Во Албанија спор поради носење фереџе во државните училишт (0)







17.01.2011 11:34





Новиот Закон за образование, со кој се забранува носењето на фереџе во државните училишта предизвика остри реакции на невладините организации кои се борат за верските слободи.

Албанското здружение на имами бара во новиот закон да не се внесува забраната со образложение дека „фереџето е централно прашање на верскиот идентитет“.

„Фереџето за нас е повеќе од симбол. Тоа е верска обврска, а не прашање на избор. Новиот закон не смее да го загрози изразувањето на верските чувства на јавни места“, истакна Јустинијан Топули од Здружението.

Албанската исламска заедница, исто така, не го прифаќа новиот Закон. Неколку здруженија на граѓани кои се борат за човековите права најавија дека ќе поднесат амандмани во Парламентот пред усвојувањето на новиот закон за образование.

Од 3,2 милиони жители на Албанија две третини се муслимани.