Home
1
Донесување салават на Пратеникот, алејхи селлам, Пет 16 Дек 2011, 1:14 am
Muaz al Islam
Модератор
Донесување салават на Пратеникот, алејхи селлам, помеѓу умереноста и претерувањето
Возвишениот Аллах, посебно го одбрал и одликувал нашиот веровесник Мухаммед, алејхи селлам, го завиткал со облеката на веровесништвото и задолжил со доставувањето на Неговото послание. Тој е најодбраниот од сите Адемови потомци, драгоценост во нишката на Аллаховите пратеници, Аллахов роб, миленик и пратеник. Тој е првиот човек над кого земјата на Судниот ден ќе се распука, и првиот кој ќе има право на шеф’ат – заговорништво. За посебо да ја истакне неговата вредност, укаже на неговото високо место кое го зазема и нè потсети на обврската на прикажување љубов и почит кон него, Возвишениот Аллах ни пропишал донесување салават на Мухаммед, а.с., што секако претставува вид на ибадет: „Аллах и Неговите мелеци донесуваат салават (го благословуваат)на Веровесникот. О вие кои верувате, и вие благословувајте го и праќајте му поздрав!“ (Ел-Ахзаб, 56)
Голема е наградата која му следи на оној кој ќе донесува салават на најдостоинственото и најчесното од сите суштества, Аллаховиот Пратеник, Мухаммед, а.с.
Од Ебу Хурејре, радијаллаху анху, се пренесува дека Аллаховиот Пратеник, алејхи селам, рекол: „Кој донесе на мене еден салават, Аллах ќе донесе десет салавати на него.“ (Муслим)
Истотака, Енес, р.а., пренесува дека Аллаховиот Пратеник, алејхи селам, рекол: „Кој на мене ќе донесе еден салават, Аллах ќе донесе на него десет салавати, ќе му избрише десет лоши дела и ќе го подигне за десет степени.“ (Ахмед и ибн Хиббан).
Особено вредно е да се донесува салават во петок. Од Евс б. Евс, р.а., се пренесува дека Аллаховиот Пратеник, алејхи селам, рекол: „Петок е еден од вашите најдобри денови... па затоа, донесувајте салавати на мене во петок, бидејќи навистина вашите салавати ми се прикажуваат..“ (Ахмед, Ебу Давид). Салавати се пропишани да се донесуваат и после секој езан. Имено Пратеникот, алејхи селам, рекол:„Кога ќе го чуете муезинот, повторувајте го она што го вели, а потоа донесете салават на мене..“ (Муслим од Абдуллах б. Амр б. Ел-Ас, р.а.)
Салаватите и селамите кои ги донесуваат верниците на Пратеникот, алејхи селам, му се предочени.
Абдуллах ибн Месуд, р.а., пренесува дека Пратеникот, алејхи селам, рекол: „Постојат Аллахови мелеци кои патуваат по земјата и кои ги пренесуваат селамите кои што ги упатат припадниците од мојот уммет.“ (Ахмед и Несаи)
За жал, кога станува збор за салаватите и селамите на Пратеникот, алејхи селам, постојат некои погрешни убедувања и празноверија. Едно од нив е и тоа дека Пратеникот, а.с., ја пружа својата рака во кабурот да би го поселамил оној кој му нарекол селам, и дека тоа им се случило на некои евлии и избраници. Ова секако е празно убедување кое нема никаква шеријатска основа.
Затоа, драги браќа, да бидеме од оние кои на шеријатски легитимен и пропишан начин донесуваат салават, и од оние чии јазици се квасат и ги поместуваат своите усни кога ќе се спомене Мухаммед, алејхи селлам, зошто, во спротивно ќе бидеме од оние за кои што рекол Пратеникот, алејхи селлам: „Навистина, вистински шкртец е оној пред кого се споменам, а тој не носи салават на мене.“ (Ахмед, Тирмизи)
Хаттиб: Салах ел-Будејр
Превземено:
Исламски-Центар
