Утре целосно помрачување на Месечината

20.12.2010

Утре во текот на раните утрински часови се очекува целосно помрачување на
Месечината, при што земјиниот природен сателит ќе се биде обоен во розева
боја.

Тоа ќе биде прво целосно помрачување на Месечината во речиси три години. Овој
природен феномен последен пат е забележан на 21 февруари 2008 година.
Утре можеби ќе биде најмрачниот ден во последните 372 години. Имено, тој ден
календарски означува почеток на зимата на северната полутопка, како и најкусиот
ден во годината, а дополнително ќе биде затемнет и со целосното помрачување на
Месечината. За следен таков ден ќе мора да чекаме 84 години.
Поклопувањето на помрачувањето и зимскиот солстициј последен пат се појавија
на ист ден во 1999 година и во 1980 година, а по оваа година, следната појава ќе
мораме да ја чекаме 84 години. Според пресметките, новото поклопување ќе биде
дури во 2094 година, а во него тогаш ќе уживаат Европејците, жителите на Африка
и голем дел од Азија.
Помрачувањето се случува кога полната Месечина, Земјата и Сонцето се наоѓаат
на иста рамнина. Тогаш Месечината влегува во земјината сенка и поради
рефлексијата на сончевите зраци ја менува бојата од сива во розева, а понекогаш
и црвена.
Помрачувањето на Месечината трае многу подолго од помрачувањето на Сонцето
бидејќи земјината сенка е многу поголема од месечевата. Најдолгото досегашно
помрачување на Месечината траеше шест и пол часови.
Утрешното помрачување ќе трае вкупно три и пол часа, а најдобро ќе може да се
види од територијата на Северна Америка.
За разлика од помрачувањето на Сонцето во кое не е препорачливо да се гледа
без заштитни очила, лунарното помрачување е целосно безбедно за гледање.
Благодарејќи на помрачувањето на Месечината уште во третиот век пред нашата
ера Аристарх гледајќи го обликот на земјината сенка на Месечината заклучил дека
Земјата е тркалезна.

Три сонца се појавиле на небото над Кина

10.01.2011



Астрономскиот феномен “Три сонца“ ги изненадил жителите на североистиочниот дел на Кина.

Од двете страни на Сонцето симетрично се појавила две “мали сонца“, а со помош на светлината тие создале круг на небото, во кој засјаеле боите на виножитото. Овој природен феномен бил најубаво видлив за жителите на градот Чангчун, кои биле пријатно изненадени.
Инаку, асторномите оваа појава ја нарекуваат “Фантомско Сонце“, а феноменто се случува по рефлексије на Сонцето во атмосферата. Рефлексијата ја предизвикуваат одбивањето и прекрчувањето на сончевата светлина од кристали на мраз, кои во текот на зимските месеци формираат облаци.

Човештвото првпат во историјата ќе го види Сонцето целосно


06.02.2011 14:53

Луѓето првпат ќе го видат Сонцето во целост, односно
сите 360 степени од неговиот периметар, благодарејќи на двете сонди на
NASA, STEREO-A I STEREO-Bм кои денеска во 17 часот по македонско време
ќе стигнат на спротивни точки од хелиоцентричната орбита. Да
се види истовремено целата површина на Сонцето и целата негова
атмосфера, би значело дека може со висока точност да се предвидат
временските услови на Земјата. Емисиите од плазма на Сонцето влијаат врз
магнетното поле на нашата планета, предизвикувајќи ја поларната
светлина - аврора, пречки на радиоврските, па дури и проблеми на
електричната мрежа. Кога научниците ќе ја видат комплетната
три-димензионална слика на сончевата активност, особено сликата за
насоката на сончевиот ветар, активните области од друга страна на
Сонцето што не може да се види од Земјата, тие ќе можат однапред да
знаат кога овие области ќе бидат во видното поле од Земјата и какво
влијание ќе имаат врз нашата планета. За да се види целата
површина на Сонцето, американската агенција за вселенски истражувања
NASA во октомври 2006 г. испрати две сонди „близнаци“ во Вселената - од
типот STEREO (Solar Terrestrial Relations Observatory). Сондите се
воведени во земјината хелиоцентрична орбита - едниот на „одење во
предниот дел“ на Земјата, а другиот од нејзината „опашка“. Постепено тие
се раздвојуваа, а денеска ќе бидат на две спротивни точки на Сонцето. NASA најави дека денеска во 17 часот по македонско време ќе ја објави првата тродимензионална слика на Сонцето. Овие
слики од сондите STEREO ќе бидат надополнети со снимки со висока
резолуција од орбиталната сончева опсерваторија НАСА SDO (Solar Dynamics
Observatory) која беше лансирана на 11-ти февруари 2010 г. Copyright
2011 makfax. Сите права се задржани. Текстов не смее да се печати или
емитува, во целина или во делови, без договор со makfax.

,,DALI OVA E USTEDNA LAGA NA NASAAA,,,