Home
1
ЗОШТО АЛЛАХ ГИ ОДРЕДИЛ ПЕТТЕ ВАКТОВИ НА НАМАЗ ВО ПОЗНАТИТЕ РАЗЛИЧНИ ВРЕМИЊА? Чет 24 Фед 2011, 4:40 pm
Muaz al Islam
Модератор
ЗОШТО АЛЛАХ ГИ ОДРЕДИЛ ПЕТТЕ ВАКТОВИ НА НАМАЗ ВО ПОЗНАТИТЕ РАЗЛИЧНИ ВРЕМИЊА?
Се пренесува од Алија р.а. дека Аллаховиот Пратеник а.с. бил седнат меѓу Енсарии и Мухаџири кога му дошла една група на евреи, па му поставиле прашање: „О Мухаммед, ние ќе те прашаме за зборови кои Аллах Возвишениот му ги дал на Муса ибн Имран и не му ги дал никому на никој друг освен на испратен пејгамбер или близок мелек!“
Аллаховиот Пратеник а.с. им рече: „Прашајте!“
Рекоа: „О Мухаммед, извести не за овие пет вактови на намаз кои Аллах му ги задолжил на твојот уммет?“
Аллаховиот Пратеник а.с. одговори:
„Намазот на сабах
– Сонцето кога изгрева, излегува меѓу двата рога на шејтанот, тогаш неверниците кои обожуваат некој друг а не Аллах прават сеџде!“ Рекоа: „Вистината ја рече Мухаммеде! “Секој верник што ќе клања четириесет дена во џемат сабах намаз, Аллах ќе му даде две заштити: заштита од Оган и заштита од дволичност!“ Рекоа: „Вистината ја кажа!“
Додека намазот на пладне:
Тогаш тоа е време кога се разгорува џехеннемот, па секој верник што ќе го клања овој намаз, Аллах ќе го сочува од пламените на Џехеннем на Судниот ден!“
Додека намазот на икиндија
Тоа е време кога Адем а.с. каснал од забранетото овошје, па кој верник ќе го клања овој намаз ќе излезе од гревовите како тој ден да го родила мајка, потоа ги проучил Аллаховите зборови: „Чувајте ги намазите, и средишниот намаз...“
Додека намазот на акшам
Тоа е времето во кое Алллах џ.ш. му простил на Адем а.с., па кој верник ќе го клања овој намаз сметајќи на награда и потоа го замоли Аллах – ќе му биде примена довата (дадено она што го посакува).“
Додека намазот на јација
Навистина во гробот има темнина и Судниот ден е темнина, па кој верник ќе оди во темнината на ноќта за да клања јација, Аллах ќе го сочува од горивото на огнот и ќе му даде светлина со која ќе го премине мостот, тој е намаз кој го клањале пејгамберите пред мене.“
