Home
1
Љубов спрема Мухаммед а. с Саб 27 Aвг 2011, 8:35 pm
Muwehhid
Модератор
Во Името На Аллах џ.ш Милостивиот, Самилосен!
Нема никакво сомнение во тоа дека Аллах џ.ш го сака Мухамед а.с повеќе од секој друг. Од целиот човечки род Аллах џ.ш го избрал него и го почестил со најголема можна чест, чест да биде последен Пејгамбер. Преку него на човештвото му ја подарил најголемата среќа - Својата последна објава Курани-керим.
Сите муслимани се свесни дека овие факти се сосема доволни да го издвојат Мухамед а.с на посебен степен, на местото кое му припаѓа нему. Затоа муслиманите со сето свое битие го сакаат и почитуваат својот Пејгамбер, Мухамед а.с.
Муслиманите, речиси без исклучок и во своја прилика, кога го спомнуваат неговото име, цитираат салавати за него. Тоа е доказ за длабоката почит, оддаденост и благодарност за се што направил за нас и за човештвото воопшто. Т
оа е израз на визијата за последниот Божји Пејгамбер, тоа е неговата чест во битието на на муслиманот кој го почитува и му изразува оддаденост со најголема радост, љубов, искреност и восхит.
Се работи, всушност, за чиста љубов, за вистинска љубов, која не е нафрлена, која во нашето битие влегува од самото наше раѓање, која во нас ја внесуваат постарите, нашата средина, нашиот начин на живеење, нашето верување, нашето убедување.
Сите сме сведоци дека ниеден вистински муслиман нама да го изговори и напише неговото име, а да не ги додаде веднаш општопознатите зборови : "алејхис-селам".
Тоа во исламската средина и заедница е толку вкоренето и станало толку познато, што зборовите "алејхис-селам" станале синониме за "последниот Божји Пејгамбер". Не е редок случај да се зборува, па дури и да се пишува само "алејхис-селам" што всушност значи: Мухамед алејхис-селам.
Заради сето ова, секој муслиман чуствува и знае дека покрај љубовта кон Аллах џ.ш. и неговата Книга Курани-керим, неразделиво е врзана и љубовта кон Мухамед а.с. Се работи за љубов од посебен вид. Не се работи за љубов која би претставувала некаков вид на обожавање, зошто во самата основа на исламското верување, спознание и очитување стои дека Мухамед а.с е Божји миленик и последен Божји Пејгамбер.
Тоа е љубов која е проникната во бескрајна, безрезервна доверба во неговиот збор и дело, тоа е љубов проникната во вистинска благодарност за се она што ни го направил, што го прави, и за се она што без сомнение ќе прави како вистински посредник на Судниот ден.
Се работи за љубов, исполнета со стремеж да бидеме на неговиот пат - пат што го означил Аллах џ.ш како вистински пат. Таа љубов доведува да се биде во близина на Мухамед а.с. Со таа љубов срцата на муслиманите се исполнети со вистинска радост, од таа љубов произлегува посебна светлина, опфаќа посебно расположение тоа е љубов која во вистинските срца буди вистинска, исконска среќа и задоволство.
Таа љубов во срцата на неговите вистински следбеници гори во чудесна, незагаслива сила која тие ја постигнуваат на највисокиот степен, а тоа е среќата дека се муслимани.
Човечкиот ум никому не посветил толку топли, длабоки, чуствителни, мудри, благодарни, искрени и образувачки мисли како што мислиманскиот гениј на Мухамед а.с.
Нема таков човек а ниту ќе има за кој се пишува и говори со толкава љубов, топлина, почит. На земјава не зачекорил авторитет рамен на него, а нема, без сомнение, ни да зачекори. Сите знаеме дека веќе многу векови, во сите исламски средини и на сите нивоа, со вистинска грижа, најголема почит и достоинство, како посебно драга свеченост, се извршува свеченоста по повод неговиот роденден. Кој не знае што е тоа мевлуд!
Но, како и вообичаено, и тука ќе се повикаме на Курани-керим со немара и желба да укажеме и да докажеме дека се што човекот рекол и напишал за последниот Божји Пејгамбер Мухамед а.с со силата на својата одлучност, со снагата на својата сериозност, признавање, во суштина, е безбедно доколку се спореди со она што го рекол Аллах џ.ш за него во својата книга.
Еве само неколку ајети:
" Пејгамберот, за верниците е поблиску од нив самите." ( Ахзаб 6 )
" и како повикувач, со одобрението Негово, и кон Аллах и како светилка што осветлува." ( Ел-Ахзаб 56 )
" О Пејгамберу! Ние, навистина, те испративме како сведок, и како радосник, и како опоменувач." ( Ел-Ахзаб 45 )
" Се колнеме во својот живот тие, навистина, талкаат во пијанството свое." ( Хиџр 72 )
" И Ние те испративме само како радосник и опоменувач." (Ел-Фуркан 56)
" Оние кои се послушни и на Аллах и на Пејгамберот Негов, и кои стравуваат од Аллах и кои изразуваат богобојазливост кон него... тие се, навистина, победници!" ( Ен-Нур 52 )
" Во Пејгамберот, навистина, имате убаф пример." ( Ахзаб 21 )
" И Ние те испративме само како милост за световите." ( Ел-Ембија 107 )
Нека не ми се замери што ќе замолам да се размисли добро за сите овие ајети и нивната порака да се свати и запамети најсериозно!!!