Нему Му се молат оние коишто се на небесата и на Земјата; секој момент Тој се занимава со нешто.“ (Ер Рахман, 29)

Кога морињата ќе се вознемират, брановите ќе навалат, бурата ќе настапи, луѓето на бродот ќе довикуваат: „О, Аллаху!“ Кога водичот на камили во пустина ќе се загуби, кога патниците ќе скршнат од патеката и карванот ќе заталка, сите тие довикуваат: „О, Аллаху!“ Кога ќе се случи несреќа, ќе настапи очај, ќе завладее јад, човекот целиот скршен ќе замоли: „О, Аллаху!“ Кога портите пред просјаците ќе се затворат и темнина ќе ги прекрие нивните лица, тие довикуваат: „О, Аллаху!“ Кога ќе ги снема патеките и патиштата, кога ќе згасне надежта, луѓето довикуваат: „О, Аллаху!“ Кога земјата ќе ти стане тесна и душата цела ќе се собере, залипај: „О, Аллаху!“




До Аллах допира убавиот збор, искрената молба, вистинската воздишка, невината солза и болното страдање. Нему в зори Му ги пружаме дланките, рацете ги шириме за сè што ни е потребно, Него очите Го гледаат кога сме при судир прегазени и Нему молитвите Му ги праќаме кога несреќите ќе настапат. Неговото име го довикуваме, со Него довите и песните ги почнуваме. Сеќавањето на Него срцата ни ги смирува, душите ни ги успокојува, мир и пријатни чувства внесува, разумноста ја зголемува и во нас силната верба постојано ја зацврстува, Аллах е благ кон робовите Свои.

Аллах е името најубаво, проткаено со букви красотни, најискрен и највреден збор:

„Дали знаеш дека некој го има името Негово?“ (Мерјем, 65)

Аллах, најголемото богатство, вечност, помош и сила, возвишеност, моќ и мудрост:

„Кој ќе ја има власта тој Ден?“ - „Аллах, Единиот и Семоќниот!“ (Ел Мумин, 16)

Аллах! Тоа име означува благост и грижа, помош и потпора, љубов и добрина:

„Од Аллах ви е сета благодaт којашто ја уживате.“ (Ен Нахл, 53)



Господару наш, нашата болка замени ја со утеха, тагата со радост, а стравот со сигурност. Господару наш, уверувањето нека ја изгасне страста на душата, реката на иманот нека го изгасне жарот на душата. Боже, на уморните очи подари им сигурен сон, на немирните души спокој и израдувај ги со блиска победа. Боже, Твојата светлина нека ги осветли изгубените очи, заталкaните нека го најдат Твојот пат, а изгубените Твоето упатство.

Господару наш, вистинската зора на Твојата светлина нека ги истера злите дошепнувања на шејтанот , Вистината нека го надвладее злото во нас и Твојата одбранбена војска нека ги скрши сите шејтански интриги. Боже, сочувај нè од тага и грижа, а од нашите души истерај го немирот. Само од Тебе се плашиме, Тебе ти робуваме, на Тебе се потпираме и од Тебе секоја помош ја бараме. Ти си нашиот Господар и Заштитник, па Ти си прекрасен Господар и Помагач.




Автор: д-р Аид ел Карни

Дело: “Не Тагувај“

Обработка: [You must be registered and logged in to see this link.] Ahlu-Sunnah