Home
1
РАБОТИ КОИ ГИ РАСИПУВААТ ДОБРИТЕ ДЕЛАТА Саб 30 Апр 2011, 12:16 am
Muaz al Islam
Модератор
РАБОТИ КОИ ГИ РАСИПУВААТ ДОБРИТЕ ДЕЛАТА
Внимавај брате муслимане да не ги расипеш тешко спечалените дела од ибадет и слично бидејќи, знај дека не се примаат сите дела ниту се прима секоја дова. Возвишениот Аллах напоменува дека ги прима само делата на побожните (муттекун), богобојазливите. Затоа неминовно е да ги споменеме некои дела кои ги расипуваат делата. Имено верникот секогаш се плаши за својата вера, својот ибадет и добри дела, додека мунафикот секогаш е мирен и спокоен. Возвишениот Аллах вели:
إِنَّ الَّذِينَ هُمْ مِنْ خَشْيَةِ رَبِّهِمْ مُشْفِقُونَ * وَالَّذِينَ هُمْ بِآيَاتِ رَبِّهِمْ يُؤْمِنُونَ * وَالَّذِينَ هُمْ بِرَبِّهِمْ لَا يُشْرِكُونَ * وَالَّذِينَ يُؤْتُونَ مَا آتَوْا وَقُلُوبُهُمْ وَجِلَةٌ أَنَّهُمْ إِلَى رَبِّهِمْ رَاجِعُونَ * أُولَئِكَ يُسَارِعُونَ فِي الْخَيْرَاتِ وَهُمْ لَهَا سَابِقُونَ} [المؤمنون: 57 - 61].
„Да, оние кои се плашат, стравувајќи од Господарот свој,и кои, токму, веруваат во знаменијата на Господарот свој,и кои, токму, не Му здружуваат здруженик на Господарот свој,и кои даваат од даденото им, а срцата нивни се исполнети со трепет од тоа дека, навистина, ќе Му се вратат на Господарот свој... онаквите, секако, брзаат кон добрини и во тоа, токму, им претходат на другите.“ (Му’минуун, 57-61)
Се пренесува Аиша р.а. дека го прашала на Аллаховиот Пратеник с.а.в.с. за овој ајет: Оние кои даваат од даденото им, а нивните срца се исполнети со трепет..“ Аиша р.а. рече: „Дали се тие оние кои пијат алкохол и крадат?“ Рече: „Не, о ќерко на Сиддик, тие се оние кои постат, клањаат, делат садака и пак се плашат дека нема да им биде примено.„Онаквите, секако, брзаат кон добрини и во тоа, токму, им претходат на другите.“ (Тирмизи)
Прво: Ширк, отпадништво, неверство:
Ширкот е единствен грев кој Аллах нема да го прости по смртта освен ако сторителот се покае претходно. Ширк значи човекот да земе покрај Аллах некое божество или здруженик или нешто да смета за рамно покрај Аллах, или некој вид на ибадет да го насочи кон друг како дова, колење, заклетва... Возвишениот Аллах вели:
لَئِنْ أَشْرَكْتَ لَيَحْبَطَنَّ عَمَلُكَ وَلَتَكُونَنَّ مِنَ الْخَاسِرِين
„Ако му припишеш на Аллах здруженик, ќе ти пропаднат твоите дела и ќе бидеш од пропаднатите.“ (Зумер, 65)
Пренесува Тирмизи од Ебу Сеид ибн Ебу Фудале дека Пратеникот а.с. рекол: „Кога Аллах ќе ги збере првите и последните поколенија за денот во кој нема сомнение, ќе повика повикувач: „Кој правел ширк на Аллах во некое дело што го сработил, нека бара награда кај здруженикот, бидејќи Аллах е независен од здруженици.“
Второ: Рија – Преправање
Возвишениот Аллах вели:
يَا أَيُّهَا الَّذِينَ آَمَنُوا لَا تُبْطِلُوا صَدَقَاتِكُمْ بِالْمَنِّ وَالْأَذَى كَالَّذِي يُنْفِقُ مَالَهُ رِئَاءَ النَّاسِ وَلَا يُؤْمِنُ بِاللَّهِ وَالْيَوْمِ الْآَخِرِ
„О верници, немојте да ги расипувате вашите садаки со приговор и вознемирување како оној што го дели своето богатство преправајќи се пред луѓето.“ (Ел-Бекаре, 264)
Пренесува Имам Ахмед од Махмуд ибн Лебид дека Пратеникот а.с. рекол: „Најповеќе што се плашам за вас е тајниот ширк! Преправање, Аллах кога ќе ги наградува луѓето според нивните дела ќе рече: Одете кај оние пред кого сте се преправале во дуњја, па видете дали ќе најдете кај нив награда.“ Во друг хадис стои: „Дали сакате да ве известам за нешто што повеќе се плашам за вас од Месих Деџџал: Таен ширк, а тоа е човек да стане да клања и го разубави својот намаз поради што го гледаат луѓето.“ (Ибн Маџе)
3. Неприфаќање на Аллаховата одредба:
Пренесува Таберани од Ебу Умаме дека Пратеникот а.с.:
ثلاثة لا يقبل الله منهم صرفاً ولا عدلاً: عاق ومنان ومكذب بالقدر
„На тројца Аллах нема да им прими ниту фарзот ниту нафилето: Непослушниот кон своите родители, приговарачот на своето дело и оној кој го негира кадерот.“
4. Спротивставување на Аллаховиот Пратеник с.а.в.с.
Возвишениот Аллах вели:
يَا أَيُّهَا الَّذِينَ آَمَنُوا لَا تَرْفَعُوا أَصْوَاتَكُمْ فَوْقَ صَوْتِ النَّبِيِّ وَلَا تَجْهَرُوا لَهُ بِالْقَوْلِ كَجَهْرِ بَعْضِكُمْ لِبَعْضٍ أَنْ تَحْبَطَ أَعْمَالُكُمْ وَأَنْتُمْ لَا تَشْعُرُونَ
„О верници, не дигајте ги гласовите ваши пред гласот на пејгамберот и не разговарајте на висок глас пред него како што зборувате на висок глас еднисодруги - зашто ќе се поништат делата ваши а тоа да не го усетите.“ (Хуџурат, 2)
Во коментарот на овој ајет се напоменува дека двајцата најизбрани асхаби Ебу Бекр и Омер р.а. го кренале гласот пред Пратеникот а.с., тогаш Аллах џ.ш. ги предупредил дека со таквиот чин може да им пропаднат нивните дела.
عن ابن أبي مليكة كاد الخيران أن يهلكا أبو بكر وعمر،
Ибн Ебу Мулејке вели: „За малку двајцата најизбрани ќе пропаднаа: Ебу Бекр и Омер.“
Згора на тоа ние денес забележуваме луѓе кои го креваат гласот над Кур’анот, се чита Кур’ан, а тие разговараат, па дури и се смеат. Додека Аллах нè опоменува дека: „Слушајте го за да бидете смилувани.“
وقد كره بعض العلماء رفع الصوت عند قبره عليه السلام. وكره بعض العلماء رفع الصوت في مجالس العلماء تشريفا لهم، إذ هم ورثة الأنبياء
Имам Куртуби во својот тефсир наведува: „Некои алими сметаат дека е мекрух да се крева гласот кај гробот на Пратеникот а.с., како што сметаат дека мекрух да се крева глас во кружоците на улемата, од почит кон нив бидејќи тие се наследници на пејгамберите.“
يَا أَيُّهَا الَّذِينَ آَمَنُوا أَطِيعُوا اللَّهَ وَأَطِيعُوا الرَّسُولَ وَلَا تُبْطِلُوا أَعْمَالَكُمْ
„О верници, бидете покорни на Аллах и покорни на Пратеникот и немојте да ги расипувате вашите дела.“ (Мухаммед, 33)
