Home
1
Совет до младите Нед 11 Дек 2011, 2:10 am
Muaz al Islam
Модератор
Совет до младите
Аллаховиот Пратеник а.с. рекол: "Преиспитајте се самите себеси и самите себеси положете си сметка пред да полагате пред други, проценете ги своите дела додека другите не ви ги процениле!" Алија р.а. рекол: "Кој мисли дека без труд и борба може да дојде до целта, тој само се занесува со илузии, а кој повторно мисли дека само со труд се постигнува целта, се прави независен". Во таа смисла Хасан ел-Басри рекол:"Да се бара и изискува Џеннетот[You must be registered and logged in to see this link.] без работа е вистински грев". Исто така кажува: "Доказ за вистината е оставање на гледањето на делата, а не оставање на делата". Аллаховиот Пратеник рекол:"Паметен е оној кој што прави добро работејќи за она што ќе дојде после смртта, а неразумен е оној што ги следи своите страсти и се надева дека Бог ќе му ја исполни желбата".
Младичу, колку ноќи си поминал во учење и читање на разни книги. Незнам што би можело да биде причина за тоа, но ако својот сон си го жртвувал заради постигнување на вносната положба, заради збогатувањето и надминувањето на своите другари, тешко тебе, и пак, тешко тебе! Ако на тој начин имаш намера да ја јакнеш и оживуваш возвишената наука на исламот, да ја шириш моралноста, да ја зауздуваш и скршиш страста која што води само кон зло, во тој случај благословен си! Оној кој што го рекол следново, ја кажал вистината:
"Бдеењето ноќе, ако не е во Твое име е загуба.
Плачењето, ако не е заради Тебе, е пропаст".
Живеј како сакаш, само знај дека ќе умреш; љуби го кого сакаш, но не заборавај дека сепак ќе мораш да го оставиш и работи што сакаш, но само според делата ќе бидеш награден!
Знаеш ли каква полза имаш од теозофијата, апологетиката, медицината, поетиката, астрономијата, метриката, граматиката и синтаксата? Само да се изучуваат тие науки, тоа би значело бесмислено да го потрошиш својот живот. Напротив, да се мисли на Бога и да се исполнуваат неговите барања, тоа е Вистинската смисла на животот. Знаењето без дела е вистинско лудило, а дело без знаење не може ниту да постои. Биди уверен дека самото знаење не е во состојба денес да те оддалечи од лошите дела, ниту пак да те поттикне на покорност и верност кон Аллах џелешануху, а ниту пак утре да те спаси од оганот на Џехеннемот[You must be registered and logged in to see this link.]. Ако денес не работиш според своето знаење и настојуваш да го надополниш она што те изминало во минатите денови, утре ќе кажеш:"Врати нè на дуњалукот[You must be registered and logged in to see this link.], ќе правиме добри дела", но тогаш ќе добиеш одговор:"Будало, па ти оттука доаѓаш!"
Младичу, настојувај душата да ти биде голема и благородна, не дозволувај страста да слави победа, туку таа нека биде секогаш победена, а телото гледај да го умртвиш. Твојот дом е твојот гроб. Таму секој миг те очекуваат. Чувај се за да не би отишол таму без прехрана. Ебу Бекр рекол:"Телата се куќучки за птици или штали за стока. Размисли на кој вид ти му припаѓаш. Ако им припаѓаш на птиците од вишните сфери, тогаш ќе го слушнеш повикот на трубата:"Враќај се кај Бога!", и ќе се издигнеш во височините и ќе се запреш кај врвовите на Џеннетските палати, како што тоа го нагласил Мухаммед алејхисселам, кажувајќи дека заради смртта на Ибн Муаз се затресол Аршот[You must be registered and logged in to see this link.]. Да не даде Бог, ако му припаѓаш на видот на оние за кои што Семоќниот вели: "дека се како животни, па дури и полоши од нив", тогаш нема да бидеш сигурен, затоа што од куќата заминуваш во Џехеннем[You must be registered and logged in to see this link.]". Се раскажува дека во една прилика Хасан ел-Басри зел во раката чаша бистра и ладна вода и пред да ја испие паднал во несвест. Откако се освестил, кога го прашале што му се случило, одговорил дека во мигот кога сакал да ја испие водата се сетил на лелекот на жителите на Џехеннемот за вода и за другите добра кои што ги уживаат среќните луѓе во Џеннетот.
Кога би било доволно само знаењето без работа, тогаш би било бескорисно и излишно покајанието и барањето прошка. Се раскажува дека во една прилика , асхабите[You must be registered and logged in to see this link.] во присуство на Мухаммед алејхисселам го споменале името на Абдуллах ибн Омер. Кога го слушнал тоа име Мухаммед алејхисселам рекол:"Тоа е добар човек, само уште ноќите да ги поминува во ибадет[You must be registered and logged in to see this link.]". Исто така му рекол на еден од своите другари:"Немој многу да спиеш во текот на ноќта, затоа што оној кој што многу спие ќе биде сиромав човек на Судниот Ден!"
Божја заповед е да му се молиме на Бога во текот на ноќта, а да се бара прошка од Него во текот на утрото значи да Му се биде Нему покорен, благодарен и верен. Мухаммед алејхисселам рекол:"Семоќниот сака три гласа: гласот на петелот, гласот на оној кој што го изучува Куранот и гласот на побожниот човек кој што рано наутро бара прошка". Суфјан Севри зборува:"Бог создал еден вид на ветар кој што дува наутро и на Творецот Му ги носи молбата за прошка и другите дови". Понатаму Севри продолжува:"Во првиот дел на ноќта стануваат побожните и се молат, во полноќ стануваат покорните луѓе и се молат сè до пред мугрите, а пред мугрите стануваат оние кои што ја бараат Аллаховата прошка и го молат Аллах да им ги прости гревовите. После нив стануваат мрзливите, како да се мртовци кои што стануваат од гробовите".
Се говори дека мудриот Лукман му препорачал на својот син:"Немој петелот да биде попаметен од тебе! Тој секогаш пред мугрите станува и пее, а ти спиеш".
[You must be registered and logged in to see this link.] рајот
[You must be registered and logged in to see this link.] пеколот
[You must be registered and logged in to see this link.] Овој свет
[You must be registered and logged in to see this link.] Престолот Божји
[You must be registered and logged in to see this link.] пекол
[You must be registered and logged in to see this link.] Другарите на Мухаммед а.с.
[You must be registered and logged in to see this link.] Богоугодни дела
Превземено:
Повик кон Вистината
