Home
1
Видови на рајот Нед 30 Окт 2011, 12:57 am
Muaz al Islam
Модератор
Прво име на рајот-Џеннет
Џеннет е најпознато име за такво пребивалиште и за се што тоа име го опфаќа-од разните благодетти, ужитоци , среќа и радост за очите. Самиот збор Џеннет во свое име означува нешто прекриено и сокриено.Оттаму и изразот џинн (невидливо суштество од оган)– светот што е скриен пред нашите очи.
Второ име-Дарус салам(сигурно живеалиште)
Рајот навистина го заслужува ова име бидејќи тоа е пребивалиште сигурно од разни тешкотии, неприлики и неугодности.Тоа е Аллахова куќа и едно од неговите најубави имиња-Ес-Селам.
Аллах вели во Куранот:„Во него ќе има овошја и тоа што ќе го посакаат.’Мир со вас!’ ќе бидат зборовите на Господарот Милостив.“(Јасин,57)
Во рајот нема да постои развратен говор и невистина, како што Возвишениот кажува:„Во него празни приказни нема да слушаат, туку само:’Мир!’“(Мерјем,62)
Прво со што ќе биде израдуван верникот на ахиретот, и првите зборови кои ќе ги чуе од мелекот кој ќе му ги пренесе убавите вести се:
„Радувај се на победата , миомирисното цвеќе и Господарот кој на тебе не е срдит.“
Трето име- Дарул Хулд(Куќа на вечноста)
Такво име овој рај има бидејќи неговите жители нема никогаш од него да бидат иселени, како што Возвишениот вели:
„...ќе биде тоа дар кој непрекидно ќе трае.’(Худ,108) или
„Со плодови кои секогаш ќе ги има и со трајна ладовина.“(Ер-Рад,135)
Четврто име-Дарул –мекаме(вечно пребивалиште)
Возвишениот вели „Фален нека е Аллах –ќе се говори- Кој од нас тагата ни ја отстранил-Господарот наш, навистина, многу простува и благодарен е- Кој нам, од добрината своја , Вечно живеалиште ни дари, каде замор нема да не обзема, и каде депресија нема да не снајде.“(Фатир,34,35)
Петто име- Џенетул ме’ва(Џенетско пребивалиште)
Возвишениот вели:„Кај кој што е џенетското пребивалиште“(Ен Неџм, 15)
Ибн Абас вели:Тоа е Џеннет во кој пребиваат Џибрил(Гаврил) и мелеките“
Келби вели:„ Тоа е Џеннет во кој што пребиваат душите на шехидите(мачениците).“
Ка’б вели:„Тоа е Џеннет во кој што зелените птици ги носат на крилјата свои душите на шехидите.“
Аиша р.а. вели :„Тоа е само еден од многубројните Џеннети“
Шесто име-Џеннетул – адн(Еденски вртови)
Велат дека ова е име на еден од бројните Џеннети.
Возвишениот вели:„Во еденските градини кои што Милостивиот на робовите Свои им го ветил, затоа што во нив веруваа, а не ги виделе- а ветувањето Негово навистина ќе се исполни.(Мерјем,61)
И вели :„Еденски предели во кои ќе влезат, во кои со златни алки , со бисер украсен, ќе се китат, а нивните алишта од свила ќе бидат.(Фатир, 33)
Самиот израз ’адн упатува на трајно живеалиште.
Седмо име-Дарул-хајеван( Куќа на вистинското живеалиште)
Возвишениот вели:„Животот на овој свет е само игра и забава, а само оној свет е –живот, кога само би знаеле!“
Према толкувањето на коментаторите на Куранот ајетот во кој стои:„..а само оној свет е –живот“ гласи така бидејќи тоа е живот во кој нема умирање и тоа е трајниот , вечен живот.
Осмо име-Фирдевс
Возвишениот вели:
„Тие се достојни наследници, кои Џеннетот Фирдевс ќе го наследат, во него вечно ќе борават. (Ел муминун, 19)
Ел Фирдевс е име кое се употребува за рајот во целост.Тоа во основа значи градина.Некои велат дека е тоа градини во кои што се наоѓаа лозје.
Некои велат дека тоа е најузвишеното и најдоброто, средишно место во рајот.
Девето име-Џеннатун –неим(Градини на уживање)
Возвишениот вели:„Оние кои ќе веруваат и добри дела ќе прават , навистина ги чекаат градини на уживање. (Лукман,
Ова име ги опфаќа сите Џеннети во кои се ужива во јадење и пиење, облека,разни призори, пространи одаи, пријатни и убави мириси, и многу други за нас познати и непознати уживања.
Десето име- Ел-Мекамул- емин (Сигурно пребивалиште)
Возвишениот вели:„А оние кои се плашеле од Аллах, тие на Сигурно место ќе бидат.“(Ед-Духан,51,52)
Овде е збор за место кое е сигурно од секакво вознемирување, болест или било каква нелагодност.Тоа е место кое е сигурно од минливост, пропаст и секаков недостаток. Неговите жители во него ќе бидат сигурни од изгон,тешкотии, неспокој и непријатности.Тоа е „беледул емин“- сигурна земја, во која нејзините жители се сигурни од она што луѓето на земјата се плашат.
Жителите на рајот нема да се плашат од тоа да било што грдо да им се случи, ниту ќе мораат да излезат од него, ниту ќе се плашат од смртта.
Единаесто и дванаесто место-
Макаду сидк ве Кидаму сидк-
(Место на задоволство и место на искреност)
Возвишениот вели:
„Оние кои од Аллах се плашеле ќе бидат во рајските градини и покрај реки, на место на кое ќе бидат задоволни, кај Владателот Семоќен“(Ел Камер,54,55)
Рајот го добил Местото на искреност, затоа што таму верниците добиваат се што им е ветено.Во арапскиот јазик се вели:меведетум садика- искрена љубов.Исто така келамун садик-искрен говор, ако се добива од тој говор тоа што се посакува.
Исто така искрен говор значи и искреност во говор и во дело и во работа, т.е. кога делата ги потврдуваат зборови.Наспроти тоа стои лага и невистина, која ништо не преставува.
Куранскиот израз медхалу сидк и мехреџу сидк означуваат ситуации во кои што човекот е препуштен на Севишниот, кога искрено ќе му ја довери својата состојба, кога негде доаѓа или си заминува.Човекот стално некаде оди или однекаде доаѓа.
Аллах вели: И кажи:„Господару мој , стори да умрам, а Ти да си задоволен со мене и стори да станам од мртвите, а да Ти си задоволен со мене, и подари ми сила од Себе која ќе ми помогне!“ (Ел Исра,80)
Кога кај некој човек ќе биде искрено во име на Аллах доаѓањето и заминувањето тој ќе биде во Аллаховото задоволство и заштита. А Аллах е оној од кој треба да се бара помош.
Извадок од делото „Водич кон Џеннет“ од Ибн Кајим ел Џевзије
Превземено:
повик кон вистината
