Vdekja e Isait [Jezusit] alejhis selam

muharem fazli · 1 Vdekja e Isait [Jezusit] alejhis selam Пет 26 Aвг 2011, 3:33 pm

muharem fazli

Талиб

Број на мислења : 323
Репутација : 94

Join date : 2011-08-01

Vdekja e Isait ]Jezusit] alejhis selam

بسم الله الرحمن الرحيم

Bismil-lahir-Rahmanir-Rahim

El Bejdaui[v.1286H],komentues i Kur'anit,shkroi punimin Enuer el Tenzil ue Esrer et Teueil

[Dritat e Shpalljes dhe Fshehtësitë e Interpretimit].

Ai mori prej punimeve të hershme,siç janë ato të Zemeksherit dhe i zgjeroi ato.

Rrjedhimisht puna e tij konsiderohet te jetë në mesin e komentimeve më të mira mbi Kur'anin. Allahu i Gjithëfuqishëm thotë:

"Dhe për shkak se ata thanë: ne e mbytëm Mesinë,Isain,të birin e Merjemes,të dërguarin e Allahut.Ata nuk e vranë atë,e as nuk e kryqëzuan,por atyre u qe paraqitur vetëm pamja e tij.Ata që s'pajtohen rreth kësaj,me siguri janë në dyshim lidhur me këtë.Ata nuk kanë dije të sigurt lidhur me të,por ata vetëm hamendësojnë.Dhe është më se e sigurt se ata nuk e mbytën atë! Jo,vërtet,Allahu e ngriti atë tek Vetja e Tij.Allahu është i Gjithëfuqishëm, i Urtë." (En Nisa: 157-58)

Bejdaui shkruan në komentimin e tij:

"Dhe për shkak se ata thanë: ne e vramë Mesinë,Isain,të birin e Merjemes,të dërguarin e Allahut.": kjo ngase Çifutët pohonin këtë.Mirëpo,është e mundur që Çifutët e thanë këtë vetëm me përbuzje,siç është rasti në situatën e ngjashme me fjalët e Faraonit në lidhje me Musain [Faraoni tha: "Vërtet lajmëtari juaj që ju është dërguar juve është njeri i çmendur." 26:27], dhe se Allahu e nënvleftësoi këtë pohim të Çifutëve përsëri për ta lavdëruar Isain apo për ta zëvendësuar përshtypjen djallëzore të tyre me një më të mirë.

"Ata nuk e mbytën atë,e as nuk e kryqëzuan,por atyre u qe paraqitur vetëm pamja e tij.": Transmetohet se një grup Çifutësh e kanë ofenduar Isain dhe nënën e tij, pas çka Isai e luti Allahun kundër tyre.Kur Allahu i shndërroi ata në majmunë dhe derra,

Çifutët rënë dakord për ta mbytur Isain.Më pas Allahu e informoi Isain se Ai do ta ngritë Isain në qiell,kështu që Isai iu tha dishepujve të tij:'Cili prej jush është dakord që të marrë formën time dhe të vdesë ne vend timin,që të kryqëzohet e më pas të shkojë drejt në qiell?' Një njeri nga mesi i tyre u paraqit për ta bërë këtë,kështu që Allahu e ndërroi atë në një formë që të dukej si Isai,dhe si pasojë ai mbyt e u kryqëzua.

Të tjerët thonë se një njeri shtirej se ishte besimtar përpara Isait dhe më pas u largua duke e denoncuar atë, pas çka Allahu ia dha këtij njeriu formën e ngjashme me të Isait,e më pas ai u kap dhe u kryqëzua.

Disa të tjerë thonë se Çifuti Titanus hyri në shtëpinë ku gjendej Isai,më qëllim tradhtie,por s'mundi ta gjejë atë.Pastaj Allahu ia dha formën e ngjashme me të Isait dhe kur ai doli jashtë shtëpisë,njerëzit menduan se ai është Isai dhe kështu e kapën dhe e kryqëzuan atë.

Gjëra të ngjashme të pazakonta,të cilat njeriu mund t'i konsiderojë të pamundshme për kohën e pejgamberëve janë transmetuar mbi këtë temë.

Kur Allahu i fajëson Çifutët [në këtë kontekst],kjo është vetëm për atë se fjalët e tyre tre-guan se ata ishin të pafytyrë ndaj Allahut,duke dëshiruar ta mbysin pejgamberin e tij për-kundër konfirmimit të pejgamberllëkut të Isait me anë të mrekullive të shumta [muxhizet], dhe veç kësaj ata edhe u kënaqën me këtë akt.

"Ata që s'pajtohen rreth kësaj,": kjo ka të bëjë me gjendjen në të cilën ishte Isai. Ngase,posa ngjau kjo [kryqëzimi i personit tjetër në vend të Isait],njerëzit u dalluan në lidhje me këtë.

Disa Çifutë thanë,'Isai gënjeu kur tha se Allahu do ta ngritë atë në qiell, ngase ne me siguri e vramë atë!'

Të tjerët hezituan,ndërsa disa nga këta thanë,'Nëse personi i kryqëzuar është Isai, atëherë ku është shoku ynë që deshi ta tradhtojë atë?'

Disa të tjerë thanë,'Kjo është fytyra e Isait,por trupi është i shokut tonë.'

Kurse ata,të cilët e kishin dëgjuar Isain kur tha,'Allahu do të më ngritë në qiell,' thanë, 'Ai u ngritë [nga Allahu] në qiell.'

Allahu i Gjithëfuqishëm thotë:

"Dhe ai [Isai] është shenja e Çastit [dmth Ditës së Gjykimit]. Mos dyshoni në Çastin dhe më pasoni Mua [bindjuni urdhrit të Allahut] Kjo është rruga e drejtë [Islami]."

[Ez Zuhruf: 61]

Bejdaui shkruan në komentimin e tij:

"Dhe ai,"dmth Isai,"është shenja e Çastit të Ditës së Gjykimit,"meqë shfaqja e tij apo zbritja e tij prej qiellit është prej shenjave që do të lajmërojnë se Çasti i Ditës së Gjykimit është afër.

Në hadith transmetohet se Isai do të zbresë në një kodër në Tokën e Shenjtë të quajtur Afik,dhe në dorën e tij do të mbartë një shtizë me të cilën do ta mbysë Dexhallin [antikrishtin].Ai më pas do të shkojë në Jerusalem [bejt el mukeddes] pikërisht kur banorët e saj janë duke falur namazin e Sabahut. Imami [udhëheqësi i namazit] do të dojë të tërhiqet mbrapa [me të parë Isain dhe ta lë atë që të udhëheq],por Isai do t'i japë atij përparësi për ta falur namazin prapa tij. Më pas, ai do ta mbysë derrin, do ta thyej kryqin, do t'i demolojë kishat dhe sinagogat,dhe do t'i mbysë njerëzit që nuk e besojnë atë ashtu si duhet.

Opinioni i përgjithshëm musliman për Isain është si vijon:

Ai është lindur nga virgjëresha Marie [Merjem në Arabisht–shiko kaptinën në Kur'an për më shumë detaje] Ai, me mëshirën e Allahut,ishte në gjendje të bëjë mrekulli [referoju Kur'anit dhe Haditheve] Atij i është shpallur Inxhili [Inxhili në asnjë mënyrë nuk përbën atë që sot njihet si Dhjata e Re]-Isai është ngritur në qiell –ai nuk ka vdekur në kryq -

Isai do të kthehet si Mesi – kjo s'do të thotë se ne e ngritim statutin e Isait më shumë se të njeriut si Isa,si Musai,Nuhu, Muhamedi,Ibrahimi,Junusi,etj. [paqja qoftë mbi të gjithë këta], të gjithë qenë pejgamberë dhe ne nuk bëjmë dallim mes tyre.

Allahu na mëshiroftë dhe na mbrojt nga e keqja e vetave tona dhe e keqja e shejtanit,dhe nga e keqja e shoqërimit të tij [shejtanit]. Amin.

1 Vdekja e Isait [Jezusit] alejhis selam Пет 26 Aвг 2011, 3:33 pm

muharem fazli