Израелската авијација утрово бомбардираше два кампа за обука на Исламскиот џихад, во појасот Газа. Палестински извори соопштија дека во нападите нема жртви.

Авионите на израелската армија ги нападнале камповите во јужниот град Кан Јунис и покрај Нушеират, во централниот дел на појасот Газа. Овој дел се наоѓа под контрола на Хамас, пренесува агенцијата АФП.

Нападите се изведени во време кога расте напнатоста долж појасот Газа, по минатонеделните судири и ракетниот напад врз израелскиот град Бершав.

Гранатирањето врз Бершав од страна на Хамас е прв по војната во Газа 2008-2009 година. Тогаш израелскиот премиер Бенјамин Нетанјаху ги предупреди Палестинците да не си играат со трпението на Израел. крај/танјуг/н.ц