Многу браќа муслимани а особено млади верници се загрижени за испуштање на намазот на Сабах. Имено, тие се жалат за неможноста да станат наутро за сабах-намаз од разни причини и оправданија.

Шејх Мухаммед Салих Ел-Мунеџџид одговорил на оваа дилема и потенцирал некои фактори кои помогнуваат во станувањето за сабах-намаз. Па затоа ние се обидовме да ги преведеме и со тоа да им помогнеме на сите загрижени муслимани кои иманот ги гризе и чувствуват жалење за тоа дело. За возврат ние бараме од нив да упатат искрена дова до Оној кој се срами да ја одбие довата на оној кој ги пружава рацете кон Него, да преведувачот и авторот на овие редови Аллах ги упати, им смилува, им подари здравје и цврст иман.
Оваа дилема има два аспекти: научен аспект (теоретски) и практичен аспект.
Научниот аспект има два дела:

Првиот дел е: Да ја сознае муслиманот величината и големата позиција на намазот на сабах кај Аллах џ.ш. Аллаховиот Пејгамбер с.а.в.с. рекол:
"Кој ќе клања сабах намаз во џемаат како да клањал цела ноќ." (Муслим, Тирмизи)
Исто така Пејгамберот а.с. рекол: "Најтешки намази за мунафиците се намазот на јација и намазот на сабах. Ако знаат каква вредност имаат тие два намази ќе дојдеа дури и ползејќи." (Ахмед) Пејгамберот а.с. рекол:
"Кој ќе клања сабах намаз, тој е во Аллахова џ.ш. заштита.." (Таберани, сахих)
Пејгамберот а.с. рекол:
"Се разменуваат мелеките во ваша посета, мелеките на денот и мелеките на ноќта; се состануваат во намазот на сабах и намазот на икиндија. Потоа оние кои биле меѓу вас се креваат кај Аллах, и Тој ги прашува ( А Аллах најдобро знае): "како ги оставивте Моите робови?" Тие ќе речат: "Ги оставивме клањајќи и ги најдовме клањајќи." (Бухари) Во друг хадис стои: "Највредни намази кај Аллах џ.ш. се намазот на Сабах и Џума во џемаат." (Ебу Нуајм)
Во сахих хадис стои:
"Кој ќе ги клања намазите на сабах и икиндија ќе влезе во Џеннет." (Бухари)

Вториот дел: Да ја знае муслиманот опасноста од поминување на намазот на Сабах. А таа опасност е претходниот хадис кој нагласува (Најтешки намази за мунафиците се намазот на јација и намазот на сабах.)
Во сахих стои дека Ибн Омер р.а. рекол: "Кога некој човек го губевме во намазот на сабах и јација, го расипувавме нашето миселење за него." Значи штоем некој човек не дојдел на сабах намаз, веднаш се посомневале во неговиот иман. Бидејќи извршувањето на тие два намази е потврда за искреноста на неговиот иман.

Додека практичниот аспект за лечење на овој проблем се состои од неколку фактори или терапии кои ако муслиманот ги следи ќе му помогнат да биде неразделен другар со намазот на сабах. Тие се:

1- Порано легнување. Во сахих хадис стои дека Пејгамберот а.с. мразел човек да спие пред јација и да зборува после јација. Затоа муслиманот не треба да спие пред јација, бидејќи повеќето кои спијат пред јација потоа ноќта ја проведуваат во несоница и будност.И не треба да се зборува после јација со цел да не се остане доцна со што човекот потоа не ќе може да стане за сабах-намаз освен ако се има некоја корист.

2- Да се потруди да легне чист и да ги проучи довите пред спиење, бидејќи тие помагаат во станување за сабах-намаз.

3- Искрен нијет и одлучност при спиење дека наутро ќе стане за сабах-намаз.
4- Спомнување на Аллах џ.ш. веднаш по разбудување, бидејќи некои луѓе се будат на почеток, потоа продолжуваат да спијат повторно. Во хадис се спомнува дека ако го спомне име на Аллах џ.ш. се одврзува еден јазол од јазлите на шејтанот а со тоа му се овозможува да стане за сабах. А ако стане и земе абдест, шејтанот уште повеќе се оддалечува, па ако клања, тој ден ќе стане активен и расположен.

5- Потребно е да се потпомага со своите блиски и своите пријатели во станување за сабах, бидејќи тоа влегува во Аллаховите зборови: "И потпомагајте се во доброчинство и побожност."

6- Да го моли човекот на Аллах џ.ш. да му помогне да стане за Сабах-намаз, бидејќи довата е од најуспешните фактори во остварување на намерите.

7- Употреба на разни средства за будење, како саат будилник, мобилен и слично. Со услов да ги стави на подалечно место да не би можел да ги прекине.

8- Прскање вода во лицето на спијачот. Како што се наведува во хадис каде Аллаховиот Пејгамбер с.а.в.с. го пофалува човекот кој ќе стане за намаз преку ноќ да клања и ја разбуди својата фамилија, па ако одбие и фрли вода во нејзиното лице, исто така ја пофалил и жената која ќе стане преку ноќ и го разбуди својот маж па ако одбие му фрли вода во лице. (Ахмед) Меѓутоа, при овој метод треба да се внимава да не се предизвика некоја несакана последица, затоа треба да се направи на мудар начин.

9- Да не спие осамен, поединечно. Аллаховиот Пејгамбер с.а.в.с. забранил човек да спие сам. (Ахмед) Можеби мудроста и суштина од тоа е бидејќи нема кој да му помогне во будење.

10- Решителност и цврста волја при будење, така што веднаш да стане од постела и да почне да зема абдест за да му исчезне поспаноста.

11- Будилникот да не го курдиса многу време пред сабах, па кога ќе се разбуди да рече има уште време и повторно ќе се успие и со тоа го отежнува своето спиење.

12- Палење на светло при будење, бидејќи и тоа помогнува при отстранување на сонот.

13- Да не се јаде многу пред спиење, бидејќи прекумерно јадење го отежнува спиењето, бидејќи кој многу јаде, многу се уморува, па многу и спие.

14- Следење на суннетот на Пејгамберот а.с. при спиење, така што да спие на десна страна, да го стави десниот образ врз десната дланка.

15- Да се потпомогне во станување така што по можност малку да спие преку ден меѓу пладне и икиндија (кајлуле).

16- Да не спие по икиндија и после акшам, бидејќи ваквото спиење го отежнува спиењето преку ноќ.

17- Да има искрен нијет и силна верба во Аллах џ.ш.. Овој фактор е глава на сите претходни фактори и средства. Еве како искрените верници настојувале да станат за сабах-намаз. Некој од нив ќе курдисал неколку саати покрај глава, кога еден ќе го стопрел другиот ќе почне да ѕвони и така со ред се додека станувал за намаз. Некој друг ќе врзел конец за рака или прст, и потоа тој конец ќе го пуштел преку прозорец, така што наутро кога ќе помине неговиот другар за намаз го повлече за конецот и така го пробуди. Погледај што прави искрениот нијет!!!

Автор: Мухаммед Салих ел-Мунеџџид

,,PREKRASNO ,,,AHI,,

Alllah dz.s da te nagradi..!

Selam Alejkum!