Imami i Xhamisë së Madhe në Pritshtinë, Shefqet Krasniqi, në një emision televiziv ka bërë thirrje për ta votuar Koalicionin për Kosovën e Re të udhëhequr nga Behgjet Pacolli.

"Mos voto asnjë Parti tjetër perveç, partisë së AKR-së në krye me Behxhet Pacollin, me Ferid Aganin dhe me burra të tjerë të mëdhenj dhe me përgjegjësi të mëdha, të cilët janë zotuar që me sinqeritet do të punojne që feja Islame të jetë e lirë në praktikim, të lejohet bartja e shamive nëpër shkolla, te lejohet futja e lëndës Islame nëper shkolla. O Musliman, të kemi frikë Allahun xh.sh. dhe mos të lejojm të luajnë me neve njerëzit ashtu si të dojnë ata. T'i themi njëherë e përgjithmon stop mashtrimeve, te dalim me 12 dhjetor në zgjedhje të votojmë për ata njerëz që po punojnë për dinin Islam, për motrat tona, që të shkollohen dhe të jenë të lira në bartjen e mbulesave, ...të votojme AKR..nr 31 ..dhe vëllezërit tanë, të cilët janë mysliman të sinqert dhe falin 5 kohë namaz, dhe kanë frik Allahun, të cilët kanë konkuruar për deputet në Kuvendin e Kosoves. Voto nëse do që feja Islame të mbizotrojë në Kosovën tonë. Voto nëse don që lënda Islame të futet në shkollat tona. Voto nëse don që motrat tona të jenë të lira në bartjen e mbuleses. Allahu ju nderoftë!", ka thënë Krasniqi.

Kjo nuk është hera e parë që hoxhallarët përzihen në politikë. Shpesh-hërë në fushatën elektorale kemi parë hoxhallarët duke qenë prezent në tubime të partive të ndryshme.


[You must be registered and logged in to see this link.]

بسم الله الرحمن الرحيم
Bismil-lahir-Rahmanir-Rahim

A është gabim të bëhet tekfir mbi hoxhallarët që i lejojnë votimet?
Sheikh Albani është pyetur: Çfarë gjykimi ka pjesëmarrja në zgjedhjet parlamentare dhe votimi në to?

Përgjigje:
Vërtet,pjesëmarrja në zgjedhje është mbështetje tek ata që i kanë kaluar kufijtë (d.m.th është mbështetje tek mosbesimtarët).
Kjo për shkak se sistemi zgjedhor besohet (nga njerëzit).
Andaj,në bazë të asaj që di,çdo Musliman që ka diçka prej edukimit të saktë Islam,çdo Musliman e di që sistemi zgjedhor dhe sistemi parlamentar nuk janë sisteme Islamike.
Megjithatë,në të njëjtën kohë,unë mendoj se shumë prej atyre të cilët kanë marrë njëfarë edukimi Islamik mendojnë në mënyrë të gabuar se parlamenti është sikur kuvendi konsultativ (mexhlisush-shuura),ndërkohë që çështja nuk është ashtu në mënyrë të pakufizuar.Disa prej tyre në mënyrë të gabuar mendojnë se parlamenti që paraqitet si mexhlisul-ummeti (kuvendi i umetit) është njësoj si mexhlisush-shura.

Shuura (kuvendi) është ai për të cilin na ka urdhëruar Libri i Allahut dhe hadithi i të Dërguarit të Allahut (sal-lAllahu'alejhi ue sel-lem),por çështja është kategorikisht ndryshe nga ç’mendojnë ata.Dhe kjo duket qartë nga çdo Musliman që ka mendjemprehtësi në Fenë e tij nga shumë këndvështrime.
Më i rëndësishmi nga këto këndvështrime është se parlamentet nuk janë ngritur mbi themelet e Librit të Allahut dhe Sunetit të të Dërguarit të Allahut(sal-lAllahu‘alejhi ue sel-lem).
Madje ne mund të themi se ato as nuk janë ngritur mbi bazat e ndonjë prej medh’hebeve Islame që ndiqen,siç ishte për shembull gjatë kohës së sundimit Otoman.

Gjatë kohës së sundimit Otoman,ata gjykonin sipas medh’hebit të Imam Ebu Hanifes (rahimehullah),ndonëse ne nuk e ndjekim apo nuk e ngrejmë atë përmbi thirrjen që u bëjmë njerëzve që ata të gjykojnë me Kur’an dhe Sunet.
Megjithatë,çfarë ndryshimi ka midis gjykimit sipas një prej medh’hebeve të Muslimanëve,i cili bazohet në mendimet e njërit prej muxhtehidëve të cilit i besohet dija e tij–dhe midis këtyre parlamenteve që bazohen në sistemet e kufarëveqë nuk e besojnë fare Allahun dhe të Dërguarin e Tij.
Madje,ata janë të parët që hyjnë tek thënia e Allahut Tebarake ue Te’ala:
“Luftojini ata që nuk besojnë në Allahun e as në Ditën e Kiametit, që nuk e marrin për të ndaluar atë që e ka ndaluar Allahu dhe i Dërguari i Tij,dhe ata,midis atyre që u është dhënë Libri,që nuk e pranojnë fenë e vërtetë,derisa të japin xhizjen (taksën) me dorën e tyre,duke qenë të përulur.” [et-Teube 9:29]

Andaj,sa e çuditshme që Muslimanët duan të futen në parlament dhe duan të gjykojnë me ligjet e këtyre të cilët jemi urdhëruar që t’i luftojmë!
Kështu që,çfarë ndryshimi ka midis sistemit të atyre që duan të gjykojnë me anë të parlamentit dhe ata që duan të jenë parlamentarë (mutebarlimin)–nëse kjo shprehje është e saktë–dhe midis kuvendit Islamik; kjo është çështja e parë.

Së dyti,jo çdo Musliman merr pjesë në kuvend (d.m.th. në mexhlisush-shuura). Vetëm elita e Umetit marrin pjesë në kuvend.
Madje,ndoshta ne mund të themi se vetëm elita e elites së Umetit marrin pjesë në parlament dhe ata janë dijetarët dhe njerëzit e shquar.Kurse sa i përket parlamentit,në të hyn çdokush,edhe vëllai i tij merr pjesë.Madje edhe mushrikët marrin pjesë.
Madje edhe ateistët marrin pjesë.Kjo për shkak se parlamenti ka si bazë të tij zgjedhjet dhe në zgjedhje merr pjesë çdo njeri që dëshiron të dalë në krye.Madje,së fundmi edhe gratë mund ta bëjnë këtë poashtu; marrin pjesë burra nga Muslimanët dhe nga mosbesimtarët,si dhe gra Muslimane dhe gra mosbesimtare.
Pra,çfarë ndryshimi ka midis kuvendit (mexhlisush-shuura) në Islam dhe asaj që sot quhet ‘parlament’.
Pastaj,nëse çështja – çështja e zgjedhjeve-vjen,siç thonë ata,me liri të plotë – d.m.th.që populli,siç thonë ata,zgjedh me lirinë e tyre të plotë dhe me dëshirën e tyre se kush do t’i përfaqësojë ata,në kuptimin se tek kush do t’i parashtrojnë ata çështjet dhe problemet e tyre; nëse atyre do t’u paraqitet një çështje e tillë, atëherë realiteti i tanishëm do të jetë akomë më i keq se ç’është.
Por si është çështja që në çdo shtet–nuk mund të përjashtohet këtu asnjë shtet Musliman apo shtet mosbesimtarësh–votat mund të shiten dhe mendjet mund të blihen?
Atëherë si mund të gjykojnë Muslimanët në bazë të këtyre zgjedhjeve,të cilat me aq sa përmendëm janë veçse një pjesë e përshkrimit të (realitetit të) tyre?

Sheikh Albani (Allahu e meshirofte)