Шејх Мухаммед ибн АбдулВеххаб.

Куфр (неверство) се дели на две врсти:

Прва врста: Куфр со кој се излегува од вера.

Оваа врста се дели на пет подврсти:

Куфр – Наведување во лага (негирање).

“И кој е поголем зулумќар од оној кој измислува лага врз Аллах, или кој ја смета за лажна Вистината а веќе таа им дојде? Нели во Џехеннемот е престојувалиштето за неверниците?“ (Ел Анкебут 68)

Куфр – Одбивање од охолост, па макар и да би верувал во Вистината.

Кажува Возвишениот :

“И кога на мелеките Ние им рековме: “Паднете му на сеџде на Адем!“ – сите паднаа на сеџде, а Иблис тоа не го направи; тој одби, се изнадува; беше меѓу неверниците!.“ (Ел – Бекаре 34)

Куфр – Во Сомнеж.

Кажува Возвишениот:

“И влезе во бавчата своја. Меѓутоа, направи грешка, говорејќи: Мислам ова ќе остане за навек. Не мислам дека ќе се оствари часот. Ако бидам вратен кај Господарот мој ќе најдам подобро место во замена за ова. И му рече другарот негов, разговарајќи со него: “Не веруваш ли во оној кој те создаде од земја, потоа од семе, а потоа те создаде како човек? Но, Он, Аллах, е Господарот мој. На Господарот мој не Му здружувам никого.“ (Ел – Кехф 35 – 38)

Куфр - Окренување.

Кажува Возвишениот:

“Ние ги создадовме и небесата и Земјата и она што е меѓу нив само со вистина и до рок определен. А оние кои не веруваат се рамнодушни кон она со што се опоменуваат.“ (Ел Ахкаф 3)

Куфр – Лицемерство.

Кажува Возвишениот:

“Ете, тоа заради тоа што веруваа а потоа не веруваа: па, се запечатија срцата нивни и не сваќаа.“ (Мунафикун 3)

Втора врста: Мал Куфр.

Со негово правење не се излегува од вера, тоа е неблагодарност спрема благодетите.

Кажува Возвишениот:

“Аллах изџнесе пример за градот, безбеден и мирен. Од секоја страна му доаѓаше риск во изобилство. И, ете жителите не ги признаваа благодетите Аллахови, па Аллах определи да вкуси и глад и страв, токму, заради она што го работеа.“ (Ен Нахл 112)



Врсти на Нифак (Лицемерство).

Лицемерството се дели на две врсти:

Лицемерство во Убедување и Лицемерство во Дела.

Лицемерството во Убедување се дели на шест подврсти (и со секоја подврста се излегува од вера):

1.Наведување на Аллаховиот Посланик саллаллаху алејхи ве селлем во лага.

2.Сметање за лажно на било што, со што дошол Аллаховиот посланик.

3.Мрзење на Аллаховиот Посланик саллаллаху алејхи ве селлем.

4.Мрзење спрема нешто (било казна или наредба) со што дошол Аллаховиот Посланик саллаллаху алејхи ве селлем.

5.Радост на губиток, и понижување спрема динот од Аллаховиот Посланик саллаллаху алејхи ве селлем.

6.Мрзење спрема победата на верата од Аллаховиот Посланик саллаллаху алејхи ве селлем.

Лицемерството во Дела се дели на пет подврсти.
Доказ за тоа е Хадисот од Аллаховиот Посланик саллаллаху алејхи ве селлем:

“Мунафикот се познава по три работи: Кога зборува лаже, кога ќе вети нешто не го исполнува и кога нешто ќе му се довери тој изневерува. И во друг ривајет се додава: Кога се суди излегува од граница и договорите ги крши не ги исполнува“