Home
1
Прашања и одговори од областа на акидата Чет 01 Дек 2011, 5:30 pm
Muaz al Islam
Модератор
Прашања и одговори од областа на акидата
1. Што значи ибадет (обожување)?Ибадетот го опфаќа секое добро дело, со кое Возвишениот Аллах е задоволен. Ибадет се добрите зборови и дела, скриени и видливи . Ибадет е да се оддалечеш од секое дело или збор кое се спротиставува на добрите дела.
2. Кога едно дело може да се нарече обожување?
Едно дело може да се нарече ибадет (обожување) кога ги содржи две работи: Потполна љубов и покорност. Возвишениот Аллах вели:
,,…А оние кои веруваат поцврсто го љубат Аллаха...“
(Ел-Бекара: 165)
,,Да, оние кои се плашат, стравувајќи од Господарот свој…“
(Ел-Му’минун: 57).
Возвишениот Аллах во еден ајет ги спомнал заедно надежта и стравот:
,,…и Не повикуваа и во желба и во страв; постојано ни беа потчинети.“
(Ел-Енбија: 90).
3. Кои се знаците кои укажуваат дека Аллаховиот роб го сака Аллах?
Знакот кој покажува дека робот го сака Аллах е да тој роб да го сака тоа што го сака Аллах и да мрази тоа што го мрази Аллах, да делува според наредбите на Аллах и да се оддалечи од делата кои ги забранил Аллах, да ги сака саканите на Аллах и да ги мрази непријателите на Аллах.
Затоа најцврстата врска на иманот е да сакаш поради Аллах и да мразиш за Аллах.
4. Како Аллаховиот роб може да знае што Аллах сака а што не?
Ова Аллаховите робови го учат од пратениците и Книгите објавени од Аллах. Пратениците и книгите наредиле да чинеме дела, кои ги сака и го задоволуваат Аллах, а ги забраниле делата кои ги мрази и го вознемируваат Возвишениот Аллах. Така, на Аллаховите робови им се појавија неодбнивни докази и излезе на виделина Мудроста на Возвишениот Аллах. Возвишениот Аллав вели:
,,…пратеници, радосници и опоменувачи за да луѓето немаат по пратениците доказ пред Аллах…“
(Ен-Ниса: 165).
,,Кажи: “Ако го сакате Аллах па, следете ме! Аллах ќе ве засака и ќе ви ги прости гревовите ваши.” Аллах е Простувач и Сомилосен!“
(Али Имран: 31).
5. Кои се условите на ибадетот?
Условите на ибадетот се три :
1. Искрено и сериозно да донесеш одлука.
2. Нијјетот (намерата) да е искрен.
3. Ибадетот да се изврши според Шеријатот, како што Возвишениот Аллах наредил.
Првиот услов е да делото да се нарече ибадет, додека следните два услови се причина за прифаќање на ибадетот.
6. Што значи тоа,,нијјетот(намерата) да биде искрена“?
,,Нијјетот да биде искрен“ значи робот сите негови зборови и дела да ги направи поради Возвишениот Аллах. Возвишениот Аллах вели:
,,Наредено им е само Аллаха да го обожаваат, и верата искрено да Му ја предаваат, во сета чистота нивна…“
(Ел-Бејјине: 5).
,,…без да очекува од некого со благодат да му возврати, освен заради тоа што го посакува Лицето на Господарот свој, Возвишен…“
(Ел-Лејл: 19-20).
“Ве храниме, навистина, заради лицето Аллахово: од вас не посакуваме ни награда ни благодарност".
(Ел-Инсан: 9).
,,Оној кој сака награда на Ахирет, Ние ќе ја зголемиме наградата негова, а оној кој сака награда на овој свет, ќе му ја дадеме, а на Ахирет за овој не ќе има дел.“
(Еш-Шура: 20).
7. Кој шеријат Аллах (субханеху ве теала) не обврзал да го следиме?
Тоа е чистиот Шеријат на Ибрахим, алејхи селам. Возвишениот Аллах вели:
,,Аллаховата вера навистина е Исламот!...“
(Али Имран: 19).
,,Покрај Аллаховата ли вера оние бараат друга? И она што е на небесата и она што е на Земјата, сака или не сака, на Аллах е полсушно. Нему ќе Му се вратат.“
(Али Имран: 83).
,,Верата Ибрахимова ја избегнува оној што се срами од себеси…“
(Ел-Бекара: 130).
,,На оној кој сака друга вера освен Послушноста (Исламот)- нема да му се прими. Но, тој на Ахирет ќе биде меѓу поразените“.
(Али Имран: 85).
,,Имаат ли оние божества кои им го пропишуваат во верата она што Аллах не им го дозволи?…“
(Еш-Шура: 21).
8. Колку се нивоата (степените) на Исламот и кои се тие?
Степенте на Исламот се три :
1. Покорност (Ислам)
2. Верување (Иман)
3. Доброчинство (Ихсан)
9. Што значи Ислам? Докажи го тоа со најмалку два ајета!
,,Ислам“ значи целосно да Му се покоруваш само на Возвишениот Аллах, познавајќи го само Него за Господар, целосно убедувајќи Му се на Него и оддалечувајќи се од ширк . Возвишениот Аллах вели:
,,А кој има подобра вера од оној кој го предава лицето на Аллах, а доброчинител е? Ја следи чистата вера Ибрахимова…“
(Ен-Ниса: 125).
,,А оној кој ќе го предаде лицето свое на Аллах а доброчинител е... тој веќе се фатил за најцврстото јаже…“
(Лукман: 22).
,,…Па, вашиот Бог е еден Бог. И Нему, тогаш, оддадете Му се! И зарадувај ги понизните…“
(Ел-Хаџџ: 34).
10. Кој аргумент го докажува тоа дека со зборот Ислам се подразбира целиот дин?
Возвишениот Аллах вели:
,,Аллаховата вера е - Исламот, навистина!…“
(Али Имран: 19).
Аллаховиот Пратеник, салалл-ллаху алејхи ве селем, рекол: ,,Исламот дојде како невообичаен и така еден ден ќе стане невообичаен, како што дојде“ .
,,Најдобриот Ислам е да веруваш во Аллах“.
11. Спомни ајети кои го докажуваат шехадетот!
Возвишениот Аллах вели:
,,Аллах сведочи, а и мелеките и учените сведочат дека нема друг бог освен Него. Чувар, навистина, на правдата. Нема друг бог освен Него; Он е Силен и Мудар!“
(Али Имран: 18).
,,Тогаш знај дека, навистина, нема друг бог освен Него…“
(Мухаммед : 19).
,,…Нема друг бог освен Аллах, Еден и Силен!”
(Ес-Сад: 65).
,,Аллах не си присвои дете и покрај Него нема друг бог…“
(Ел-Му’минун: 91).
Кажи: “Кога би имало покрај Него богови како што зборуваат, тогаш, би побарале пат до Аршот!”
(Ел-Исра: 42).
12. Кои се условите на максимата ,,Ла илахе ил-лаллах“?
Условите за прифаќањето на оваа сведочење се седум:
1. Да го сватиш оваа сведочење, што негира и што потврдува.
2. Твоето срце потполно да се убеди за вистиноста на оваа максима.
3. Да се покоруваш на сведочењето со срце и со дела.
4. Потполно да го прифатиш тоа, неоставајќи ниедна од обврските кои произлегуваат од сведочењето.
5. Да бидеш искрен кога го кажуваш (изговараш) тоа.
6. Исркеноста да е од длабочината на срцето, а не само со јазик.
7. Да ги сакаш овие зборови и оние кои ги изговараат, да сакаш и мразиш поради овие зборови.
8.Да неверуваш во тагут
13. Кажете докази дека потполното убедување е услов за прифаќање на ,,Ла илахе ил-лаллах“?
Возвишениот Аллах вели:
,,Верници се, навистина, оние кои веруваат во Аллах и во пејгамберот Негов и кои, потоа, не се сомневаат, и кои се борат на
Аллаховиот пат, и со имотите свои, и со животите свои. Оние, токму, се искрените!“
(Ел-Хуџурат: 15).
Аллаховиот Пратеник, салалл-ллаху алејхи ве селем, рекол:
,,Секој роб што ќе се појави пред Аллах, сведочејќи дека нема друг достоен за обожување освен Аллах и дека јас сум Аллахов Пратеник, Аллах ќе го внесе во Џеннет“.
Аллаховиот Пратеник, салалл-ллаху алејхи ве селем, исто така му рекол на Ебу Хурејра:
,,Кого било да сретнеш позади овој ѕид , кој убеден сведочи дека нема друг достоен за обожување освен Аллах, исвести го со Џеннет“. И двата хадиси се вистините, автентични.
14. Кажете докази дека покорноста е услов за прифаќање на ,,Ла илахе ил-лаллах“?
Возвишениот Аллах вели:
,,А оној кој ќе го предаде лицето свое на Аллах а доброчинител е... тој веќе се фатил за најцврстото јаже…“
(Лукман: 22).
Аллаховиот Пратеник, салалл-ллаху алејхи ве селем, рекол: ,,Не верува ниеден од вас (потполно), додека неговите желби не ги согласи да следат тоа што сум го донел јас (Куранот и Суннетот)“
15. Кажете докази дека максимата ,,Ла илахе ил-лаллах“ треба потполно да се прифати?
Возвишениот Аллах вели:
Зберете ги оние кои зулум правеа, а и жените нивни и она што го обожаваа, освен Аллах; па, управи ги кон патот џехеннемски,
и згмечете ги: одговорни се, навистина! “Па, зошто еднинадруги не си помогнете?” Да, на Денот овој оние ќе бараат да бидат послушни.
,,…На Денот тој оние, секако, ќе бидат во казната здружени. Ете, така Ние постапуваме кон силниците! Да, кога ќе им се рече дека нема друг бог освен Аллах се дуваат, и зборуваат: “Зарем да ги оставиме божествата наши заради еден луд поет?”
(Ес-Саффат: 22-36).
Аллаховиот Пратеник, салалл-ллаху алејхи ве селем, рекол: ,,Упатството и знаењето со кое што Аллах ме пратил мене, се како јак дожд кој врне на зема, дел од земјата, плодната го прифаќа дождот и вади многу трева и растенија. Еден друг дел на земјата е потполно сув, тој само ја цуца (шмука) водата. Аллах прави да луѓето имат корист од неа: пијат вода, им даваат на другите да пиат и садат различни растенија. Еден друг дел од земјата е цврсто и пусто, ни не ја прифаќа водата, ни не овозможува да се садат растенија. Аллаховата вера (дин) е како случајот на дождот. Постојат луѓе ки го сфатат и имаат корист од неа, тие учат за себе и то аим го учат ин а другите; постојат други луѓе кои не знаат како неа да ја користат, тие не го прифаќаат Аллах
16. Што значи да сакаш и мразиш поради Аллах?
Возвишениот Аллах вели:
,,О верници, не земајте ги Евреите и христијаните за заштитници. Оние се еднинадруги заштитници. А оние кои ќе ги земат за заштитници од вас - од нив се, навистина!...Заштитникот ваш, навистина, е Аллах и пејгамберот Негов и оние кои веруваат и кои намаз извршуваат и кои зекат даваат. Овие се, токму, поклониците!“
(Ел-Маиде: 51-55).
,,О верници, не земајте ги заштитници ни бабовците ваши ни браќата ваши ако, секако, повеќе го сакаат неверувањето од верувањето. Оние кои ќе ги свртат плеќите од вас - па, зулумќари се!“
(Ет-Тевба: 23).
,,Не ќе најдеш луѓе кои веруваат во Аллах и во Денот суден да се дружат со оние кои се против Аллах и пејгамберот Негов…“
(Ел-Муџеделе: 22).
,,О верници, не земајте ги непријателите Мои и непријателите ваши за пријатели!…“
(Ел-Мумтехина: 1)
17. Кои се условите за прифаќање на сведочењето ,,Мухаммедун ресулуллах“, и дали претходното сведочење (,,Ла илахе ил-лаллах“) се прифаќа без последново?
Знаеме дека еден роб може да го прифати Исламот само со двата сведочења. Условите на прифаќање на ,,Мухаммедун ресулуллах“ се исти како на првото сведочење (,,Ла илахе ил-лаллах“). Но сведочењето (изреката) ,,Мухамедун ресулуллах“) е услов за прифањето на првотот сведочење, како што и првото сведочење е услов за прифаќањето на второто сведочење.
18. Кој е аргументот за клањањето на намазот и давањето на зекатот?
Возвишениот Аллах вели:
,,…Па, ако се покајат, и ако намаз извршуваат, и ако зекат даваат, пуштете го патот нивни. Аллах, навистина, е Простувач и Сомилосен!“
(Ет-Тевба: 5).
,,Па, ако се покајат, и ако намаз извршуваат, и ако зекат даваат, тогаш, браќа се ваши по вера…“
(Ет-Тевба: 11)
,,Наредено им е само Аллаха да го обожаваат, и верата искрено да Му ја предаваат, во сета чистота нивна, и намаз да извршуваат и зекат да даваат. И, ете, тоа е верата исправна!“
(Бејјине: 5).
19. Кој е аргументот за постот?
Возвишениот Аллах вели:
,,О верници, пропишан ви е постот како што им беше пропишан и на оние пред вас за да бидете богобојазливи…“
(Ел-Бекара: 183).
,,… Па, кој од вас ќе се најде во тој месец - нека пости …“
(Ел-Бераре: 185).
Хадисот кога еден бедуин (селанец) му се обраќа на Аллаховиот Пратеник, салалл-ллаху алејхи ве селем: ,,Кажи ми, кога Аллах ме обврзал со пост?!“. Аллаховиот Пратеник, салалл-ллаху алејхи ве селем, му одговара: ,,Постот до месецот Рамазан е обврска, додека вон месецот Рамазан е доброволен“.
20. Кој е аргументот за Хаџџот?
Возвишениот Аллах вели:
,,Заради Аллах и хаџџ и умра извршете!...“
(Ел-Бекара: 196).
,,…Хаџџот на Куќата заради Аллах, е обврска за секој кој е во можност - за оној кој ќе се најде на пат...“
(Али Имран: 97).
Аллаховиот Пратеник, салалл-ллаху алејхи ве селем, рекол: ,,Навистина, Возвишениот Аллах ве обврзал вас со Хаџџ” . Друг доказ е хадисот на Џибрил и хадисот ,,Исламот се гради над пет столбови…“ (Воопшто познат)
21. Како се осудува оној кој поради мрзење и погрешно сваќање остава еден од овие столбови?
Од него се бара да се покае. Доколку се покае се остава мирен, но доколку не се покае, тогаш се сматра за веронегирач. За ова Возвишениот Аллах вели:
,,…Па, ако се покајат, и ако намаз извршуваат, и ако зекат даваат, пуштете го патот нивни. Аллах, навистина, е Простувач и Сомилосен!“
(Ет-Тевба: 5).
Доколку една група луѓе се моќни и авторитативни, кои не го даваат зекатот, тогаш базирајќи се на ајетите и хадисите кои ги спомнавме (и останатите аргументи), Имамот ги тера нив да го дава зекатот. Вака постапиле Ебу Бекр, радиаллаху анху, и останатите асхаби.
За судењето на тој муслиман што не пости не се соопштило некој доказ. Имамот или неговиот заменик се труди да до советува…
Што се однесува до Хаџџот, муслиманот има време да го обави во текот на целиот негов живот. Неговото време завршува само со неговата смрт, но обврска е да го изврши што порано. Тој што го занемарува, најавен е до казна во Другиот Свет, но не соопштил некој доказ за казна на овој свет.
22. Што е верување (иман)?
Верување (иман) е збор или дело. Верувањето го докажува срцето или јазикот, за него работи срцето, јазикот и целото тело. Иманот расте кога се покоруваш на Аллах и опаѓа кога чиниш гревови. Иманот се разликува од еден во друг верник.
23. Кој е аргументот дека верувањето е зборови и дела?
Возвишениот Аллах вели:
,,…Но, Аллах ја поттикна љубовта кон верувањето ваше и ви го разубави во срцата ваши, а ви го направи презирно неверувањето, расипасноста и заборавот…“
(Ел-Хуџурат: 7).
,,…Верувајте и во Аллах и во гласникот пејгамбер Негов…“
(Ел-А’раф: 158).
Во овој ајет јасно се кажува сваќањето на двете сведочења, без кои не може да станеш муслиман. Овие сведочења се вистинити само преку делата на едно убедено срце и нивното изговарање. Без делата и изговарањето ова сведочење нема вредност. Возвишениот Аллах вели:
,,…Аллах нема да го занемари намазот ваш…“
(Ел-Бекара: 143).
Ова значи дека нема да направи Аллах да биде безвреден намазот на оние кои се свртиле кон Светата Куќа (во Палестина), пред нашиот Пратеник, салаллаллаху алејхи ве селем, да ги упати сите верници да се свртат кон Каба кога ќе клањаат. Намазот бил наречен ,,верување“, затоа што тој ги собира срцето, јазикот и делата на телото. Аллаховиот Пратеник, салаллаллаху алејхи ве селем, го нарече како дел од верувањето: борбата на Аллаховиот пат, клањањето на Ноќта на Кадр, постот на Рамазан, ноќниот намаз, во текот на Рамазан, клањањето на петте намази на ден итн.
Кога Аллаховиот Пратеник, салаллаллаху алејхи ве селем, бил запрашан кое е најдоброто дело одговорил: ,,Да веруваш во Аллах и во Неговиот Пратеник“.
24. Кој е аргументот дека иманот (верувањето) се зголемува и опаѓа?
Возвишениот Аллах вели:
,,…Кому меѓу вас ова го зголеми иманот?...“
(Ет-Тевба: 124), и
,,Аллах на упатените ќе им го зголеми Патоказот…“
(Мерјем: 76).
,,А оние кои се упатуваат... Он им го зголемува…“
(Мухаммед: 17).
,,…и на верниците верувањето да им се зголеми и за да не се сомневаат оние со дадената им Книга…“
(Ел-Мудесир: 31).
,,…и ова им го зголеми иманот и рекоа: “Аллах ни е Доволен. Е, само каков Закрилник е Он!”
(Али Имран: 173).
,,…и иманот и послушноста само им се зголемуваа.“
(Ел-Ахзаб: 22).
Аллаховиот Пратеник, салаллаллаху алејхи ве селем, рекол: ,,Да бевте исти (на друго место) како што сте во кога сте со мене, мелеците би дошле да ве поздравуваат (би ви ја дале раката)“.
25. Кој аргумент кажува дека иманот се разликува од еден во друг верник?
Возвишениот Аллах вели:
,,ќе има многу меѓу народите дамнешни, и многу меѓу народите недамнешни! Овие беа пред тоа, навистина, расипници…“
(Ел-Вакиа: 39-45).
,,А ако некој биде од блиските на Аллах: за него ќе има и радост и цвеќе мирисно и бавчи џеннетски, благословени! А ако, пак, биде еден од среќните, па, нека биде поздрав врз тебе од среќните!“
(Ел-Вакиа: 88-89).
,,…Некои од нив спрема себе зулум си направија, некои беа умерени, а некои, пак, со одобрението Аллахово, претходеа во добрини. За тоа има, токму, добрина голема…“
(Фатир: 32).
Во хадисот што зборува за посредувањето Аллаховиот Пратеник, салалл-ллаху алејхи ве селем, рекол: ,,Навистина, Аллах ќе го извади од оганот и оној што има иман (верување) колку тежината на еден динар, а потоа оној чиј иман тежи колку половина од динар“. Во друго предание се вели: ,,Ќе излезе од оган секој што ќе каже ,Ла илахе ил-лаллах‘ и што има иман во срце, дури и колку едно зрно пченка; потоа ќе излезе од Оганот секој што ќе каже ,Ла илахе ил-лаллах‘ и што во неговото срце има иман дури и колку едно зрно (елби); по него, ќе излезе од Оганот оној што ќе каже ,Ла илахе ил-лаллах‘ и што во неговото срце има иман дури и колку најмало зрно“
26. Кој аргумент го докажува тоа дека кога ќе се спомне иманот се подразбира целата вера?
Кога делегацијата на Абдул Кајс отидоа кај Аллаховиот Пратеник, салалл-ллаху алејхи ве селем, он (Пратеникот) им рече: ,,Јас ве советувам да верувате само во Аллах“. Потоа продолжи: ,,Знаете ли што значи да веруваш само во Аллах?“. Тие што слушнаа рекол: ,,Аллах и Неговиот Пратеник знае!“. ,,Тоа значи,-продолжи Аллаховиот Пратеник, салалл-ллаху алејхи ве селем, -да сведочиш дека нема друг достоен за обожување освен Аллах и дека Мухаммед е Неговиот Пратеник, да го клањаш намазот, да го даваш зекатот и да дадеш една петтина (1/5) од плаката заробена во војна“.
27. Кој е аргументот во кој се зборова за шестте столбови на верувањето во целина?
Џибрил, алејхи селам, го запраша Аллаховиот Пратеник, салалл-ллаху алејхи ве селем: ,,Кажи ми за верувањето (што е тоа)!“. ,,Верување (иман) е да веруваш во Аллах, во Неговите мелеци, во Неговите книги, Неговите претеници, во Судниот Ден, да веруваш дека доброто и лошото се одредени од Аллах“.
28. Кој е аргументот од Кур’анот кој ги спомнува шестте столбови на верувањето?
Возвишениот Аллах вели:
,,Не е доброчинство во управеноста на вашите лица кон Исток и Запад, туку доброчинство е да се верува во Аллах, и во Денот ахиретски, и во мелеките, и во книгите, и во пејгамберите…“
(Ел-Бекара: 177), и
,,Да, секоја ствар Ние ја создадовме урамнотежено.“
(Ел-Камер: 49).
29. Што е тевхид улухије?
Тевхид улухије е секов вид ибадет (обожување), јасен (видлив) или скриен, збор или дело што се чини само поради Аллах. Тевхид улухије значи да не обожаваш никого и ништо друго освен Аллах. Возвишениот Аллах вели:
,,И Господарот твој определи: “Само Него да го обожавате…”
(Ел-Исра: 23), и
,,И обожавајте го Аллаха и ништо немојте да Му здружувате…“
(Ен-Ниса: 36), и
,,Јас сум, навистина, Аллах! Нема друг бог освен Мене. Па, обожавај Ме, и намаз извршувај за сеќавање на Мене!”
30. Што е спротивно од овој тевхид?
Спротивно од овој тевхид е ширк. Ширкот е два вида, голем и мал. Големиот ширк потполно го негира овој тевхид, додека малиот ширк прави да не биде потполен (т.е. да е непотполен).
