираат универзалниот
концепт за слобода и да ги почитуваат разликите во човештвото определени
со Алаховата воља, се вели во пораката од поглаварот на ИВЗ по повод
Бајрам.

Муслиманите го слават Рамазан-Бајрам



30.08.2011 - 10:07 |

• [You must be registered and logged in to see this link.]
  

Муслиманите во Република Македонија, како
и целиот исламски свет, денеска го слават Рамазан Бајрам. По
едномесечниот пост, во кој верниците се воздржуваа од храна и пијалоци
од зора до зајдисонце, денеска во сите џамии ќе се служи утрински
Бајрам-намаз.






Рамазан, деветиот месец во исламскиот календар, воедно е и месец
на почетокот на објавата на Куранот. Поголемиот дел верници од исламска
вероисповед овој празник го слават три дена.

Во текот на Рамазанкиот пост муслиманските верници се обврзани да
даваат садакатул-фитер, милостина на сиромашните. Фитерот треба да се
даде пред утринскиот Бајрам-намаз, а ако некој тоа не го направи се
обврзува фитерот да го даде во текот на годината.

Рамазан-Бајрам е ден кога се сретнува моќта на богатите со слабоста
на сиромашните во љубов, милост и правдина. Ден кога сиромашните се
радуваат во удобностите на животот, ден кога роднините се сретнуваат во
благодет и внимание еден за друг, ден кога мулсиманите се соединуваат во
молитви и меѓусебни посети, ден кога пријателите ги оживуваат мостовите
на љубовта и елементите на блискост, ден кога благородниот дух ги
простува грешките на другите и се соединува по разделбата.

Ах пуста нивна намера од една страна честитки од друга страна Тужби и тоа пред невернички судови, за што? хахаха За ПАРИ нивното друго божанство.

Кажува Посланик салаллаху алејхи ве селлем ќе се појават луѓе кои ќе го обожаваат динарот и дирхемот.