Новата холандска влада ќе ги забрани бурките

01.10.2010 - 09:57 |
Двете холандски влади на десниот центар кои постигнаа договор за формирање на малцинска влада, се согласиле да се забрани носењето на бурки во таа земја.

Тоа е една од постапките за добивање на парламентарна поддршка на Анти-исламистичката партија на слободата.
Новата влада исто така на основа на меѓупартискиот договор, чии детали ќе се објават денеска ќе ги прошири мерките за прием на имигрантите и ќе го зголеми бројот на полицајците кои ја чуваат безбедноста на лидерите на партијата на слободата, пренесува Ројтерс.

Сторија:Хоророт на децата невести во Јемен




Рем ал Нумери има 14 години и е разведена.Tаа имала 11 години кога нејзиниот татко ја омажил за постар роднина.По разводот таа е отфрлена од сите.Без поддршка од сопругот или таткото,таа не може да го продолжи школувањето.
Очајничките повици на девојчето да остане дете наишле на неразбирање од таткото-ја присилил да сe омажи со 32 годишен роднина.
-Ми рече-мора да одиш и да се согласиш на бракот.Реков не сакам,но се закани дека ќе ме пресече на половина ако не се согласам-вели Рем.
За неа,теророт и траумата почнале тогаш.И било речено дека мора да спие со нејзиниот сопруг,но таа одбила.Се заклучувала во спалната соба секоја вечер да се заштити,но според нејзините сведочења тој успевал да влезе внатре и ја силувал.По наредбата од нејзините родители да се согласи на бракот тие очекувале таа да го прифати,па дури и да се радува.
-Решија да не ми купуваат невестинска облека додека не се сигурни дека ќе имам секс со мажот,за да не ги потрошат залудно парите.Откако беа сигурни дека тоа се случило ми купија невестински фустан и ми направија забава.Јас фустанот го изгорев,и се обидев да се убијам со жилет-изјави Рем за Си Ен Ен.
Во Јемен прашањето за детски бракови е комплицирано. Пред две години 10 годишната Нујод Али го шокираше светот кога отиде во суд и побара развод.По судењето кое доби на публицитет таа стана херој за оние кои се обидуваа да го свртат вниманието на проблемот на детските бракови во Јемен,каде повеќе од половина од младите девојки се мажат пред 18 години,најчесто за многу постари мажи.
Во 2009 парламентот во Јемен ја подигна границата за стапување во брак на 17 години.Но,цонзервативните парламентарци се спротивставија велејќи дека одредувањето на возрасна граница за стапување во брак е во спротивност со Исламските закони,и затоа претходната одлука на парламентот не стана закон.
Мохамед Абулахум,советник на претседателот на Јемен,се согласува дека таков закон треба да има,но смета дека со дискусијата околу возраста за стапување во брак парламентот избегнува посериозни политички теми.
-Мислам дека треба да постои возрасна граница-рече Абдулахум.Па дури и ако прашате некои од религиозните луѓе дали би ги омажиле своите ќерки на 12 или 13 години ќе ви речат-не.Значи,прашањето се популаризира од политички причини-вели тој.
Шада Насер е адвокатката на Рем,една од најпознатите во Јемен како адвокат за човекови права.таа претставувала неколку деца-невести кои барале развод,меѓу кои и Али.Насер дури смета дека практиката не треба да се нарекува брак.Мислам дека тоа е силување-вели таа.
Надежите на Насер се дека генерацијата на Рем ќе се избори да се изгради нов Јемен во кој децата нема да се присилуваат на бракови.
-Кој може да изгради ваков Јемен?-прашува Насер.-Јас?Не.Овие мали девојчиња можат да го сторат тоа.Но на нив им е потребен закон за семејството-вели Насер молејќи ги сите кои го спречуваат покачувањето на границата на возраст за стапување во брак да имаат милост кон девојчињата.
Познатата активистка за човекови права во Јемен Амал Албаша е исто така згрозена ако практиката продолжи.Нејзината организација помага во борбата работите да се сменат,обидувајќи се да ги убеди луѓето да го разберат хоророт низ кој поминуваат децата невести.
-Знаете,пред само два дена се омажи 9 годишно девојче.Помислете на болката и стравот на ова дете затворено во соба со 50 годишен човек-вели Албаша.Искуството кое детето тука ќе го доживее ќе остане до смртта./CNN