Не тагувај, зашто Господарот твој гревовите ги Простува и покајанијата ги прима
Брате мој. Твоите гради нека се наполнат со мир, нека престанат твоите грижи и проблеми. Возвишениот нека те благослови со среќа. Радувај се на Неговата милост и послушај ги следниве зборови од Благородниот Куран:Кажи: “О робови мои, вие, кои ги занемаривте душите ваши, не губете надеж во милоста Аллахова. Аллах, навистина, ги простува сите гревови. Он, секако, е Простувач и Сомилосен! (Ел-Зумер, 53)
Погледни како Возвишениот Аллах им се обраќа со зборовите: „О,робови мои“ за да им ги разнежни срцата и да им ги развесели душите. Посебно се истекнати тие што „мерката ја преминале“, затоа што тие направиле многу лоши дела и престапи. Ако на овој начин Возвишениот им се обраќа на тие што прекумерно згрешиле, што е тогаш со останатите? На нив Семилосниот им забранува очај и губење надеж во простувањето, известувајќи ги дека Тој му ги простува сите гревови на тој што ќе се покае, и големите и малите, сериозните и несериозните. Потоа Возвишениот Аллах се опишува со одредени атрибути кои упатуваат на совршенството на Неговите особини, а тоа е дека Тој „многу Простува и Тој е Милослив.“Треба да бидеме среќни и радосни поради Неговите зборови:„ И побрзајте кон прошката од Госпопдарот ваш и кон Рајот кој се простира колку небесата и Земјата - подготвен за богобојазливите, за оние кои делат и кога се во радост и кога се во мака, и кои ја надминуваат омразата, и кои им простуваат на луѓето. Аллах ги љуби доброчинителите! И за оние кои, кога ќе направат срамно дело или кога ќе си нанесат напаст себеси, па, го споменуваат Аллаха и бараат прошка за гревовите свои, - а кој ќе ги простува гревовите освен Аллах? - и кои не се истрајни во она што го сработиле, и кои, токму, знаат... нив ги чекаат: награда, прошка од Господарот нивни и бавчи низ кои реки течат. Оние во нив за навек ќе останат. Е, само колку е убава таа награда за оние кои го прават тоа! “(Али Имран, 133-136)
Треба да биде среќен поради зборовите:Оној кој сработи зло или кој себеси си наштети, потоа побара прошка од Аллах - ќе го најде Аллаха Простувач и Сомилосен! (Ен-Ниса, 110)
И не тежнејте кон она со што Аллах ве одликува еднинадруги. На мажите им припаѓа дел од она што го спечалија, а и на жените им припаѓа дел од она што го спечалија. Барајте од Аллах за да ви даде дел од добрината Своја. Аллах, навистина, знае се! (Ен-Ниса, 31)
Ние испративме пророк само да му се биде послушен со одобрението Аллахово. А оние кои направија неправда за себеси да дојдат кај тебе и да побараат, навистина, прошка од Аллах и за нив пророкот да побара прошка - ќе видат дека Аллах е Простувач и Сомилосен! (Ен-Ниса, 64)
Јас сум, навистина, Простувач за оној кој ќе се покае, кој верува и кој работи добро и кој, потоа, ќе се упати. (Та Ха, 82)
Кога Муса, алејхи селам, убил човек изговорил:Муса рече: “Господаре мој, направив неправда, навистина, за себеси... па, прости ми!” И Он му прости. Он, навистина, е Простувач и Сомилосен! (Ел-Касас, 16)
Семилосниот ни говори за Давуд, алејхи селам, кој згрешил, па се покајал и побарал прошка.Па, Ние му го простивме тоа. Тој, навистина, ќе биде во близината Наша, и го чека убаво засолниште. (Сад, 25)
Нека е славен нашиот Господар, колку е тој Милостив и Благодарен!! Неговата Милост и Простување ги надминува сите граници затоа што понудил прошка и Милост за тие што го посведочиле тројството. За нив Возвишениот Аллах вели:„Навистина не веруваат оне кои што велат: „Бог е еден од тројцата“ Бог е само еден, А ако не престанат со она што го зборуваат, болна казна, навистина, ќе ги стигне секој од нив што неверник ќе остане, Зашто тие не му се покајат и не замолат прошка од Него, па Аллах простува и Сомилосен е.“ (Ел-Маида, 73-74)
Во веродостојни хадиси,, Пратеникот Мухаммед, саллАллаху алејхи ве селлем, (нека е Божјата мир над него), вели:„Возвишениот Аллах вели: ’О сине Адемов, кога и да Ме Повикаш и се понадеваш на Мене, Јас се ќе ти простам и на тоа нема да се осврнам. О, сине Адемов, доколку твоите гревови бидат толкави што ги достигнуваат облаците на небеото, а потоа да дојдеш барајќи од Мене прошка, ќе ти простам, и на тоа нема да се осврнам. О, сине Адемов, да Ми дојдеш со гревови кои би ги исполниле Земјата, но при тоа да не Му препишуваш ништо, Јас ќе те дочекам со Земја полна со прошка’“Ебу Муса пренесува дека Веровесникот, Мухаммед, саллАллаху алејхи ве селлем, (нека е Божјиот мир над него), рекол:„Навистина Возвишениот Аллах ја прижи Својата рака ноќе за да се покае тој што грешел во текот на денот, а ја пружи Својата рака во текот на денот за да се покае тој што грешел ноќе, се додека Сонцето не излезе од запад.“Во еден хадис и кудси се вели:О. Робови Мои, вие грешите и ноќе и дење, а Јас гревовите ги простувам и на нив не се осврнувам. Затоа молете Ме за прошка, а Јас ќе ви ја подарам.Во еден веродостојен хадис, Пратеникот, Мухаммед саллАллаху алејхи ве селлем, (нека е Божјиот мир над него), вели:Се колнам во Оној во чиишто раце е мојата душа, кога вие не би грешеле Аллах би ве уништил и би создал нов народ кој би грешел и би барал прошка од Возвишениот Аллаг, па Тој би му се Смиловал. Затоа молете Го Аллах за прошка, и ќе ја добиете.Потоа Пратеникот Мухаммед, саллАллаху алејхи ве селлем, (нека е Божјиот мир над него), вели: Се колнам во Оној во чиишто раце е мојата душа, кога не би грешеле за вас би створувал од нешто што е потешко и полошо од грешењето. Тоа е самољубието и егозмот.Во друг хадис се вели:Сите вие сте грешници, а најдобар од вас е оној што ќа се покае! Автор: д-р Аид ел Карни
Дело: “Не Тагувај“
[You must be registered and logged in to see this link.] Ahlu-Sunnah
Home
МНОГУ ПРОСТУВАЊЕ БАРАЈ,ЗАТОА ШТО ГОСПОДАРОТ ТВОЈ САКА МНОГУ ДА ПРОСТУВА Пон 30 Jул 2012, 7:04 pm
