СУРА

“КАФ” (“каф”)

Мекка - 45 ајети

Во името на Аллах Милостивиот Сомилосен!


1. Каф! Се колнам во Кур’анот славен.

2. Но, ете се чудат затоа што им дојде еден опоменувач меѓу нив... па, неверниците велат: Ова е чудна работа!

3. Зарем кога ќе умреме и кога ќе станеме земја? Ете, тоа враќање е невозможно.

4. Ние знаеме, секако, што ќе им одземе земјата. Кај нас е Книгата што се чува!

5. Но, не! Оние лажат за вистината, бидејќи таа веќе им дојде: токму, сметени се!

6. Зошто не гледаат кон небото над нив? Како Ние го подигнавме и како го накитивме и како е без недостаток?

7. И Земјата како Ние ја раширивме и како по неа брда расфрлавме, и од неа како да никнат секакви плодови убави,

8. како очигледност и опомена за секој роб кој се обраќа.

9. И од небото Ние спуштивме вода благородна, па со неа даваме да никнат и зеленчуци и жито што се жнее,

10. и урми високи, во листовите збрани,

11. како ‘рск за робовите, и со водата, исто така, Ние го оживуваме мртвиот предел. Ете, такво ќе биде проживувањето!

12. И пред нив лажеа: и народот на Нух, и жителите на Рес, и на Семуд,

13. и на Ад, и фараонот и браќата на Лут,

14. и жителите на Ајка и народот на Туб. Сите тие ги сметаа за лажни пејгамберите... па се овистини ветувањето!

15. Па, се уморивме ли со творењето прво? Но тоа се оние кои не се начисто со новото создавање!

16. Ние, секако, го создадовме човекот и знаеме што му шепоти душата. Ние сме му, меѓутоа, поблиску од жилата во гркланот.

17. Кога ќе се сретнат двајца, еден од левата а еден од десната страна, и кога ќе седнат,

18. не ќе прозборат ниеден збор а да при себе нема бдеец, спремен!

19. Маките смртни ќе дојдат, навистина! Од тоа, ете, не можеш да побегнеш!

20. И ќе се дувне во Сурлата! Ете, тоа е Денот ветен!

21. И секоја душа ќе дојде со нејзин надзорник и сведок!

22. Ти беше, секако, невнимателен кон ова, па Ние ја подигнавме завесата пред тебе и опулот твој денес е остар.

23. Другарот негов ќе рече: “ Овој до мене е спремен.

24. Фрли го во Џехеннемот секој неверник, инаетчија!

25. Кој добро забрануваше, престапник, сомнителен!

26. Кој, покрај Аллах, друг бог прифаќаше, - та, фрли го во казната жестока!”

27. Другарот негов ќе рече: Господаре наш, не е мое да го присилувам, но тој, секако, беше скршнат во заблуда далечна.

28. Аллах ќе рече: Не расправајте се при Мене. Јас ве опоменав, секако, уште од порано,

29. кај Мене зборот не се менува и Јас не сум неправеден кон робовите.

30. Ден во кој ќе му речеме на Џехеннемот: “Се наполни ли?” - а тој ќе рече: Има ли уште?

31. И ќе се приближи Џеннетот за богобојазливите, сосем, блиску.

32. “Ова е, токму, она што ви се ветуваше: за секој покајник и заштитник,

33. кој се плаши од Милостивиот и во тајност, и кој ќе дојде со срце оддадено.

34. Влезете во него со селам! Ете, ова е Денот на вечноста!”

35. Во него за нив ќе има се што ќе посакаат. А кај Нас има и повеќе од тоа!

36. И колку поколенија Ние пред нив уништивме, кои беа посилни од нив, и кои талкаа по земјите! Има ли каде да се скријат?

37. Во тоа, навистина, има опомена за оној кој има срце, или кој слуша или кој е присутен!

38. Ние ги создадовме, секако, и небесата и Земјата и она што е меѓу нив за шест дена без да не обзеде замор!

39. Па, стрпи се за она што го зборуваат и слави Го, заблагодарувајќи се, Господарот твој и пред изгрејсонце и пред зајдисонце.

40. И во ноќта величај Го, по паѓањето на сеџде!

41. И слушни, Денот во кој викачот ќе вика од место ближно;

42. Ден во кој ќе го слушаат страшниот глас, вистински! Ете, тоа е Денот на проживувањето!

43. Ние, навистина, оживуваме и Ние, навистина, усмртуваме! Свратилиштето е - кон Нас!

44. Ден во кој земјата ќе испука и оние ќе излезат, брзајќи. Ете, тоа збирање за Нас е лесно.

45. Ние најдобро го знаеме она што го зборуваат. Не е твое да ги присилуваш. Па, присети го со Кур’анот оној што стравува од ветувањето Мое!

СУРА

“ЕЗ-ЗАРИЈАТ” (дувачи)

Мекка - 60 ајети

Во името на Аллах, Милостивиот Сомилосен!


1. Се колнам во дувачите кои дуваат,

2. и во носачите кои носат тешко,

3. и во пливачите кои пливаат лесно,

4. и во споделувачите на наредбата дека

5. она што ти се ветува е - вистина,

6. дека ветувањето, секако, ќе се случи!

7. Се колнам во небото, испресечено со покази,

8. дека вие, навистина, различно зборувате,

9. и од него се одвраќа оној кој веќе се одвратил!

10. Нека пропаднат лашковците,

11. кои се вглавени во незнаење, и уште рамнодушни!

12. Велат: “Кога ќе биде Денот суден?

13. Оној Ден кога во огнот ќе се пржат.

14. Вкусете го сплеткарењето ваше. Па, кон ова вие, токму, брзавте да дојдете.

15. Богобојазливите, навистина, ќе бидат во бавчите џеннетски, меѓу изворите,

16. и ќе го земаат она што ќе им го рече Господарот нивни. Оние пред тоа беа, навистина, доброчинители,

17. само малку во ноќта спиеја,

18. и во мугрите, токму, прошка бараа,

19. а во имотите свои, пак, имаше дел и за питачите и за непитачите.

20. А на земјата има знаменија за верниците,

21. а и во вас самите - не гледате ли?

22. И на небото е ‘рскот ваш и она што ви се ветува.

23. Па, се колнам во Господарот на небесата и на Земјата дека тоа, сигурно, е вистина слична на она што вие, токму, го зборувате!

24. Ти дојде ли кажувањето за почитуваните гости на Ибрахим,
25. кога влегоа кај него и рекоа: “Селам!” - а тој одговори: “Селам! О луѓе, непознати!

26. Па, скришно појде кај семејството свое и, ете, дојде со теле здебелено;

27. и тогаш го приближи до нив, и рече: Нема ли да јадете?

28. И почувствува од нив страв. Рекоа: Не плаши се!” И го зарадуваа со дете учено,

29. па, се покажа жена му, плачејќи и удирајќи се по лицето свое, и рече: “Како јас? Стара и неротка!?”

30. Рекоа: “Ете, така рече Господарот твој. Он, навистина, е Мудар и Зналец!”
31. А Ибрахим рече: “А за што е вашето обраќање, о пратеници?”

32. Рекоа: “Ние сме, навистина, испратени до народот насилнички,

33. за да им испратиме камења од стврдната глина;

34. тоа е одредено кај Господарот твој за расипниците.”

35. Ете, од тоа Ние верниците ги избавивме,

36. и ете, само една куќа од Послушните најдовме;

37. и во неа Ние оставивме знамение за оние кои стравуваат од казната болна;

38. и за Муса, кога Ние го испративме до фараонот со доказ јасен,

39. и ете, фараонот ги сврти плеќите и рече: “Маѓесник или луд!”

40. Па, така, него и војската негова, Ние ги фативме и во морето ги потопивме; тој самиот се осуди на пропаст.

41. И за Ад, кога Ние им испративме ветар што суши:

42. и кај што помина ништо не остави, а да не биде како каменолом.

43. И за Семуд, кога им беше речено: “Уживајте до едно време определено!”

44. Па, се оглушија од наредбата на Господарот свој и, ете, Ние ги погодивме со страшен глас, и останаа само гледајќи.

45. Па, не можеа ни да се исправат, а ниту, пак, да им се помогне.

46. А и на народот на Нух, порано. Тој беше, навистина, народ расипнички!

47. И небото Ние го подигнавме со моќта Наша, сигурно! И што уште можеме да направиме!

48. И земјата Ние ја проширивме. Е, само колку е личен Оној што ја прошири!

49. И од секое нешто Ние создадовме пар за да се сеќавате!

50. “Побрзајте кај Аллах. Јас сум ви од Него, секако, опоменувач јасен.

51. И не здружувајте Му на Аллах друг бог. Ја сум ви од Него, навистина, опоменувач јасен.”

52. Ете, така беше: Не им доаѓаше ниеден пејгамбер и на оние пред нив а да не речеа: “Маѓесник или луд!”

53. Тоа ли еднинадруги во наследство го оставаа? Не, тоа беше народ насилнички.

54. Па, бегај од нив и, ете, нема да бидеш осуден на пропаст.

55. И потсетувај, потсеќавањето, пак, им користи на верниците!

56. И џиновите и луѓето Ние ги создадовме само да Не обожаваат.

57. Не барам од нив ‘рск некаков и не барам да Ме нахранат.

58. Аллах, навистина, е Хранител, Моќен и Тврд!

59. Па, оние кои зулум направија ќе ги снајде, навистина, казна слична на другарите нивни... па, нека не ја забрзуваат од Мене!

60. Тешко на оние кои не веруваат во Денот нивни што им се ветува.

СУРА

ЕТ-ТУУР (Тур)

Мекка - 49 ајети

Во името на Аллах Милостивиот Сомилосен!


1. Се колнам во Тур,

2. и во Книгата во редици поредена,

3. на кожа одвиткана;

4. се колнам и во Куќата подигната,

5. и во сводот воздигнат,

6. и во морето затоплено, -

7. дека казната на Господарот твој ќе се случи:

8. никој не ќе ја отстрани,

9. и во Денот во кој небото ќе се затресе, тресејќи се силно,

10. и кога брдата, поместувајќи се, ќе се поместат силно,

11. ете, на Денот тој, тешко на лашковците,

12. оние кои, играјќи се, се зарија во лаги:

13. Ден во кој ќе се турнат во огнот џехеннемски, насилно:

14. ова е огнот кој го сметавте за лажен;

15. па, ова ли е волшебништво или, пак, вие не гледате:

16. треснете во него! Ќе трпете ли или нема да трпете, сеедно ви е. Ќе бидете казнети за она што го работевте!

17. Да, богобојазливите ќе бидат во бавчите џеннетски и во благосостојба.

18. Радосни на она што им го даде Господарот, и ќе ги сочува Господарот нивни од казната огнена!

19. Јадете и пијте и пријатно нека ви биде: за она што го работевте,

20. потпрени на дивани наместени, и ќе ги ожениме со хурии, со очи крупни.

21. А оние кои веруваа и чие верување го следеше потомството нивно... Ние ќе ги задржиме со нив и потомството нивно и ништо од делата нивни, според тоа, нема да скратиме. И секој ќе биде земен предвид по она што го спечалил.

22. И Ние ќе им дадеме и овошје и месо, од она што го сакаат,

23. еднисодруги ќе се служат со чаши. Во Џеннетот нема ни безработица ни кривица.

24. Ќе ги обиколува послуга од едендодруг, како да се бисери чувани,

25. ќе се сеќаваат еднинадруги и ќе се прашуваат.

26. Ќе речат: “Да, ние меѓу семејството наше, уште од порано, бевме богобојазливи.

27. Па, Аллах ни се наклони и не сочува од казната на ветрот што пече,

28. ние и порано Го повикувавме. Он, навистина, е Доброчинител и Сомилосен!

29. Па, потсетувај! Ти не си со благословот на Господарот твој ни маѓесник ни луд!

30. Или да зборуваат: Тој е поет. Очекуваме да видиме што ќе му биде пресудено.

31. Кажи: Очекувајте зашто јас сум, навистина, со вас, меѓу оние што очекуваат!

32. Или: Ова им го заповедаат сништата нивни или се, пак, народ тврдоглав?

33. Или зборуваат: “Тој ли го измами?” Но, не веруваат.

34. Па, нека донесат говор сличен ако се искрени, навистина!

35. Или, пак, се создадени од ништо или тие се создатели?

36. Или: Ги создадоа ли небесата и Земјата? Но, не се цврсто уверени.

37. Или: Кај нив ли се ризниците на Господарот твој или тие се владетели?

38. Или: Имаат ли скалила од каде што слушаат? Па, оној што слушнал од нив нека донесе доказ јасен?

39. Или: Он да има ќерки а вие да имате синови?

40. Или: Бараш ли награда, а тие се оптоварени со тежината своја?

41. Или: Кај нив ли е тајната, па тие ја пишуваат?

42. Или: Посакуваат ли стапици? Па, оние кои не веруваат паѓаат, токму, во стапици.

43. Или: Имаат ли друг бог освен Аллах? Славен нека е Аллах, над она што Му го здружуваат!

44. А ако видат кога паѓа некаков дел од небото, зборуваат: Облаци напластени!”

45. Тогаш, остави ги се додека не го сретнат денот свој во кој ќе бидат потресени!

46. Денот во кој не ќе им вредат стапиците нивни во ништо, а ниту, пак, ќе им се помогне.

47. За оние кои зулум направија има, навистина, казна и покрај тоа но, ете, мнозинството од нив не знаат!

48. И стрпи се! До пресудата на Господарот твој. Та, пред очите Наши си. И слави Го, заблагодарувајќи се, Господарот твој и кога стануваш,

49. и во ноќта, и кога ќе исчезнат ѕвездите, слави Го!

СУРА

“ЕН-НЕЏМ” (звезда)

Мекка - 62 ајети

Во името на Аллах Милостивиот Сомилосен!


1. Се колнам во ѕвездата кога ќе зајде,

2. дека другарот ваш не скршна во заблуда, а ниту, пак, залута,

3. и не зборува по желба своја,

4. туку тоа е само Објава што се објавува!

5. Го поучува Силниот и Моќниот,

6. Кој е полн со сила, па завладеа!

7. Он е на највисокиот видик,

8. потоа пријде и се наведна,

9. и, ете, се приближи колку две стрели или поблиску,

10. и така му го објави на робот Свој она што, токму, му го објави;

11. и срцето не го изневери она што го виде.

12. Е, па, ќе се расправаш ли со него за она што го здогледа?

13. И го виде, секако, повторно

14. кај Сидретул Мунтеха,

15. кај Него и престојувалиштето џеннетско,

16. кога Сидра ја покри она што ја покри.

17. Погледот не се ни сврте и не се ни збуни.

18. Да, виде од знаменијата големи на Господарот свој.

19. Што мислите за Лат и Узза?

20. И за Менат, оној третиот, последниот?

21. За вас ли машко а за Него, пак, женско?

22. Поделбата таква, тогаш, е неисправна.

23. Ете, тоа се имиња со кои ги именувате вие и предците ваши; за тоа Аллах не ви објави доказ; го следат само сомнежот и она што го пожелуваат душите. А од Господарот нивни, навистина, им дојде Патоказ!

24. Или: Ќе го има ли човекот она што ќе го посака?

25. И Ахирет и овој свет ... та, Аллахови се!

26. И колку има мелеки на небесата чие посредување не ќе им користи во ништо, освен, секако, со одобрението Аллахово, за оној за кој Он ќе посака и со кого Он е задоволен!

27. Да, оние кои не веруваат во Ахирет мелеките ги именуваат со имиња женски,

28. и за тоа не знаат ништо; го следат само сомнежот, а сомнежот во ништо не и користи на вистината.

29. Па, оддалечи се од оној кој ги сврти плеќите кон опомената Наша, и кој го посакува само животот на овој свет!

30. Ете, тоа е последната граница на знаењето нивно. Да, Господарот твој е оној кој најдобро го знае оној кој скршнал во заблуда, од патот Негов, и Он најдобро го знае по Патоказот упатениот!

31. Се што е на небесата и на Земјата е - Аллахово! Он, навистина, ќе ги казни оние во чие работење зло нанесуваа и ќе ги награди, со награда убава, оние кои добро правеа.

32. Оние кои ги избегнуваат гревовите големи и делата срамни, освен малите... Господарот твој, навистина, има прошка голема и Он најдобро ве знае: дури кога ве создаде од земја, и кога бевте зачеток во утробите на мајките ваши. Но, не бидете уверени дека се безгрешни душите ваши. Аллах најдобро ги знае оние кои се чуваат од гревови.

33. Нели го виде оној кој ги сврте плеќите,

34. подели малку и престана?

35. Тој ли ја знае Тајната, тој ли гледа?

36. Или, пак, не беше известен за Страниците на Муса,

37. и за Ибрахим кој задачите ги извршуваше!

38. И не ќе ја понесеш тежината на бремето на другиот:

39. на човекот му припаѓа само она што настојува.

40. Да, настојувањето негово ќе го види,

41. потоа ќе се награди со награда соодветна!

42. Да, кон Господарот твој ќе заврши!

43. Да, Он ги насмевнува и Он ги расплакува!

44. Да, Он ги усмртува и Он ги оживува!

45. Да, Он создаде пар: машко и женско,

46. од семе кога ќе се закачи!

47. Да, повторно ќе ги создаде!

48. Да, Он е Оној кој дава богатство и кој задоволува!

49. Да, Он е Господарот на Ши’ра!

50. Да, Он го уништи Ад, одамнешен,

51. и Семуд: од нив ништо не остана;

52. и народот на Нух, порано. Да, оние беа најголеми зулумќари и силници!

53. И порушената населба ја испреврте,

54. и ја покри со она што ја покри.

55. Во која благосостојба од Господарот твој се сомневаш?

56. Овој е опоменувач меѓу опоменувачите одамнешни!

57. Блиското се приближува;

58. ова, освен Аллах никој не може да го открие!

59. За овој ли говор се вчудоневидувате,

60. се смеете а не плачете,

61. со дигнати глави?

62. Па, паѓајте на сеџде пред Аллах и обожавајте Го!

Сура

“ЕЛ-КАМЕР” (месечина)

Мекка - 55 ајети

Во името на Аллах, Милостивиот Сомилосен!


1. Часот се приближува а Месечината се расцепува.

2. А ако здогледаат знамение - рамнодушни се, и зборуваат: “Волшебништво постојано!”

3. И лажат и страстите свои ги следат, и секоја ствар е утврдена.

4. Да, им дојдоа кажувања да ги одвратат:

5. мудрост дофатна но, ете, опомената не вреди.

6. Па, сврти ги плеќите кон нив на Денот кога Он, повикувајќи, ќе повика кон нешто страшно.

7. Ќе се појават со соборени погледи од гробовите како да се скакулци расфрлени,

8. брзајќи кон Оној кој ги вика, а неверниците ќе речат: “Ова е тежок Ден.”

9. А пред нив лажеше и народот на Нух, го сметаа за лажен робот Наш, и зборуваа: “Луд е!” И го оневозможуваа!

10. Па го повика Господарот свој: “Јас сум, навистина, победен; тогаш, помогни ми!”

11. И тогаш Ние ги отворивме вратите небесни низ кои потече пороен дожд;

12. па, така, Ние дадовме да избијат извори и да се спои водата како што беше со наредбата одредено;

13. и го префрливме на штици, со шајки заковани:

14. плови пред очите Наши; тоа е казна за оној кој не верува.

15. Да, тоа го оставивме да биде знамение: па, има ли некој кој го прифаќа?

16. Каква беше, тогаш, казната Моја и опомената Моја?

17. Да, Ние го олеснивме Кур’анот за опомена, па кој го прифаќа?!

18. Ад лажеше, па каква беше казната Моја и опомената Моја?!

19. И врз нив Ние испративме, во еден ден определен, ветар кој постојано мете:

20. луѓето ги носеше како да се гранки од урма скршени.

21. Па, каква беше казната Моја и опомената Моја?!

22. Да, Кур’анот Ние го олеснивме за опомена, па кој го прифаќа?!

23. И Семуд лажеше за опомените,

24. па, зборуваа: “Човек ли да биде меѓу нас што ќе го следиме? Ние сме, тогаш, во беспаќе и лудило.

25. Нему ли меѓу нас му се достави Опомена? Но, не! Тој е лашко и злодеец!”

26. Ќе узнаат утре кој е лашко а кој е злодеец!

27. Ние ќе им ја испратиме камилата како искушение нивно, а ти, почекај и стрпи се!

28. И извести ги дека водата, навистина, е поделена меѓу нив; секој ќе си пие по редоследот свој.

29. Потоа тие ќе го повикаат другарот свој; овој ќе дојде и ќе ја пресече!

30. Па, каква беше казната Моја и опомената Моја?!

31. Да, Ние им испративме страшен глас и, ете, тие станаа како суво лисје на оној кој има плевна.

32. Да, Кур’анот Ние го олеснивме за опомена, па кој го прифаќа!?

33. И народот на Лут ги сметаше за лажни опомените.

34. Да, Ние им испративме виор со песок, но не и на семејството на Лут: ги спасивме при мугрите

35. заради мудроста Наша. Ете, таква беше наградата за благодарните.

36. Да, Ние ги опоменавме со казната Наша, но се сомневаа во опомената!

37. Да, тие ги бараа гостите негови, па затоа, Ние решивме да обневидат: “Па, вкусете ја казната Моја и опомената Моја!”

38. Да, изутрина ги погоди казната непрекидна.

39. “И вкусете ја казната Моја и опомената Моја!”

40. Па, го олеснивме Кур’анот за опомена, па кој го прифаќа!?

41. И на семејството фараоново му дојдоа опомените, сигурно!

42. Ги сметаа за лажни сите ајети Наши... па, затоа Ние ги казнивме со казната на Силниот и Моќниот.

43. Неверниците ваши подобри ли се од оние? Или: Имате ли договор некаков во Зебур?

44. Или, пак, зборуваат: “Ние сме дружина победничка!”

45. Дружината, меѓутоа, ќе биде победена и тие ќе се вратат назад.

46. Но Часот им е закажан, а тој е и потежок и пострашен!

47. Да, силниците се во беспаќе и оган.

48. Денот во кој лицата нивни ќе бидат залепени со огнот: “Вкусете го огнот Секар!”

49. Да, секоја ствар Ние ја создадовме урамнотежено.

50. Наредбата Наша е само една. Како трепет на окото!

51. Да, Ние ги уништивме одделувачите ваши! Па, кој ќе прифати?

52. И се што направија е во Зебур,

53. и мало и големо е во редиците поредено.

54. Да, богобојазливите ќе бидат во џеннетски бавчи и крај реки,

55. на местото благородно, кај Владарот Моќен!

СУРА

“ЕР-РАХМАН” (“Милостивиот”)

Медина - 78 ајети

Во името на Аллах , Милостивиот Сомилосен!


1. Милостивиот!

2. Кој го поучи со Кур’анот!

3. Он го создаде човекот!

4. Он го поучи да објаснува!

5. И Сонцето и Месечината одат по пресметаното!

6. И ѕвездите и стеблата паѓаат на сеџде.

7. И Он небото го подигна и одреди рамнотежа.

8. Да не ја преминувате границата на правдата.

9. И мерете исправно и не откинувајте!

10. И Он земјата ја растегна за битијата,

11. и на неа има овошје и урми обвиткани,

12. и жито со лисје и цвеќиња мирисни,

13. па, за која благосостојба за Господарот ваш лажете!?

14. Он го создаде човекот од стврдната глина,

15. а џиновите ги создаде од пламен огнен,

16. па, за која благосостојба за Господарот ваш лажете!?

17. Господарот на два истока и на два запада,

18. па, за која благосостојба за Господарот ваш лажете!?

19. Ги оддели две мориња кои само се допираат:

20. меѓу нив има Препрека, и не се мешаат,

21. па, за која благосостојба за Господарот ваш лажете!?

22. Од нив излегуваат бисери и мерџан,

23. па, за која благосостојба за Господарот ваш лажете!?

24. Негови се и бродовите кои се издигаат во морето како брда,

25. па, за која благосостојба за Господарот ваш лажете!?

26. И се што е на земјата е - минливо;

27. останува само Господарот твој, Вишниот и Почитуваниот,

28. па, за која благосостојба за Господарот ваш лажете!?

29. И се што е на небесата и на Земјата - Него го моли. И секој ден Он е спремен за се,

30. па за која благосостојба за Господарот ваш лажете!?

31. Наскоро Ние ќе ве испразниме, о џинови и луѓе,

32. па, за која благосостојба за Господарот ваш лажете!?

33. О дружино на џинови и луѓе, ако можете да ги преминете краиштата на небесата и на Земјата, преминете ги! Ќе ги преминете само со голема моќ,

34. па, за која благосостојба за Господарот ваш лажете!?

35. Против вас ќе се испрати еден огнен пламен, и уште чад и не ќе можете да си помогнете,

36. па, за која благосостојба за Господарот ваш лажете!?

37. Па, кога небото ќе испука и кога ќе стане црвено како на оган спржен зејтин,

38. па, за која благосостојба за Господарот ваш лажете!?

39. Тоа е Ден во кој луѓето и џиновите нема да бидат прашани за гревовите свои,

40. па, за која благосостојба за Господарот ваш лажете!?

41. Силниците ќе се познаваат по изгледот свој, па ќе бидат зграбени и за чела и за нозе,

42. па, за која благосостојба за Господарот ваш лажете!?

43. Еве, ова е Џехеннемот кој го сметаа за лажен силниците!

44. Меѓу него и водата што врие ќе се движат,

45. па, за која благосостојба за Господарот ваш лажете!?

46. А за оној што се плаши од стоењето пред Господарот свој ќе има две бавчи џеннетски,

47. па, за која благосостојба за Господарот ваш лажете!?

48. И двете со раскошни стебла преполни,

49. па, за која благосостојба за Господарот ваш лажете!?

50. Во тие две бавчи ќе има и извори два кои ќе течат,

51. па, за која благосостојба за Господарот ваш лажете!?

52. Во нив ќе има и овошје, од секое по два вида,

53. па, за која благосостојба за Господарот ваш лажете!?

54. Ќе бидат наслонети на дивани чии прекривачи ќе бидат од кадифе, а бербата во нив ќе биде блиска,

55. па, за која благосостојба за Господарот ваш лажете!?

56. Во нив ќе има и такви со соборени погледи што не ги допрел пред нив ни човек ни џин,

57. па, за која благосостојба за Господарот ваш лажете!?

58. Како да се бисер и мерџан,

59. па, за која благосостојба за Господарот ваш лажете!?

60. Наградата за доброчинството е само доброчинството, зар не?

61. Па, за која благосостојба за Господарот ваш лажете!?

62. Освен тие две бавчи ќе има за нив и две други,

63. па, за која благосостојба за Господарот ваш лажете!?

64. Темнозелени ќе бидат,

65. па, за која благосостојба за Господарот ваш лажете!?

66. Во нив ќе има и два извора што прскаат,

67. па, за која благосостојба за Господарот ваш лажете!?

68. Во нив има и овошје, и урми и шипки,

69. па, за која благосостојба за Господарот ваш лажете!?

70. Во нив ќе има и убавици, предобри и прелични,

71. па, за која благосостојба за Господарот ваш лажете!?

72. Хурии, во шатори скриени,

73. па, за која благосостојба за Господарот ваш лажете!?

74. Не ги допрел пред нив ни човек ни џин,

75. па, за која благосостојба на Господарот ваш лажете!?

76. Ќе бидат потпрени на седишта: зелени, вчудоневидувачки, убави,

77. па, за која благосостојба за Господарот ваш лажете!?

78. Нека е возвишен Господарот твој, Вишниот и Благородниот!

СУРА

“ЕЛ-ВАКИ’А (“Случка”)

Мекка - 96 ајети

Во името на Аллах , Милостивиот Сомилосен!


1. Кога Случката ќе се случи,-

2. за таа случка не може да се слаже,-

3. таа ќе потцени и ќе воздигне!

4. Кога земјата, тресејќи се, ќе се затресе, силно,

5. и кога брдата, кршејќи се во делови, ќе се скршат силно...

6. па, ќе станат прашина разнесена,

7. и ќе ве има три видови:

8. - луѓе исправни, - а кои се тие луѓе исправни?

9. - луѓе неисправни, - а кои се тие луѓе неисправни?

10. - оние кои претходат, - а кои се тие кои претходат?

11. Ќе бидат до Господарот нивни блиски,

12. во бавчите џеннетски, прекрасни!

13. Многумина од народите одамнешни,

14. а малкумина од народите недамнешни!

15. На кревети едникондруги поставени,

16. и на дивани потпрени, едникондруги свртени!

17. Ќе ги служат вечно млади момчиња, одејќи од едендодруг,

18. со чаши, и со ибрици и со пехари, со вода изворска,

19. од неа не ќе се оддалечат и не ќе се откажат.

20. Ќе има и овошје од кое сами ќе си бираат,

21. и месо птичје, од она што ќе го посакуваат,

22. и Хурии со очи крупни,

23. слични на бисер скриен -

24. како награда за она што го работеа!

25. Во него не ќе се слушаат ни безработици ни обвиненија,

26. само ќе се вели: “Селам! Селам! “

27. И луѓе исправни, - а кои се тие луѓе исправни? -

28. ќе бидат меѓу градини со плодови изобилни, без трње,

29. и меѓу банани, со плодови поредени,

30. и меѓу ладовини растегнати,

31. и крај вода што тече;

32. ќе има и овошје разновидно:

33. ниту ќе престане ниту ќе се забрани,

34. и на постели подигнати!

35. Да, Ние хурии ќе создадеме одново!

36. Па, Ние ќе одредиме да бидат девици,

37. вљубени во мажите свои, со иста возраст,

38. за луѓето исправни:

39. ќе има многу меѓу народите дамнешни,

40. и многу меѓу народите недамнешни!

41. А луѓето неисправни, - а кои се тие луѓе неисправни? -

42. тие ќе бидат во оган пламенен и во вода што врие,

43. и во сенката на чадот жежок;

44. ќе нема ни лад ни доблест.

45. Овие беа пред тоа, навистина, расипници,

46. во големите гревови истрајни,

47. и зборуваа: “Кога ќе умреме и кога коски ќе станеме, тогаш ли, навистина, оживеани да бидеме?

48. И уште ли предците наши одамнешни?”

49. Кажи: “Да, и одамнешните и недамнешните,

50. ќе бидат збрани на одредено место и во Денот познат.”

51. Потоа, о вие, во заблуда скршнати, вие што лажете,

52 ќе јадете од дрвото Зеккум,

53. и од него ќе ги полнете стомаците,

54. па, над тоа, вода што врие ќе пиете.

55. Тогаш ќе пиете како што пијат камилите жедни.

56. Ова е честењето нивно на Денот суден!

57. Ние ве создадовме... тогаш, зошто вие не признавате?

58. Вие не го гледате семето што го фрлате,

59. или, пак, вие го создавате или, пак, Ние сме создатели?

60. Ние меѓу вас одредуваме смрт и никој не може да Не претекне,

61. така што го менуваме изгледот ваш и ве обликуваме во она што не го знаете!

62. Познато ви е, секако, создавањето прво, па нема ли да се сетите?

63. Го видовте ли она што го посеавте?

64. Вие ли давате да никне или, пак, Ние даваме да никне?

65. Да посакавме ќе го здробевме, сигурно! И ќе останевте вчудоневидени.

66. Ќе речевте: “Да, оштетени сме!

67. Не, ускратено ни е се!”

68. Ја гледате ли и водата што ја пиете?

69. Вие ли ја спуштате од облакот или, пак, Ние ја спуштаме?

70. Да посакаме можеме да дадеме да биде солена. Па, нема ли да се заблагодарите?

71. Го гледате ли огнот што го палите?

72. Вие ли го создадовте дрвото за него или, пак, Ние го создадовме?

73. Ние даваме да биде опомена и корист за патниците низ пустиња.

74. Па, слави Го со името Господарот твој Голем!

75. Но, не! Се колнам во заоѓањето на ѕвездите,

76. дека тоа, навистина, е заклетва голема, е, кога би знаеле!

77. Да, тоа е Кур’ан благороден,

78. во Книгата сочуван!

79. Го допираат само чистите;

80. тој е Објава од Господарот на световите!

81. Овој ли Говор вие го потценувате?

82. Тоа е ‘рск ваш што ви се дава а вие, пак, лажете.

83. А зошто вие, кога душата ќе застане во грлото,

84. тогаш гледате?

85. А Ние сме поблиску до него од вас, но вие не гледате!

86. Зошто, тогаш, ако не сакате да бидете казнети,

87. не ја вратите ако сте искрени?

88. А ако некој биде од блиските на Аллах:

89. за него ќе има и радост и цвеќе мирисно и бавчи џеннетски, благословени!

90. А ако, пак, биде еден од среќните,

91. па, нека биде поздрав врз тебе од среќните!

92. А ако, пак, биде еден од лашковците, во заблуда скршнатите,

93. тогаш ќе биде дочекан со вода што врие,

94. и со пржење во џехеннемот.

95. Да, ова е вистина доверлива!

96. И слави Го, тогаш, со името Господарот твој голем!

СУРА

“ЕЛ-ХАДИД” (“железо”)

Медина- 29 ајети

Во името на Аллах Милостивиот Сомилосен!



1. И се што е на небесата и на Земјата го слави Аллаха. Он е Силен и Мудар!

2. Власта и на небесата и на Земјата е - Негова! Он оживува и Он усмртува! Он е Кадар за се!

3. Он е и Прв и Последен! Видлив и Невидлив! Он знае се!

4. Он е Оној кој ги создаде и небсата и Земјата за шест дена а потоа се утврди на Аршот. Он знае и што влегува во земјата и што излегува, што се спушта од небото и што се воздигнува кон него. И Он е со вас каде и да сте. Аллах го гледа она што го работите!

5. Власта и на небесата и на Земјата е - Негова! И кон Аллах се враќаат нештата!

6. Он ноќта ја вовлекува во денот а денот го вовлекува во ноќта. Он го знае она што е во градите!

7. Верувајте и во Аллах и во пејгамберот Негов и делете од она што ви го оставија да располагате со него. Па, оние кои веруваат меѓу вас и кои делат... ги чека награда голема!

8. Што ви е? Не верувате во Аллах, а пејгамберот ве повикува да верувате во Господарот ваш. Да, Он го прифати договорот ваш - само ако сте верници!

9. Он е Оној кој му објавува на робот Свој ајети јасни за да ве изведе од темнината во светлина. Аллах, навистина, ви е Сочувствителен и Сомилосен!

10. Што ви е? Зошто не делете на Аллаховиот пат? Миразот и на небесата и на Земјата е - Аллахов! Меѓу вас не се еднакви оние кои делеа пред победата и кои се бореа. Оние кои се бореа се на повисоки степени од оние кои делеа по тоа и кои се бореа. А и на едните и на другите Аллах им вети награда. Аллах е Известен за она што го работите!

11. На оној што ќе му позајми на Аллах убав заем... па, Аллах ќе му удвои, и за него има награда благородна,

12. на Денот во кој верниците и верничките ќе ги видиш како светлината нивна поминува пред нив, од десната страна нивна: Еве ви радосница: бавчи низ кои реки течат и во нив за навек ќе се остане. Ете, тоа е победа голема!

13. На Денот во кој дволичните, мажи и жени, ќе им зборуваат на верниците: Почекајте не, да позајмиме од светлината ваша! Ќе им се рече: Вратете се назад, па побарајте светлина! Меѓу нив ќе биде поставен ѕид во кој ќе се наоѓа врата. Од внатрешната страна има милост, а од надворешната страна казна.

14. Ќе ги повикаат: Не бевме ли со вас?” Ќе речат: Да! Но, вие самите се сплеткавте, очекувавте, се двоумевте, и по желбите ваши ве заведоа се додека не дојде наредбата Аллахова. Заводникот ве заведе од Аллах!

15. Па, денес од вас не ќе се земе откупнина, а и од оние кои не веруваа. Огнот е престојувалиштето ваше и засолништето ваше. Е, само колку е лошо тоа свратилиште!

16. Не дојде ли мигот за оние кои веруваат срцата да им смекнат, да се уплашат кога ќе се спомене Аллах, и вистината што им се објавува, и да не бидат како оние порано со дадената им Книга... па, времето им се оддалечи а срцата им станаа тврди. Мнозинството од нив се расипани!

17. Знајте дека Аллах, навистина, ја оживува земјата по мртвилото нејзино! Веќе ви ги објаснивме ајетите за да се вразумите!

18. Оние кои, навистина, даваат садака, мажи и жени, му даваат на Аллах добар заем. Он ним ќе им удвои и за нив има награда благородна!

19. А оние кои веруваат во Аллах и во пејгамберот Негов - тоа се, токму, искрените; шехидите кај Господарот нивни ќе имаат награда своја и светлина своја. А оние кои не веруваат и кои ги сметаат за лажни ајетите Наши... тоа се жителите џехеннемски!

20. Знајте дека животот на овој свет, навистина, е игра и забава, и украс и горделивост меѓу вас, и натпреварување и во имотот и во децата, како дожд што ќе ги вчудоневиди земјоделците со растенијата што ќе никнат од него кои, потоа, ќе се осушат па ќе ги видиш пожолтени, а потоа ќе ги видиш како се ронат. А на Ахирет има казна жешка, и прошка и задоволство Аллахово. Животот на овој свет е само уживање кое заведува.

21. Претходете еднинадруги во барање прошка од Господарот ваш, и во барање на Џеннетот кој се простира колку што се простираат небесата и Земјата. Подготвен е за оние кои веруваат во Аллах и во пејгамберот Негов. Ете, тоа е добрината Аллахова која ја дава кому сака. Поседник на добрината голема!

22. И секоја неволја што ќе се случи на земјата и меѓу вас е внесена во Книгата, од порано, од Нас создадена, што, за Аллах, навистина, е лесно,

23. за да не се жалостите за она што не можете да го избегнете и да не се радувате многу за она што Он ви го дава. А Аллах не го љуби оној кој се фали и кој се гордее,

24. и оние кои шкржават, и кои им наредуваат на луѓето скришно, и кои ги вртат плеќите... па, Аллах, навистина, е Богат и за благодарност Достоен!

25. Ние ги испративме пејгамберите Наши, навистина, со јаснотии и преку нив објавивме Книга и Мизан за луѓето да се однесуваат праведно. А и железото го создадовме во кое има голема сила и корист за луѓето. И за да се знае кај Аллах кој Го помага Него и пејгамберите Негови во тајност. Аллах, навистина, е Јак и Силен!

26. Да, и Ибрахим и Нух Ние ги испративме, а меѓу потомството нивно одредивме и пратеништво и Книга: некои од нив беа упатени, а мнозинството меѓу нив се расипани!

27. Потоа Ние по трагите нивни испраќавме пејгамбери
Наши; го испративме и Иса, синот на Мерјем, и му дадовме Инџил, а во срцата на оние кои го следеа, внесовме и доблест и милост а монаштвото самите го создадоа. И се што Ние им пропишавме е само желба за задоволството Аллахово. Но, тие за него не водат грижа вистинска. А на оние кои веруваа ќе им ја дадеме наградата нивна, а мнозинството беа расипани!

28. О верници, плашете се од Аллах и верувајте во пејгамберот Негов: Он ќе ви даде од милоста Своја две награди, и ќе ви одреди светлина по која ќе одите, и ќе ви прости. Аллах е Простувач и Сомилосен!

29. А Следбениците на Книгата нека знаат дека ништо не можат да постигнат од добрината Аллахова, и дека добрината е во рацете Аллахови, и Он ја дава кому сака. А Аллах е Поседник на добрината голема!

СУРА

“ЕЛ-МУЏАДЕЛЕ” (“расправа”)

Медина -22 ајети

Во името на Аллах Милостивиот Сомилосен!


1. Аллах, секако, го слушна зборот на таа која расправаше со тебе за мажот нејзин и која се жалеше на Аллах. Аллах ја слушна расправата ваша. Аллах, навистина, е Слушач и Гледач!

2. Оние меѓу вас кои ќе прават зихар на жените свои, тие не им се мајките нивни, а мајките нивни се само оние кои ги родија... зборуваат, секако, тешки зборови. А Аллах, навистина, е Помилувач и Простувач!

3. А оние кои прават зихар кон жените свои, а потоа ќе се вратат кон она што го рекоа, треба да ослободат роб пред да се состанат со нив. Ете, тоа ви се советува. Аллах е Известен за она што го работите!

4. А оној кој не ќе може, па нека пости два месеца едензадруг пред да се состанат. А ако тоа некој не може, нека нахрани шеесет сиромаси. Ете, тоа за да верувате во Аллах и во Пејгамберот Негов. Ете, тоа се границите Аллахови. А за неверниците, пак, има казна болна!

5. Оние кои му се спротиставуваат на Аллах и на Пејгамберот Негов ќе бидат осрамотени како што се осрамотени оние пред нив. Ние објавивме, секако, ајети јасни. А за неверниците има, пак, срамна казна!

6. На Денот во кој Аллах ќе ги збере сите па ќе ги извести за она што го работеа. Аллах тоа го преброи и тие тоа го заборавија. Аллах, секако, е Сведок за се!

7. Не виде ли дека Аллах, навистина, го знае се она што е на небесата и на Земјата? Нема доверлив состанок меѓу тројца а Он да не е четвртиот; нема ни меѓу петмина а Он да не е шестиот; ниту помалку ниту повеќе од тоа, а Он да не е со нив и каде било да се! Потоа ќе ги извести за она што го работеа на Денот суден. Аллах, навистина, знае се!

8. Не ги виде ли оние на кои им се забрануваше да се состануваат тајно, потоа се вратија кон она што им беше забрането; се состануваат тајно заради грев и непријателство и непослушност кон пејгамберот. И кога ти доаѓаат ти упатуваат поздрав онака како што Аллах не те поздрави, а во себеси си зборуваат: “Па, Аллах не не казнува за она што го зборуваме!” Џехеннемот, во кој ќе бидат фрлени, е доста за нив! Е, само колку лошо свратилиште е тоа!

9. О верници, кога ќе се состанувате не состанувајте се тајно за грев, и непријателство и непослушност на пејгамберот, туку состанувајте се за доброчинство и богобојазливост. Плашете се од Аллах кај кого, токму, ќе се зберете!

10. Состанувањето тајно, навистина, е една од шејтанските работи: само да се вознемират оние кои веруваат. Тоа во ништо не ќе им наштети, освен со одобрението Аллахово. Па, врз Аллах нека се потпираат верниците!

11. О верници, кога ќе ви се рече: “Направете места, таму каде што се држат состаноци, на другите... та, и вам Аллах ќе ви пушти место!” А ако се рече: “Станете па, станете! Аллах ќе ги воздигне меѓу вас оние кои веруваат и на оние на кои им е дадено знаење, кои се на повисоки степени. Аллах, навистина, е Известен за она што го работите!

12. О верници, кога ќе се состанете со пејгамберот, поделете садака пред да се состанете со него. Ете,тоа, секако, е подобро и почисто за вас! А ако, пак, немате... па, Аллах, навистина, е Простувач и Сомилосен!

13. Се плашите ли, пред состанувањето со него, да дадете садака? Па, ако тоа не го направите, а Аллах ви прости, тогаш, намаз извршувајте и зекат давајте и бидете послушни и на Аллах и на пејгамберот Негов. Аллах е Известен за она што го работите!

14. Не ги виде ли оние кои се спријателија со народот, а на кој Аллах се налути? Оние не се ваши а не се и нивни. А се колнат за лагата, знаејќи!

15. Аллах им подготви жешка казна. Е, само колку е лошо она што го работеа!

16. Ги земаат заклетвите свои како штит, па така, одвраќаат од Аллаховиот пат. И за нив има казна срамна.

17. Не ќе им користат ни имотите нивни, ни децата нивни, кај Аллах, во ништо. Оние се жители на огнот, и во него за навек ќе останат!

18. На Денот кога Аллах сите ќе ги оживи: ќе се колнат во Него како вам што ви се колнат, сметајќи дека тоа ќе им користи во нешто. Не, лашковци се, навистина!

19. Шејтанот изнајде начин како да ги совлада, па така, ги натера да го заборават споменувањето на Аллах. Тие се странка на Шејтанот. Да, странката на Шејтанот е онаа која губи.

20. Оние кои, навистина, Му се спротиставуваат на Аллах и на пејгамберот Негов... тие ќе бидат, токму, најпонижените!

21. Аллах пропиша: “Јас и пејгамберите Мои ќе победиме, сигурно!” Аллах, навистина, е Јак и Силен!

22. Не ќе најдеш луѓе кои веруваат во Аллах и во Денот суден да се дружат со оние кои се против Аллах и пејгамберот Негов: било да се тоа предците нивни, синовите нивни или браќата нивни или роднините нивни. Во срцата нивни го впиша верувањето и ги оспособи со Духот од страна Негова, и Он ќе ги воведе во бавчите џеннетски низ кои реки течат, и во нив за навек ќе останат! И Аллах ќе биде задоволен од нив а и оние ќе бидат задоволни од Него. Ете, тоа е странката на Аллах. Да, странката на Аллах, навистина, е онаа која победува!

СУРА

“ЕЛ-ХАШР” (“Протерување”)

Медина -24 ајети

Во името на Аллах Милостивиот Сомилосен!


1. Аллаха го слави и она што е на небесата и она што е на Земјата. Он е Силен и Мудар!

2. Он е оној кој ги изведе оние кои не веруваат меѓу Следбениците на Книгата од домовите нивни при првото протерување. Вие и не помислувате дека ќе си отидат. А тие, всушност, помислуваа дека тврдините нивни ќе ги заштитат од Аллах. Па, така, Аллах им даде казна отаде од каде што не се надеваа. И Он во срцата нивни внесе страв: ги рушеа домовите свои и со рацете свои и со рацете на верниците. Тогаш, земете ука, о островидни!

3. А Аллах да не им пропишеше прогонство, ќе ги казнеше на овој свет, сигурно! А на Ахирет за нив има казна огнена!

4. Ете, тоа е заради тоа што се одвоија и од Аллах и од пејгамберот Негов. И секој оној кој прави раздор во однос на Аллах... па, Аллах, навистина, е Строг Казнувач!

5. Урмите што ги посековте или што ги оставивте да стојат врз корените нивни... тоа го направивте со одобрението Аллахово за да ги уплашите расипаните!

6. Се она што Аллах направи за да стигне пленот до пејгамберот Негов... вие не ги впрегнавте за тоа ни коњите, ни камилите... туку Аллах им донесува власт на пејгамберите над кого сака, а Аллах, секако, е Кадар за се!

7. Се она што Аллах направи да стигне пленот до пејгамберот Негов од жителите на градот па... тоа му припаѓа на Аллах, и на пејгамберот, и на ближните, и на јетимите, и на сиромашните, и на патниците... да не би поминувало од раце в раце на богатите меѓу вас. А она што ќе ви го даде пејгамберот - прифатете го, а она што ќе ви го забрани - забранете го! Плашете се од Аллах! Аллах, навистина, е Жесток Казнувач!

8. Им припаѓа на сиромашните мухаџири кои се истерани од домовите свои и од имотите свои, тежнеејќи кон задоволството и добрината Аллахова; и кои го помагаат Аллаха и пејгамберот Негов. Оние, токму, се искрените!

9. И оние кои ја спремаа Медина за живот и за иман уште пред нив: кои ги сакаа оние што се иселија кај нив, и кои не наоѓаат во градите нивни никаква потреба од она што им е дадено, зашто ги сакаат повеќе од самите себеси, иако кај нив има недостиг! А оние кои ќе се сочуваат од лакомост, па оние, токму, се спасените!

10. Оние кои дојдоа по нив, зборуваат: “Господаре наш, прости ни, нам и на браќата наши, и на оние кои ни претходеа во иманот, а срцата наши, пак, сочувај ги од злоба, кон оние кои веруваат. Господаре наш, Ти си, навистина, Сочувствителен и Сомилосен!

11. Не ги гледаш ли оние кои дволично се однесуваат како им зборуваат на браќата свои што не веруваат меѓу Следбениците на Книгата: “Ако бидете истерани и ние со вас, сигурно, ќе излеземе и никојпат никому против вас нема да бидеме послушни, а ако, пак, бидете нападнати, ќе ви помогнеме, сигурно! А Аллах сведочи дека се тие лашковци, навистина!

12. А ако, пак, бидат истерани, не излегуваат со нив,а ако бидат нападнати, не им помагаат; а ако, пак, им помогнат, ќе побегнат, сигурно! И потоа ќе останат беспомошни!

13. Повеќе стравуваат од вас, во градите свои, отколку од Аллах. Ете, тоа се луѓе кои, навистина, не разбираат!

14. Тие заедно се борат против вас само во градовите утврдени или зад ѕидовите. Јачината своја ја покажуваат само едникондруги. Помислуваш дека се сложни, а срцата пак им се разединети. Ете, заради тоа што се луѓе кои не сфаќаат, навистина!

15. Слични се на оние пред нив, не многу далеку, кои непосредно ги вкусија последиците на постапката своја: за нив, меѓутоа, има казна болна!

16. Слични се на Шејтанот кога ќе му рече на човекот: Не верувај! И бидејќи не ќе верува, ќе рече: Јас сум, навистина, далеку од тебе. Да, јас се плашам од Господарот на световите!

17. И двајцата ќе бидат казнети; во огнот ќе останат за навек, навистина! Ете, тоа е казната за зулумќарите!

18. О верници, плашете се од Аллах, и секој човек нека го погледа она што го направил за утре! Плашете се од Аллах. Аллах, навистина, е Известен за она што го работите!

19. И немојте да бидете како оние кои заборавија на Аллах... та, самите на себеси заборавија. Онаквите, токму, се расипаните!

20. Не се еднакви жителите на огнот и жителите на Џеннетот. Жителите на Џеннетот, токму, се победниците!

21. Кога овој Кур’ан би го објавиле на некое брдо... ќе го видиш брдото како ќе се здроби, плашејќи се од Аллах. Ете, тоа се примерите кои Ние ги изнесуваме за луѓето да размислуваат!

22. Он е Аллах! Нема друг бог освен Него; Зналец на видливото и невидливото. Он е Милостив и Сомилосен!

23 Он е Аллах! Нема друг бог освен Него! Владар, Свет, Спасител, Мирољубив, Заштитник, Силен, Моќен, Горд! Славен нека е Аллах, високо над она што Му го здружуваат!

24. Он е Аллах! Создател, Творител, Обликувач! Најубавите имиња се - Негови! Него го слави и она што е на небесата и она што е на Земјата! Он е Силен и Мудар!

СУРА

“ЕС-САФФ” (“редови”)

Медина - 14 ајети

Во името на Аллах ,Милостивиот Сомилосен!


1. И она што е на небесата и она што е на Земјата - Аллаха го слави! Он е Силен и Мудар!

2. О верници, зошто го зборувате она што не го работите?

3. Е, само колку е гнасно кај Аллах кога го зборувате она што не го работите!

4. Аллах, навистина, ги љуби оние кои се борат на Неговиот пат во редови како да се, токму, бедеми зацврстени!

5. И кога Муса му рече на народот свој: “О народе мој, зошто ме казнувате кога веќе знаете дека сум ви, навистина, Аллахов пејгамбер?”И бидејќи скршнаа настрана Аллах даде да скршнат и срцата нивни. Аллах не го упатува народот расипнички!

6. И кога Иса, синот на Мерјем, рече: О синови Израилови, јас сум ви, навистина, Аллахов пејгамбер, да го потврдам од Теврат она што е меѓу моиве раце, и да донесам радосница за пејгамберот што ќе дојде по мене, чие име ќе му биде Ахмед. И бидејќи им дојде со јаснотии, рекоа: Ова е волшебништво јасно!

7. А кој е поголем зулумќар од оној кој фрла лага врз Аллах а кој е повикан кон Исламот? Аллах не го упатува народот зулумќарски!

8. Оние посакуваат да ја угаснат светлината Аллахова со устите свои. А Аллах ја надополнува светлината Своја, и покрај тоа што го презираат неверниците!

9. Он го испраќа пејгамберот Свој, со Патоказ и со вера вистинска, за да ја изрази над сите други вери, и покрај тоа што го презираат многубошците!

10. О верници, да ви укажам ли на трговијата која ќе ве спаси од казната болна?

11. Верувајте и во Аллах и во пејгамберот Негов и борете се на Аллаховиот пат и со имотите ваши и со животите ваши! Ете, тоа е подобро за вас... само ако знаете!

12. Он ќе ви прости за гревовите ваши и Он ќе ве воведе во бавчите џеннетски низ кои реки течат, и во живеалишта убави меѓу бавчите на Адн. Ете, тоа е победа голема!

13. И други работи што ги сакате: Помошта е од Аллах а и победата блиска. И зарадувај ги верниците!

14. О верници, бидете поддржници Аллахови како, кога им рече синот на Мерјем на Другарите: “Кој ќе биде заради Аллах поддржник Мој?” Рекоа: “Ние сме поддржници на Аллах.” И, ете, така поверува една дружина меѓу синовите Израилови, а една дружина, пак, не поверува. И: оние кои веруваа Ние ги потпомогнавме против непријателите нивни и, ете, станаа победници!

СУРА

“ЕЛ-ЏУМУ'А” (“Џума”)

Медина - 11 ајети

Во името на Аллах ,Милостивиот Сомилосен!


1. И она што е на небесата и она што е на Земјата - Аллаха го слави, Владарот, Светиот, Силниот и Мудриот!

2. Меѓу незнабошците Он испрати пејгамбер од нив: да им ги кажува ајетите Негови, и да ги очисти, и да ги поучи и во Книгата и во Мудроста, иако порано беа скршнати во заблуда очигледна!

3. И на други меѓу нив кои уште не им се приклучија... Он е Силен и Мудар!

4. Ете, тоа е добрината Аллахова што ја дава кому Он сака. Аллах е Поседник на добротија неизмерна!

5. Примерот на оние кои го понесоа Теврат, а потоа го напуштија, е како примерот на магаре кое носи книги. Е, само колку е лош за луѓето народот кој ги сметаше за лажни ајетите Аллахови! Аллах не го упатува народот зулумќарски!

6. Кажи: “О Евреи, ако замислувате дека сте пријатели на Аллах за разлика од другите луѓе, тогаш, посакајте ја смртта ако сте искрени!”

7. Никогаш не ќе ја посакуваат токму заради она што го направија рацете нивни. Аллах најдобро ги знае зулумќарите!

8. Кажи: “ Смртта од која бегате... па, ќе ве стигне, навистина! Потоа ќе бидете вратени кон Зналецот на тајното и јавното, па така, ќе ве извести за она што го работевте!”

9. О верници, кога ќе се повика на намаз во петок... па, побрзајте кон споменувањето на Аллах, и оставете ја купопродажбата. Ете, тоа е подобро за вас само да знаете!

10. А кога намазот ќе се изврши... па, растурете се по земјата и барајте од добрината Аллахова, и споменувајте го Аллаха, многу, за да бидете спасени!

11. А кога ќе видат нешто од трговијата или од веселба некаква, се расфрлаат и те оставаат, стоејќи. Кажи: “Нема добро кај Аллах ни од веселбата ни од трговијата. Аллах меѓу снабдувачите е најдобриот Снабдувач!”

СУРА

“ЕЛ-МУНАФИКУУН” (“дволични”)

Медина - 11 ајети

Во името на Аллах , Милостивиот Сомилосен!


1. Кога ти дојдоа дволичните ти зборуваа: “Сведочиме дека си, навистина, Аллахов пејгамбер.А Аллах знае дека си ти Негов пејгамбер! А Аллах, пак, сведочи дека дволичните се лажговци!

2. Заклетвите нивни ги земаат за штит па оддалечуваат од Аллаховиот пат. Навистина, колку е лошо она што го работат!

3. Ете, тоа е заради тоа што веруваа а потоа не веруваа: па, се запечатија срцата нивни и не сфаќаа.

4. А кога ќе ги видиш телата нивни те вчудоневидуваат, а кога, пак, ќе прозборат нешто, го слушаш говорот нивни: како да се дрва потпрени, мислејќи дека секој глас е против нив. Ете, тоа се, токму, непријатели: внимавај на нив! Аллах нека ги отепа! Па, каде кинисуваат?

5. А кога ќе им се рече: Дојдете! Аллаховиот пејгамбер ќе бара прошка за вас! - ги тресат главите свои и ги гледаш како се оддалечуваат. Токму се горделивите!

6. Сеедно е: да бараш или да не бараш прошка за нив - Аллах не ќе им прости. Аллах, навситина, не го упатува народот расипнички!

7. Тие, токму, зборуваат: “Не делете им на оние кои се крај пејгамберот Аллахов за да се оддалечат!” Ризниците и на небесата и на Земјата се Аллахови, но, ете, дволичните не сфаќаат.

8. Тие, токму, зборуваат: “Ако бидеме вратени во Медина посилниот ќе го натера послабиот, сигурно! Моќта му припаѓа на Аллах, и на пејгамберот Негов, и на верниците но, ете, дволичните не знаат!

9. О верници, нека не ве одвратат од споменувањето на Аллах ни имотите ваши ни децата ваши. А кој тоа ќе го направи... па, онаквите се поразени!

10. И делете од ‘рскот што Ние ви го дадовме пред да му дојде некому смрт, па да рече: Господаре мој, е, кога би ме задржал барем малку, па да давам садака и да бидам меѓу добрите!?”

11. Кога некому ќе му дојде крајот Аллах сигурно не ќе го продолжи животот негов. Аллах е Известен за она што го работите!

СУРА

“ЕТ-ТЕГАБУН” (“Меѓусебна измама”)


Медина- 11 ајети

Во името на Аллах Милостивиот Сомилосен!


1. И она што е на небесата и она што е на Земјата - Аллаха го слави! Власта е - Негова! И блгодарноста - Нему Му припаѓа. Он е Кадар за се!

2. Он е Оној кој ве создаде: Меѓу вас има верници а има и неверници. Аллах го гледа она што го работите!

3. И небесата и Земјата ги создаде со вистина и ве обликува, давајќи ви најличен облик. Свратилиштето е - кон Него!

4. Он го знае и она што е на небесата и она што е на Земјата, Он го знае и она што го криете и она што го обелоденувате. Аллах го знае она што го кријат градите!

5. Нели ви дојде кажувањето за оние кои не веруваа од порано па ги вкусија последиците од постапката своја... ? И за нив има казна болна!

6. Ете, тоа е зашто им доаѓаа пејгамберите нивни со јаснотии, па зборуваа: “Човек ли да не упатува?” Па, не веруваа и ги вртеа плеќите. А на Аллах не Му треба ништо. А Аллах е Богат и за благодарност Достоен!

7. Оние кои не веруваат мислат дека нема да бидат проживеани. Кажи: “Да, се колнам Господарот мој ќе ве оживи, сигурно, и ќе ве извести за она што го работевте, сигурно! Тоа за Аллах, секако, е лесно!

8. Па, верувајте во Аллах и во пејгамберот Негов и во светлината што Ние ја објавивме. Аллах е Известен за она што го работите!

9. Денот во кој Он ќе ве збере - Денот на собирањето - ете, тоа е Ден на измама меѓусебна. А оној кој верува во Аллах и кој работи добро... ќе ги отстрани од него лошите дела негови, и ќе биде воведен во бавчите џеннетски низ кои реки течат; и во нив за навек ќе останат. Ете, тоа е победа голема!

10. А оние кои не веруваат и кои ги сметаат за лажни ајетите Наши... онаквите се жители на огнот и во него за навек ќе останат. Е, само колку лошо свратилиште е тоа!

11. Никаква неволја не се случува без одобрението Аллахово. Оној кој верува во Аллах го упатува своето срце. Аллах знае се!

12. Бидете послушни и на Аллах и на пејгамберот Негов! Па, ако ги свртите плеќите... пејгамберот Наш е задолжен само да извести јасно!

13. Аллах! Нема друг бог освен Него! И врз Аллах, тогаш, нека се потпираат верниците!

14. О верници, меѓу жените ваши и меѓу децата ваши имате непријатели. Внимавајте, тогаш! А ако, пак, ги помилувате и поминете преку тоа и ако им простите... та, Аллах, навистина, е Простувач и Сомилосен!

15. И имотите ваши и децата ваши се искушение, навистина! Кај Аллах наградата е најголема!

16. Плашете се, тогаш, од Аллах! Слушајте онолку колку што можете; бидете послушни и делете добро заради вас самите! А оној кој се чува себеси од лакомост... онаквите, токму, се спасените!

17. А ако на Аллах Му дадете добар заем, Он ќе ви го удвои и Он ќе ви прости. Аллах е Благодарен и Благ!

18. Зналец на тајното и јавното, Силен и Мудар!

СУРА

“АТ- ТАЛАК” (“Развод на бракот”)

Медина - 12 ајети

Во името на Аллах Милостивиот Сомилосен!


1. О пејгамберу, кога ќе се разведете со жените, разведете ги за време на иддетот нивни и, иддетот нивни, сметајте го. Плашете се од Аллах - Господарот ваш. Не истерувајте ги од домовите нивни, а и тие нека не излегиваат; истерувајте ги само тогаш кога ќе направат очигледно срамно дело. Ете, тоа се границите Аллахови, а оној кој ѓе ги премине границите Аллахови - тој, секако, себеси зулум ќе си направи. Не знаеш Аллах можеби ќе даде да се случи, по тоа, нешто друго!

2. И кога ќе дојде времето кога треба да се чека, па задржете ги учтиво или, пак, пуштете ги учтиво. И нека двајца, праведни меѓу вас, посведочат! И, заради Аллах сведочењето, извршете го! Ете, со тоа ви се советува: за оној кој верува во Аллах и во Денот суден. А оној кој се плаши од Аллах, Он ќе му изнајде излез!

3. И Он, исто така, ќе му даде ‘рск од каде што не се надева. А оној кој се потпира врз Аллах - та, Он му е доста. Аллах, навистина, ја изнесува наредбата Своја. За секоја работа Аллах одреди мера.

4. А оние, меѓу жените ваши, кои изгубиле надеж во месечното прање, и ако вие се сомневате, треба да чекаат три месеци. Исто е и за оние кои уште немаат добиено месечно прање. А оние, пак, кои ќе затруднат треба да чекаат с# додека не се породат. А оној кој се плаши од Аллах Он ќе му олесни во наредбата Своја!

5. Ете, тоа е наредбата Аллахова која Он ви ја објавува. А оној кој се плаши од Аллах, ќе му бидат простени гревовите негови и ќе му биде зголемена наградата.

6. Наредете да живеат таму каде што и вие живеете. Според можноста ваша. И не правете им никаква штета со цел да ги стесните. А ако се, пак, трудни, тогаш издржувајте ги се додека не се породат. А ако, пак, ги дојат децата ваши, ред е да им ги дадете подароците нивни. И учтиво однесувајте се едникондруги. А ако, пак, се појават некои недоразбирања, друга жена нека го дои детето!

7. Оној кој има богатство нека троши од богатството свое, а оној чиј имот му е ограничен, нека троши од она што му го одреди Аллах. Аллах никого не оптоварува над можноста негова. По тешкотијата Аллах дава леснотија.

8. И колку градови се оглушија од наредбата на Господарот свој и на пејгамберите Негови? Да, од нив побаравме строга сметка и Ние ги казнивме со казна нечуена!

9. Па, ги вкусија последиците од постапката своја. Тежок беше крајот на постапката нивна.

10. Аллах за нив подготви тешка казна. Плашете се од Аллах, о вие со разбир надарени, вие кои верувате, бидејќи Аллах веќе ви објави Опомена,

11. пејгамбер кој ви ги кажува ајетите Аллахови јасни: за да ги изведе оние кои веруваат и кои добри дела работат од темнини во светлина, а оние, пак, кои веруваат во Аллах и кои добро работат Он ќе ги воведе во бавчи џеннетски низ кои реки течат и во нив за навек ќе останат. Да, на таквиот Аллах ќе му даде ‘рск убав!

12. Аллах е Оној кој создаде седум небеса и исто толку земји. Он ја спушта наредбата меѓу нив за да знаете дека Аллах, навистина, е Кадар за се! Да, Аллах со знаењето Свое опфаќа се!

СУРА

“ЕТ-ТАХРИМ” (“Забрана”)

Медина - 12 ајети

Во името на Аллах Милостивиот Сомилосен!



1. О пејгамберу, зошто го забрануваш, настојувајќи да им се исполнат барањата на жените твои, она што Аллах ти го дозволи? Аллах е Простувач и Сомилосен!

2. Да, Аллах ви пропиша како да ги оправдаде заклетвите ваши. Аллах е Пријател ваш! Он е Зналец и Мудар!

3. И кога пејгамберот тајно ќе проговори со некоја од неговите жени, и кога таа ќе ги извести другите за тоа - а Аллах даде тој да го открие тоа -, тогаш нешто од тоа и го откри а нешто го задржа. И бидејќи тој ја извести, таа рече: Кој те извести за ова? Рече: Ме извести Зналецот и Известениот!

4. А ако вие две Му се обратите на Аллах, каејќи се, срцата ваши ќе се приклонат! А ако, пак, вие се помагате против пејгамберот... та, Аллах, навистина, е Заштитникот негов, и Џебраил и добрите верници! И мелеките, по тоа, се поддржници!

5. Господарот негов, ако тој се разведе од вас, можеби ќе му даде други жени што ќе бидат подобри од вас: на Аллах послушни, вернички, оддадени, покајнички, побожни, постачки, стабилни и девици.

6. О верници, чувајте се себеси и семејствата ваши од огнот: луѓето и камењата ќе бидат негово гориво. А мелеките ќе се грижат за него и ќе бидат строги; не ќе бидат непослушни кон наредбата
Аллахова и ќе го работат она што ќе им се наредува.

7. О неверници, денес не ќе можете да се оправдате. Ќе бидете казнети, токму, за она што го работевте!

8. О верници, покајте се кај Аллах со покајание искрено! Господарот ваш, можеби, ќе ги избрише гревовите ваши и ќе ве воведе во бавчите џеннетски низ кои реки течат, на Денот во кој Аллах не ќе ве ожалости, пејгамберот и оние кои веруваа со него. Светлината нивна ќе оди пред нив, и од нивната десна страна; ќе зборуваат: “Господаре наш, усоврши ја светлината наша и прости ни. Ти си, навистина, Кадар за се!

9. О пејгамберу, бори се против неверниците и дволичните и биди строг кон нив. Џехеннемот е престојувалиштето нивно. Е, само колку лошо свратилиште е тоа!

10. Аллах го донесе примерот на оние кои не веруваа: жената на Нух и жената на Лут кои беа мажени за двајца добри робови Наши. И двете нив ги осрамотија и затоа тие во ништо не ќе можат да им помогнат кај Аллах. И ќе им се рече: Влезете вие две во огнот меѓу оние кои веќе се влезени!

11. И Аллах го донесе примерот за оние кои веруваа: Жената на фараонот, кога рече: Подигни ми куќа, Господаре мој, во близината Твоја, во Џеннетот, и спаси ме од фараонот и од делото негово, и спаси ме од народот зулумќарски!

12. И: Мерјем, ќерката на Имран, која ја сочува невиноста своја, и во која вдахнавме од Духот, од страна Наша, и која ги потврди зборовите на Господарот свој, и Книгите Негови, и која беше една меѓу потчинетите на Аллах!

СУРА

“ЕЛ-МУЛК” (“Власт”)

Мекка - 30 ајети

Во името на Аллах Милостивиот Сомилосен!


1. Возвишен е Оној во чија рака е власта: Он е Кадар за се!

2. Кој ги создаде и смртта и животот за да ве испроба кој меѓу вас прави најдобри дела. Он е Силен и Простувач!

3. Кој создаде седум небеса, еднинадруги. Во создавањето на Милостивиот не гледаш никаков недостаток: па, сврти го погледот: ќе видиш ли некаков недостаток?

4. И сврти го погледот по втор пат!... погледот ќе ти се врати поразен и, ете го, изнемогол!

5. Да, Ние небото на овој свет со ѕвезди го разубавивме и Ние одредивме да фрла камења по шејтаните. И за нив Ние подготвивме казна Саир!

6. А за оние кои не веруваат во Господарот свој има казна џехеннемска. Е, само колку лошо свратилиште е тоа!

7. И кога ќе бидат фрлени во огнот ќе го слушаат неговото пламтење и тој само ќе фрла пламен!

8. Ете, само што од лутина не ќе се распрсне. И секогаш кога ќе биде фрлено во него, во гомила, чуварите негови ќе го прашуваат: Нели ви доаѓаше опоменувач?

9. Ќе речат: Да, ни доаѓаше опоменувач, па го сметавме за лажен и зборувавме Аллах не објави ништо. Вие сте скршнати во заблуда голема!

10. И ќе речат: Да слушневме... и да бевме разумни не ќе бевме сега меѓу жителите на Саир!

11. Па, ќе ги признаат гревовите свои и, тогаш, далеку нека бидат меѓу жителите на Саир!

12. А за оние кои стравуваат од Господарот свој тајно, за нив има, навистина, прошка и награда голема!

13. Ќе ги преќутувате ли зборовите ваши или, пак, гласно ќе ги кажувате... Он, навистина, го знае она што е во градите!

14. Како да не знае Оној кој создаде. Он е Чувствителен и Известен!

15. Он е Оној кој ви ја потчини земјата: па, патувајте по пределите нејзини и јадете од ‘рскот Негов. Кај Него ќе се зберете!

16. Сигурни ли сте дека Оној кој е на небесата не ќе ве згнети во земјата кога таа одненадеж ќе се затресе?

17. Или сигурни ли сте дека Оној кој е на небесата не ќе ви испрати виор? Па, ќе узнаете каква е заканата Моја?

18. Да, лажеа и оние пред нив. И каква беше, според тоа, казната Моја?

19. Не ги гледаат ли птиците над нив како летаат со раширени и собрани крилја? Ги држи само Милостивиот. Он, навистина гледа се!

20. И кој е тој кој ќе ви биде војска ваша, кој ќе ви помогне, освен Милостивиот? Неверниците, навистина, се во обмана!

21. И кој е тој кој ќе ви даде ‘рск ако Он го задржи ‘рскот Свој? Но, тие постојано се тврдоглави и горделиви!

22. Оној ли кој оди со оборено лице е поупатен или, пак, оној кој оди исправно по патот вистински?

23. Кажи: Он е Оној кој ве создаде и ви даде и уши, и очи и срце. Само малку се заблагодарувате.

24. Кажи: Он е Оној кој ве растури по земјата и кај Него ќе се зберете!

25. И зборуваат: А кога ќе се случи таа закана? Ако сте искрени.

26. Кажи: Да, знаењето за тоа е кај Аллах. Јас сум, навистина, само опоменувач јасен!

27. И бидејќи ќе здогледаат како казната ќе им се приближува ќе обезличат лицата на оние кои не веруваат, и ќе се рече: Ова е она што вие го повикувавте!

28. Кажи: Мислите ли дека, доколку Аллах не упропасти мене и оние со мене и ни се смилува... ќе има ли некој што ќе ги заштити неверниците од казната болна?

29. Кажи: Он е Милостивиот! Во Него веруваме и врз Него се потпираме, а вие ќе узнаете кој е во беспаќе очигледно!

30. Кажи: Мислите ли дека, ако водата ваша ви пресуши, има некој што ќе ви даде изворска вода?

СУРА

“ЕЛ-КАЛЕМ” (“Калем”)

Мекка - 52 ајети

Во името на Аллах Милостивиот Сомилосен!



1. Нун! Се колнам во калемот и во она што оние го пишуваат:

2. ти не си, со благодетот на Господарот твој, луд,

3. и ќе добиеш награда која никогаш не ќе престане, навистина!

4. Да, голем ахлак поседуваш ти!

5. Па, ќе видиш а и оние ќе видат,

6. кој меѓу вас, токму, е лудиот!

7. Господарот твој, секако, е Оној кој најдобро го знае оној кој скршнал во заблуда од патот Негов, и Он најдобро ги знае упатените!

8. Па, не слушај ги лашковците!

9. Посакуваат да се сплотиш па и тие да се сплотат.

10. И не биди послушен на ниеден голем колнач презрен!

11. голем клеветник, пренесувач на зборови,

12. кој спречува добро, голем престапник, голем грешник,

13. незаситен и, покрај тоа, неповикан гостин

14 затоа што има имот и синови,

15. кој, кога му се кажуваат ајетите Наши, вели: “Тоа се прикаски одамнешни!”

16. Ние ќе го обележиме на носот.

17. Ние ги ставаме во искушение онака како што ги ставивме во искушение сопствениците на една бавча кога се заколнаа дека ќе ја оберат штом ќе станат изутрина,

18. кои не рекоа: Иншаеллах!

19. Па, една несреќа од Господарот твој ја погоди бавчата додека оние спиеја,

20. и изутрината, ете,беше пустелија,

21. и тие, тоа утро, се повикаа меѓусебно:

22. “Одете изутрина кај поседот ваш ако сакате да го берете!

23. И тогаш тргнаа, зборувајќи еднисодруги по пат:

24. “Никаков сиромав денес нека не ви влезе во бавчата ваша!

25. И изутрината излегоа уверени во шкржавоста своја.

26. И бидејќи ја видоа бавчата, рекоа: Да, ние сме во заблуда скршнати

27. и уште се ни е скратено!

28. Најумерениот меѓу нив рече: “Нели ви реков дека Аллаха треба да Го славите?

29. Рекоа: Нека биде Славен Господарот наш! Ние сме зулумќари, навистина!

30. И започнаа да се грдат еднисодруги;

31. зборуваа: Е, тешко нам! Ние сме насилници, навистина!

32. Господарот наш можеби ќе ни ја замени со подобра бавча. Кон Господарот наш тежнееме, навистина!”

33. Ете, таква беше казната. А казната ахиретска е поголема. Е, само кога би знаеле!

34. За богобојазливите кај Господарот нивни има, навистина, бавчи џеннетски, благородни!

35. Па, послушните ли ќе ги третираме како силниците?!

36. Што ви е? Како така просудувате?

37. Или, пак, имате Книга во која читате

38. дека за вас, навистина, ќе го има она што ќе го сакате?

39. Или, пак, ви се заколнавме со заклетви такви кои ќе траат до Денот суден, дека, тогаш, ќе го просудувате она што го просудувате?

40. Прашај ги кој меѓу нив мисли за тоа дека е така!

41. Или, пак, имаат божества... па, нека дојдат со божествата свои ако се искрени!

42. Денот во кој ќе се разголи коската потколенична и кога ќе се повикаат да паднат на сеџде ... не ќе можат;

43. ќе бидат уплашени погледите нивни и понижување ќе ги обзеде: беа повикувани да паѓаат на сеџде кога беа здрави.

44. Па, остави Ме, и оние кои го сметаа за лажен овој говор Ние ќе ги поредиме еднинадруги, постапно, од каде што не знаат.

45. И Јас ќе им дадам време. Сплетката Моја, нависта, е цврста!

46. Или, пак, бараш од нив награда а тие се оптеретени со долг?

47. Или, пак, Тајната е кај нив, а тие пишуваат!

48. Па, стрпи се до пресудата на Господарот твој и не биди како другарот на рибата кога се молеше, пискајќи!

49. А да не беше милоста на Господарот твој што веќе му дојде ќе беше фрлен на пусто место, понижен!

50. Па, Господарот негов го спаси и одреди да биде меѓу добрите!

51. Неверниците само што не те оборат со опулите свои кога ќе ја слушнат Опомената, и кои зборуваат: Он, навистина, е луд!

52. А тоа е само Опомена за световите!

СУРА

“ЕЛ-ХАКК” (Час неизбежен)

Мекка - 52 ајети

Во името на Аллах Милостивиот Сомилосен!


1. Час неизбежен!

2. Што е тоа Чаз неизбежен?

3. Е, па, знаеш ли ти што е тоа Час неизбежен?

4. И Ад и Семуд кијаметот го сметаа за лажен!

5. Па, што се однесува до Семуд... беа уништени со гласот силни,

6. а што се однесува до Ад... беа уништени со ветрот кој фиука гласно и кој метеж остава!

7. Кој дојде да ги потчини нив седум ноќи и осум дена без прекин. . , па да ги видиш луѓето покуткани како да се трески урмини, попаѓани?

8. Па, гледаш ли дали остана трага од нив?

9. И фараонот и оние пред него, оние кои ги рушеа градовите, доаѓаа со гревови.

10. И тогаш беа непослушни кон пејгамберот на Господарот свој и така Он ги погоди со казна прекумерна.

11. И бидејќи водата надојде Ние ве понесовме во бродот,

12. за да ја направиме, секако, опомена за вас, и увото што слуша да ја слуша.

13. И кога ќе се дувне во Сурлата со дувеж еден,

14. и кога земјата ќе биде разнесена а брдата расфрлани со удар еден...

15. на Денот тој,тогаш, ќе се случи пропаста на светот!

16. И небото ќе испука и тоа, на Денот тој, ќе биде кршливо,

17. а мелеките ќе бидат на чошињата негови и ќе го носат престолот, на Господарот твој, на Денот тој, над нив, осум мелеки,

18. на Денот тој вие ќе бидете претставени и ништо од вас не можете да скриете.

19. Па, што се однесува до оној со дадената му Книга, во неговата десна рака, ќе рече: Еве, читајте ја оваа книга моја.

20. Јас, навистина, замислував дека ќе си полагам сметка.

21. И тој ќе биде во животот задоволен,

22. во Џеннетот возвишен,

23. чии плодови ќе му бидат блиску -:

24. “Јадете и пијте, и пријатно нека ви биде за она што го работевте во деновите што минаа.”

25. А што се однесува, пак, до оној со дадената му Книга, во неговата лева рака, ќе рече: О тешко мене! Е, да не ми беше дадена Книгава!

26. Да, не знаев за моево полагање сметка!

27. О тешко мене! Само смртта да ме докрајчеше!

28. Богатството мое ништо не ми користи;

29. се што е мое отиде во пропаст.

30. Земете го и,тогаш, заковајте го,

31. а, потоа, во огнот, пржете го,

32. а, потоа, во синџири, седумдесет лактови долги, врзете го,

33, тој, навистина, не веруваше во Аллах, Голем,

34. а ниту, пак, поттикнуваше да се нахрани сиромавиот...

35. Па, денес за него, овде, нема пријател близок,

36. а ниту храна друга, освен загадотина,

37. што ќе ја јадат само грешниците.”

38. Но, не! Јас се колнам во она што го гледате,

39. и во она што не го гледате...

40. тоа, навистина, е Говор објавен до пејгамберот благороден;

41. не е Говор на поет; малкумина верувате!

42. а не е Говор ни на волшебник; само малкумина се сеќавате.

43. Тоа е Објава од Господарот на световите.

44. А да зборуваше против нас зборови некакви,

45. Ние ќе го фатевме за десната рака, силно,

46. а потоа ќе му ја пресечевме вената што куца

47. и никој меѓу вас не ќе можеше да го спаси.

48. Кур’анот е Опомена за богобојазливите, навистина!

49. Да, Ние знаеме дека меѓу вас има лашковци,

50. и тој ќе биде хасрет за неверниците!

51. Куранот, навистина, е Вистина,

52. па, слави Го, со името, Господарот Голем!

СУРА

“ЕЛ-МЕ'АРИЏ” (“Степени”)

Мекка - 44 ајети

Во името на Аллах Милостивиот Сомилосен!


1. Некој, прашувајќи, праша за казната што ќе се случи.

2. За неверниците казната никој не ќе ја спречи,

3. од Аллах, Сопственикот на степените,

4. преку кои се качуваат мелеките и Џибрил до Него, за еден ден кој изнесува педесет илјади години;

5. па, стрпи се, со стрпливост достојна,

6. тие мислат дека е далеку, навистина,

7. а Ние, пак, мислиме дека е блиску

8. Денот во кој небото ќе биде како руда растопена,

9. а брдата како волна;

10. и пријателот не ќе прашува за пријател

11. и покрај тоа што ќе се гледаат еденводруг. Силникот ќе посака на Денот тој да ја откупи казната со синовите свои,

12. и со жената своја, и со братот свој,

13. и со семејството свое што го штитеше,

14. и со се на земјава, ете, само потоа да се спаси.

15. Никогаш! Ќе биде во огнот Лаза, навистина!

16. ќе ги кине зглобовите,

17. повикувајќи го оној кој се оддалечи и кој ги сврти плеќите...

18. само збираше и, ете, скриваше!

19. Човекот, навистина, е создаден талмаќар!

20. Кога зло ќе му се случи, очајува

21. а кога, пак, добро ќе му се случи, одбива!

22. А не и оние кои намаз клањаат,

23. кои постојано внимаваат на намазот свој,

24. и оние во чиј имот има право познато

25. за оној што пита и оној што не пита,

26. и оние кои веруваат во Денот ветен,

27. и оние кои стравуваат од казната на Господарот свој!

28. Од казната на Господарот свој никој не е сигурен, навистина!

29. и оние кои ги чуваат срамните места свои,

30. освен со жените свои, или со оние кои ги поседуваат - со нив, навистина, не ќе бидат укорени!

31. а оние, пак, кои посакуваат други, освен нив, се грешници!

32. И оние кои го чуваат аманетот и кои се придржуваат кон договорот свој,

33. и оние кои стојат при сведочењата свои,

34. и оние кои внимаваат на намазот свој...

35. онаквите ќе бидат почестени со бавчи џеннетски!

36. Зошто брзаат кон тебе оние кои не веруваат,

37. и од десна и од лева страна, во дружини?

38. Стреми ли секој од нив да влезе во Џеннетот благословен?

39. Но, не! Ние ги создадовме од она што знаат, навистина!

40. Но, не! Јас се колнам во Господарот на истоци и запади дека Ние сме, навистина, Кадри

41. да ги замениме со подобри од нив, и Ние не сме немоќни.

42. Па, остави ги нека зборуваат еднисодруги и нека играат се додека не бидат фрлени во Денот што им се ветуваше,

43. на Денот во кој ќе излезат од мезарите, брзајќи, како да се брзаат кон здружениците,

44. со уплашени погледи свои и до земја понижени. Ете, тоа ќе биде оној Ден кој им се ветува!

СУРА

“НУХ” (Нух)

Мекка - 28 ајети

Во името на Аллах Милостивиот Сомилосен!


1. Ние, навистина, го испративме Нуха до народот свој: “Опомени го народот твој пред да им настапи казната болна!

2. И рече: О народе мој, јас сум ви, навистина, опоменувач јасен;

3. обожавајте Го Аллаха, плашете се од Него, и бидете ми послушни:

4. Ќе ви прости од гревовите ваши и ќе ве остави до рокот определен. А кога ќе дојде крајот кој Аллах го одреди не ќе се одгоди. Ете, така да знаете!

5. И рече: “Господаре мој, деноноќно го повикував народот мој, навистина!

6. Но, повикот мој ги тераше само во бегство;

7. и секојпат кога ќе ги повикував за да им простиш ги ставаа прстите свои в уши, и се покриваа со огртачите свои, и беа тврдоглави, и се држаа нависоко!

8. Јас потоа ги повикував јавно, навистина,

9. потоа им возгласував, навистина, и тајно им зборував,

10. велејќи им: Барајте прошка од Господарот ваш. Он, навистина, е Простувач!

11. Од небото Он ќе ви испрати вода во изобилство,

12. ќе ви даде и имоти, и синови, а ќе ви даде и бавчи, и реки за вас наменети!

13. Што ви е? Па, не очекувате од Аллах недвосмисленост достојна,

14. и Он, секако, ве создава постапно.

15. Не гледаш ли како Аллах создаде седум небеса, еднинадруги?

16. Меѓу нив Месечината Он ја одреди да биде светлина, а Сонцето да биде светилка.

17. Аллах дава да никнете од земјата како растенија,

18. потоа Он ве враќа во неа и пак ќе ве извади од неа.

19. Аллах ја одреди земјата да ви биде постелнина,

20. за да патувате по широките патишта нејзини.

21. Нух рече: Господаре, непослушни ми се, навистина! И ги следат оние што имотите нивни и децата нивни ја зголемуваат пропаста нивна.

22. И сплетки големи сплеткарат,

23. и зборуваат: “Не оставајте ги никако божествата ваши, и не оставајте ги ни Ведд ни Суваа, ни Јегус, ни Јеук, ни Неср!

24. Веќе скршнаа во заблуда, наголемо! На зулумќарите само заблудата зголемувај им ја!”

25. И заради грешките нивни беа потопени и фрлени во огнот и, освен Аллах, не најдоа ниеден поддржник!

26. И Нух рече: “Господаре мој, не оставај ги на земјата, ниеден жител меѓу неверниците!

27. Ако ги оставиш ќе ги скршнуваат во заблуда, навистина, робовите Твои, и ќе доаѓаат само грешници и неверници!

28. Господаре мој, прости ми, мене и на родителите мои, и на оној кој ќе влезе во домот мој како верник, и на верниците, и на верничките, а на зулумќарите, пак, само зголеми им го страдањето!

СУРА

“ЕЛ-ЏИН” (“Џинови”)

Мекка - 28 ајети

Во името на Аллах Милостивиот Сомилосен!


1. Кажи: “Објавено ми е дека една дружина на џинови го слушале, па рекле: ‘Да, ние слушнавме еден чудесен Кур’ан,

2. кој упатува кон показот и му поверувавме, и никогаш на Господарот наш нема здруженик да му припишуваме!’”

3. И нека Он биде возвишен, Господарот наш, Кој не присвои ни жена ни дете!

4. Еден луд, секако, зборуваше против Аллах, некакви претераности,

5. а Ние, пак, замислувавме дека ни џиновите ни луѓето не зборуваат лаги против Аллах,

6. или, пак, имаше мажи меѓу луѓето кои бараа заштита од мажите меѓу џиновите па овие им ја зголемуваа непромисленоста.

7. И оние мислеа како што вие мислевте како Аллах никогаш никого, навистина, нема да оживи.

8. И го допревме небото, навистина, па го најдовме како е исполнето со јаки чувари и ѕвезди што блекаат.

9. И да седевме во непосредна близина на местата за седење за да слушаме. А оној кој прислушкува сега ќе наиде на ѕвезда блескотна, од заседа!

10. и ние не знаеме зло ли си посакуваа за оние на земјата или, пак, Господарот нивни, за нив посакува показ?

11. Меѓу нас има, навистина, добри; меѓу нас има и поинакви. Не, бевме по патишта одделени!

12. Да, помислувавме дека сме немоќни пред Аллах на земјава и дека постојано ќе бидеме немоќни од Него да избегаме.

13. И штом го слушнавме Показот веднаш поверувавме во него, навистина! Па, оној кој верува во Господарот свој, па не се плаши ни од штета ни од непромисленост.

14. Да, меѓу нас има и Послушни, меѓу нас има и неправедни. А оние кои беа Послушни,ете, онаквите го бараа Показот!

15. А што се однесува до неправедните, ете, за Џехеннемот ќе бидат гориво!

16. А цврсто да останеа на Патот ќе ги напоевме со вода изобилна, навистина! -

17. за да ги ставиме во искушение: оној кој ќе биде рамнодушен кон Опомената на Господарот свој... ќе му следи казна што ќе се зголемува.

18. Џамиите, навистина, се за Аллах и, тогаш, никого не повикувајте освен Аллах!

19. И кога Аллаховиот роб се исправи да го замоли, само што не му се прилепија!”

20. Кажи: “ Само Господарот мој го повикувам, навистина! И ништо не Му здружувам!”

21. Кажи: “Да, не сум моќен ни да ви наштетам ни да ве упатам!”

22. Кажи: “Никој од Аллах не ќе ме заштити, навистина! И никогаш, освен Него, не ќе најдам засолниште!

23. освен да известам од Аллах и од посланијата Негови.” А оној кој ќе биде непослушен кон Аллах и кон пејгамберот Негов... па, за него, навистина, има казна џехеннемска! И во неа за навек ќе останат!

24. И кога ќе го здогледат она што им е ветено... па, ќе узнаат кој е послаб поддржник и помалкуброен!

25. Кажи: “Јас не знам дали е блиску она што ви е ветено или, пак, Господарот мој одреди тоа да се одложи.”

26. Зналец на Тајната? Па, тајната Своја никому не ја открива!

27. освен на оној кого Он ќе го избере за пејгамбер, кого Он, навистина, го штити и пред него и зад него,

28. за да знае дека пратенијата на Господарот нивни се известени, и и за да го опфати она што е при нив и за да изброи се!

СУРА

“ЕЛ-МУЗЕММИЛ” (“Завиткан”)

Мекка - 20 ајети

Во името на Аллах Милостивиот Сомилосен!


1. Еј, ти завиткан!

2. Само малку стани во ноќта, во еден дел нејзин,

3. половина од ноќта или, пак, помалку од тоа,

4. или, пак, зголеми малку во тоа и читај Кур’ан по правило!

5. Ние, навистина, ќе ти објавиме тежок говор;

6. станувањето ноќе поисправо делува, секако, врз работата, и поисправно во зборувањето,

7. а и дење, исто така, подолго си зафатен.

8. И споменувај Го името на Господарот твој и посвети се, посветувајќи се, кон Него:

9. Господарот на Исток и на Запад; нема друг бог освен Него, и прифатете Го,тогаш, како Закрилник!

10. И стрпи се за она што го зборуваат и оддалечи се од нив, со расчекор пристоен!

11. И остави Ме Мене со лашковците кои поседуваат богатство, и остави ги извесно време!

12. Кај Нас ќе има, навистина, и пранги и Џехеннем!

13. и храна што не се голта, и казна болна!

14. Ден во кој ќе се потресат Земјата и брдата, а брдата ќе бидат расфрлани како од песок тумбиња.

15. Да, Ние ви испративме пејгамбер кој ќе сведочи против вас исто онака како што на фараонот му испративме пејгамбер.

16. И фараонот, тогаш, не го послуша пејгамберот и Ние, заради тоа, го зграбивме со еден грабеж груб.

17. Па, како не се плашите од Денот во кој не верувате... кога на децата ќе им побели косата.

18. Небото тогаш ќе испука и ветувањето Негово ќе се оствари.

19. Ова, навистина, е Опомена! Па, кој ќе посака ќе го прифати патот кон Господарот свој.

20. Господарот твој, секако, знае дека ти стануваш ноќе да се молиш помалку од две третини на ноќта, половина или, пак, една третина, а и дружината што е со тебе. Аллах го одредува и ноќта и денот. Он знае дека вие не знаете да го пресметате тоа и Он ви простува. Па, читајте го од Кур’анот она што ви е лесно! Он знае дека меѓу вас ќе има болни, и оние кои ќе шетаат по земјата барајќи ја добрината Аллахова, а други, пак, се борат на Аллаховиот пат. Па, читајте го од Кур’анот она што ви е лесно! И намаз извршувајте и зекат давајте! И позајмете Му на Аллах заем добар! А доброто што го давате од себе, ќе го најдете кај Аллах уште подобро, и поголема награда. И барајте прошка од Аллах! Аллах, навистина, е Простувач и Сомилосен!

СУРА

“ЕЛ-МУДЕССИР”)

Мекка - 56 ајети

Во името на Аллах Милостивиот Сомилосен!


1. Еј ти, покриен!

2. Стани и опоменувај!

3. и Господарот твој, величај Го,

4. и облеката твоја, очисти ја,

5. и од нечистото, оддалечи се!

6. Не мурти се, што ти се причинува многу!

7. И заради Господарот твој, стрпи се!

8. А кога во Сурлата ќе се дувне,

9. ете, тогаш, ќе биде Ден тежок:

10. за неверниците не ќе биде лесен!

11. Остави Ме насамо со оној што го создадов осамен,

12. и му дадов богатство големо,

13. и му дадов синови сведоци;

14. Јас за него подготвив и подготовка една.

15. А потоа сакаше да му дадам повеќе.

16. Но, не! Беше тврдоглав, навистина, кон знаменијата Наши,

17. и ќе го свиткам со тешкотии!

18. Тој, навистина, многу размислуваше и многу сметаше!

19. Па, нека биде убиен како така сметаше,

20. и пак нека биде убиен како така сметаше!

21. Потоа погледна,

22. потоа се намурти и се стемни,

23. потоа ги сврти плеќите и се надува,

24. па рече: Ова, навистина, е само волшебништво што се наследува!

25. Ова е само говор човечки!

26. Јас ќе го фрлам во огнот Секар.

27. А од кај знаеш ти што е тоа Секар?

28 Во него ништо не останува ни пепел;

29. пламеник за луѓето;

30. над него бдеат деветнаесетмина:

31. а мелеките Ние ги одредивме да бидат тие што бдеат врз огнот. Бројот нивни е искушение за оние кои не веруваа, и за да се уверат оние со дадената им Книга, и на верниците верувањето да им се зголеми и за да не се сомневаат оние со дадената им Книга, и верниците, и за да им се рече на оние кои имаат болештина во срцата нивни, и на неверниците - што сака Аллах да покаже со овој пример? Ете, така Аллах го скршнува во заблуда оној кого Он сака, и Он упатува кого сака. Војската Негова ја знае само Он! А тоа е само Опомена за луѓето!

32. Но, не! Се колнам во Месечината,

33. и во ноќта кога ќе зајде,

34. и во муграта кога ќе пукне...

35. тоа ќе биде несреќа голема, навистина,

36. за луѓето опомена:

37. за оној меѓу вас кој посакува тоа да го забрза или да го успори!

38. И секоја личност е јамец за она што го спечалила,

39. освен сретните

40. кои во бавчите џеннетски ќе се распрашуваат

41. за силниците,

42. и за она што ги одвело во огнот Секар,

43. и овие ќе речат: “Не бевме меѓу оние кои намаз клањаа,

44. и не ги храневме сиромашните,

45. и во безработица, со безработниците, се спуштавме,

46. и Денот ветен за лажен го сметавме,

47. се додека не се уверивме!

48. Па, не ќе им користи посредувањето на посредниците.

49. Па, зошто тогаш се рамнодушни кон Опомената?

50. Како да се магариња исплашени,

51. кои бегаат од ловот.

52. Но секој од нив посакува да му се дадат страници отворени.

53. Но, не! Оние не се плашат од Ахирет.

54. Но, не! Кур’анот е Опомена, навистина!

55. И тогаш кој сака го прима за Опомена,

56. а тие само со посак Аллахов се опоменуваат. Он е Достоен за богобојазливоста и Он е Достоен за прошката!

СУРА

“ЕЛ-КИЈАМЕ” (“Пропаст на светот”)

Мекка - 40 ајети

Во името на Аллах Милостивиот Сомилосен!


1. Не! Јас се колнам во денот кијаметски!

2. Но, не! Јас се колнам во душата која самата себеси се грди!

3. Мисли ли човекот дека Ние никогаш нема да ги збереме коските негови?

4. Е, уште како! Ние сме Кадри дури и да ги поредиме и јагодиците на прстите негови.

5. Но, човекот посакува пред него да греши;

6. прашува кога ќе се случи кијаметот.

7. Кога опулот ќе се закочи, плашејќи се,

8. и кога Месечината ќе потемни,

9. и кога ќе се соединат Сонцето и Месечината,

10. на Денот тој човекот ќе рече: “Каде да се побегне?”

11. Нема никаде! Нема засолниште!

12. Кон Господарот твој, на Денот тој, ќе се биде насочен!

13. Човекот ќе биде известен на Денот тој и за она што го оставил.

14. Човекот, меѓутоа, за себеси ќе си сведочи,

15. и покрај тоа што ќе ги изнесува оправдувањата свои!

16. Не изговарај ги харфовите на Кур’анот со јазикот твој за да брзаш со него:

17. Наша обврска, навистина, е да го збереме и да го читаме.

18. Па, кога ќе го читаме, следи го читањето негово!

19. Потоа неговото објаснување е Наша обврска, навистина!

20. Но, не! Вие ја посакувате мигновеноста,

21. а ја оставате вечноста!

22. На Денот тој некои лица ќе бидат блескотни,

23. со свртен поглед кон Господарот свој,

24. а некои лица, пак, ќе бидат намуртени,

25. и ќе очекуваат да се случи нешто што ќе им ги скрши пршлените.

26. Но, не! Кога душата ќе стигне до клучната коска,

27. и кога ќе се викне: “Кој ќе го излечи?!”

28. Ќе се убеди дека тоа е Разделба,

29. и ногата околу ногата ќе се свитка,

30. кон Господарот твој, на Денот тој, ќе се турне,

31. па, не веруваше и намаз не клањаше,

32. но затоа, пак, лажеше и плеќите ги вртеше,

33. а потоа, кај семејството свое, горделиво одеше.

34. Тешко тебе! Е, па, тешко тебе!

35. И уште еднаш: Тешко тебе! Па, пак, тешко тебе!

36. Мисли ли човекот дека ќе биде оставен тек така?

37. Не беше ли капка семе, семе што се фрла?

38. А по ова угрушок од крв, па го создаде и обличје му даде,

39. и од него создаде пар: машко и женско.

40. И нели тогаш Он е Кадар мртвите да ги оживи?

СУРА

“ЕД-ДЕХР” (“Време”)

Медина - 31 ајети

Во името на Аллах Милостивиот Сомилосен!


1. Му помина ли на човекот она време кога не беше за ништо спомнат?

2. Ние човекот го создадовме, навистина, од мешавина на семе за да го ставиме во искушение, и му дадовме и слух и вид.

3. Ние, навистина, го упативме по Патот: ќе биде ли благодарен или неверник - негово е!

4. Да, Ние за неверниците подготвивме и пранги и синџири и Саир.

5. Добротворите, навистина, ќе пијат од чаша чиј напиток ќе биде смеса на камфор

6. од изворот што ќе го разводат, како што сакаат, ќе пијат робовите Аллахови:

7. оние што го исполнуваа договорот и кои стравуваат од Денот во кој ќе преовладува злото негово,

8. и со храна нахрануваа, и покрај тоа што ја сакаа, и сиромав, и јетим, и затвореник.

9. “Ве храниме, навистина, заради лицето Аллахово: од вас не посакуваме ни награда ни благодарност.

10. Ние, навистина, се плашиме од Господарот наш на Денот во кој лицата ќе бидат намуртени и затемнети.”

11. На Денот тој Аллах ќе ги сочува од злото и ќе им даде радост и среќа,

12. и ќе ги награди, затоа што беа трпеливи, со Џеннет и свила;

13. ќе бидат потпрени на дивани и тука ни жед ни студен не ќе усетат;

14. сенките негови во непосредна близина ќе им бидат, и плодовите негови ќе им бидат спуштени.

15. И од едендодруг ќе се служи со чинии од сребро и со чаши што ќе бидат провидни,

16. провидни од сребро што сами ќе ги одредуваат колкави да бидат;

17. во Џеннетот ќе пијат од чаши чиј напиток ќе биде смеса од ѓумбар,

18. од изворот во Џеннетот со името Селсебил именуван,

19. и од едендодруг ќе ги служат вечно млади момчиња. И кога ќе ги погледнеш веднаш ќе помислиш дека се бисери растурени.

20. И кога ќе погледнеш тамо и пак, кога ќе погледнеш, ќе видиш благодат и царство големо,

21. на нив ќе видиш облека зелена, и од потенка и од подебела свила; ќе бидат накитени со ракавници од сребро, и Господарот нивни ќе ги напојува со напиток чист.

22. “Ете, ова ви е наградата, навистина! Трудољубието ваше за благодарност е достојно!”

23. Ние, навистина, објавувајќи го, ти го објавивме Кур’анот:

24. па, стрпи се до одлуката на Господарот твој и меѓу нив не биди послушен, ни на грешникот ни на неверникот!

25. И споменувај Го името на Господарот твој и наутро и навечер!

26. И во еден дел од ноќта, падни Му на сеџде, и дуж ноќта слави Го!

27. Онаквите, навистина, ја посакуваат мигновеноста, а го оставаат она што е зад нив, Денот тежок!

28. Ние ги создаваме и зглобовите им ги соединуваме. А ако, пак, си посакаме ги менуваме наличјата нивни.

29. Ова, навистина, е Опомена! Па, кој сака ќе го прифати Патот кон Господарот свој.

30. А вие го пожелувате само она што Аллах го пожелува. Аллах, навистина, е Зналец и Мудар!

31. Ќе го воведе во милоста Своја кого сака. А за зулумќарите подготви казна болна!