Во Името На Аллах џ.ш Милостивиот, Самилосен.

Аллах џ.ш. вели: “Шејтанот, секако, вие е непријател. Па, сметајте го само како непријател! Он, навистина, повикува кон странката негова за да бидат жители на огнот.” ( Фатир : 6 )


Аллаховиот Пејгамбер а.с. рекол: “Секој од луѓето има со себе шејтан и мелек. Асхабите прашале: А зарем и кај тебе има, О Аллахов Пејгамберу?
- “Да, и кај мене има, одговорил Пејгамберот и додал: - Само Аллах ми помогна да бидам над шејтанот, и тој го прими исламот и не ми наредува ништо освен добро.”
( Муслим )

ЗАШТИТА ОД ШЕЈТАН


Џабир р.а. пренесува од Аллаховиот Пејгамбер дека рекол: “ Кога човекот ќе појде да легне во постела, меле- кот и шејтанот почнуваат околу него да се обложуваат. Мелекот вели: Заврши го денот со добро. Шејтанот вели: Заврши го со лошо.

Па, ако почне човекот со зикр (спомнување на Аллах) да прави се додека не заспие, мелекот ќе го истера шејтанот и ќе остане со човекот да го чува. А кога ќе се пробуди пак мелекот и шејтанот околу него се обложуваат.

Мелекот вели: Почни го денот со добро, а шејтанот вели: Почни го со лошо. Па, ако човекот наутро рече: Благодарение на Аллаха ме разденил жив и не ме усмртил… Мелекот ќе го истера шејтанот и ќе остане со него да го чува.” ( Ебу Ја’ла )

Се пренесува дека Осман ибн Ебу Ас дошол кај Пејгамберот а.с. и му рекол: Аллахов Пејгамберу! Шејта- нот ми пречи во намаз, ме буни и ми го замешува моето учење. Аллаховиот Пејгамбер а.с. му рекол:

“Тоа е шејтан кој се вика Хинзеб. Кога ќе го почувствуваш, побарај заштита од Аллах (Еузубиллах) и плукни на лева страна три пати.” Тоа сум го правел - вели Осман - и Аллах џ.ш. го одалечил од мене. ( Муслим, Ебу Ја’ла )

Се пренесува дека Алимот Ибн Џевзи во една прилика го запрашал еден од своите ученици: Што би си направил ако шејтанот настојува да те натера на грев? Ученикот рекол: Би се борел со него. Ибн Џевзи пак го прашал: А ако пак почне да те наведува на зло. Ученикот одговорил: Пак би се борел. Ибн Џевзи му рече: Тоа многу долго време би ти одзело.

А што би си направил ако поминеш покрај некое стадо на овци, па те нападнат кучиња, и те спречат да поминеш?
Ученикот одговорил: Би се борел со нив.

- Тоа многу време би те одзело, туку најдобро би било да побараш помош од сопственикот на кучињата, па тој да те заштити од нив и да ги истера од тебе. Така и шејтанот кога ќе те наведе на зло побарај заштита од Господарот на сите светови, и Тој ќе те заштити.” Рече Ибн Џевзи.

КАКО СЕ ЗАШТИТИЛ УРВЕТЕ ИБН ЗУБЕЈР
ОД ЗЛОТО НА ШЕЈТАНОТ?

Бишр ибн Менсур пренесува од Вухејб ибн Вирд кој кажува: Некој човек во некое ноќно време излегол до гробишта. Човекот вели: Прво слушнав глас, а потоа е донесен кревет и на него седна нешто. Околу него се насобра неговата војска.

Потоа тој викна: Кој од вас ќе ми го донесе Урвете ибн Зубејр? Сите молчеа. Тогаш се јави некој од нив и рече: Јас ќе ви го доведам, и се упати кон Медина. Не помина долго време и се врати, и рече: На Урвете ибн Зубејр неможе никој да му се приближи.

Тој наутро и навечер изговара некакви зборови, така да неможе никој да му се приближи.
Човекот раскажува: Утредента се припремив и отидов во Медина. Се распрашував за Урвете ибн Зубејр се додека го најдов. Кога тој беше стар човек, му реков:

Ти учиш нешто наутро и навечер, сакаш ли да ми кажеш Што? Не сакаше да ми каже. Но кога го известив за она што сум го чул и видел. Тој ми рече: Не учам нешто посебно освен што велам три пати наутро и навечер: “Амнету биллахил-азим ве кеферту бил-џибти вет-тагути ве истемсекту бил-урветил-вуска еллети ла ‘инфисаме леха валлаху семиун алим.”
* * *
Имам Бухари пренесува дека: Аллаховиот Пејгамбер а.с. го поставил Ебу Хурејрета да биде чувар на државн- ата благајна (зекат, садака итн.) Додека Ебу Хурејре чувал дошол некој кој сакал да краде, и при секој обид го фатил Ебу Хурејре, но крадецот истото го повторил истото три вечери.

Тогаш Ебу Хурејре откако го фатил одлучил да го однесе кај Аллаховиот Пејгамбер за да го казни. Но човекот го замолил да го осободи, за да го научи нешто што ќе му користи со божја помош. “Кога ќе легнеш во постела проучи Ајетул-Курси, со тебе ќе биде чувар и не ќе може шејтан да ти се приближи до зора. Ебу Хурејре го ослободил и навистина испеал пред да легне и таа вечер ништо не му случило. Утредента го известил Аллаховиот Пејгамбер за тоа што му се случило.
Пејгамберот а.с. му рекол: “Тој (крадецот) е шејтан, за тоа што те известил е вистина иако тој е лажливец.”

СИ ГО ЗАПАЛИЛ ГОЛЕМИОТ ИФРИТ ЏИН

Ибн Кутејбе пренесува и вели: Ми го раскажал некој човек од Бени Ка’б следново: Сум отишол во Басра да продавам хурми. Барав да изнајмам куќа но не најдов. Единствено најдов само една напуштена стара куќа.

Отидов кај нејзиниот сопственик и побарав да ми ја изнајми. Сопственикот ми рече: Во таа куќа има некој џин ифрит, секој кој ќе заноќи во таа куќа се разденува мртов.
Јас му одговорив: Ти дозволи ми да преспијам во куќата и немој да се плашиш за мене, Аллах ќе ми помогне.

Сопственикот прифати, но со услов ако ми се случи нешто дека тој не одговара за тоа. Кога падна ноќта, се појави една црна особа, очите и пламтеа како оган, со неа беше една темнина, и почна да ми се приближува. Веднаш почнав да учам Ајетул-Курси . Кога и да проучев ајет тој одговараше: Исто како и јас.

Кога со Учењето стигнав до зборовите: “Ве ла јеуду хифзухухума ве хувел-алијјул-азим” тогаш не ми возврати со ништо. Кога го видов тоа продолжив да учам уште некој одломок. Особата се изгуби и темнината ја снема.

Кога утрото се разбудив, погледнав во местото во кое се појавила особата, најдов пепел и трагови од оган. Во тој момент слушнав еден глас: “Си го изгорел големиот џин ифрит.” Реков: - А со што сум го изгорел? Ми рече: Си го изгорел со зборовите: Вела јеуду хифзухума ве хувел- алијјул-азим.”

ПОМЕЃУ ИБЛИС И ФАРАОНОТ


Се пренесува дека Иблис почукал на врата кај Фараон Фараонот прашал: Кој е? Иблис одговорил: Како се сметаш за Бог а не незнаеш кој е зад врата? Фараон му отворил и му рекол: Влези О проклетниче!.

Откако седнал Иблис го прашал: Дали има некој кој е полош на лицето на земјата од мене и од тебе, кога рече: ( Јас сум вашиот најголем Господар ) и ( Не познавам за вас друг Бог освен мене ) а за мене е познат мојот голем грев? Фараон одговорил:
-”Полош од мене и од тебе е оној човек кој кога брат му дојде со извинување а овој не му го прими, а уште полошо од тоа е човекот да му завидува на својот брат мусли- ман поради благодетите кои Аллах џ.ш. му ги подарил.”

ШЕЈТАНОТ ЦИРКУЛИРА ВО ЧОВЕКОТ КАКО
ШТО ЦИРКУЛИРА КРВТА

Енес ибн Малик пренесува дека: Пејгамберот некоја вечер излегол со една од своите жени, и по пат разговарал со неа. Покрај нив поминал некој човек, Пејгамберот а.с. го повикал човекот и му рекол: “ О Филан.. Оваа е жена ми Сафија “

Човекот рекол: Аллахов Пејгамберу! Ако ти си помислил за некој, Јас не помислив и не се посемневав во тебе.
-
“Шејтанот циркулира во човекот како што циркул- ира крвта во него,” му одговорил Аллаховиот Пејгамбер.
Во друго предание се додава “ Се плашев шејтанот да не ви уфрли нешто во вашите срца.” ( Бухари, Муслим )

ВЕСВЕСЕТО НА ШЕЈТАНОТ

Во хабер стои дека: “ Кога ќе настапи време за намаз, Иблис и наредува на својата војска да се распространи по луѓето со цел да ги заведуваат на лошо.

Тие доаѓаат кај луѓето и ги спречуваат од обавување на намаз. Шејтанот ќе дојде до оној кој сака да обави намаз и ќе го забавува се додека го закасни намазот од неговото време, ако тоа не го стори, тогаш го натерува да брза во намаз, (да не ги исполнува составните делови во намаз - руку, сеџде, кијам, кирает)

Ако и тоа не успее да го направи, тогаш настојува да го извади од намаз со мисли за дуњалучките работи. Ако и тоа не успее тогаш се враќа понижен.

Затоа Иблисот наредува да се врзе тој шејтан и да се фрли во море. Меѓутоа ако успее шејтанот во нешто од горните работи тогаш го наградува и почестува.”

Ве алејкум селам ње рахметуллах ве берекатух
Кратко и јасно Невза ова на ваков или онаков начин е состојбата од многуте на овој форум или воопшто од секој искрен муслиман/ка. Начинот на кој што треба да се однесуваш во ваков случај треба да ти биде многу добро и на мудар начин и нормално со добра ука или совет према нив сепак оние најмногу од твојата фамилија заслужуваат да ги повикуваш во правење на добро и одвраќање од зло.
Мој совет а знам дека и од многуте тука е да постапуваш смирено со ахлак и едеб пред се и со упатување дова до Аллах тебареке ве те’ала затоа што наше е да зборуваме а Аллах е Тој Кој упатува.
Го молам на Аллах да ти ја олесни ситуацијата да ти помогне тебе и на сите оние на кои му се прави зулум. Го молам Возвишениот да не направи од оние со кои ќе биде задоволен па макар нас ни било и тешко, О Аллах Ти си Семоќен и Кадар за се и ние сите еден ден Тебе ќе ти се вратиме. Аллахуме Амин.

Talib-Ul-Haqq напиша:Ве алејкум селам ње рахметуллах ве берекатух
Кратко и јасно Невза ова на ваков или онаков начин е состојбата од многуте на овој форум или воопшто од секој искрен муслиман/ка. Начинот на кој што треба да се однесуваш во ваков случај треба да ти биде многу добро и на мудар начин и нормално со добра ука или совет према нив сепак оние најмногу од твојата фамилија заслужуваат да ги повикуваш во правење на добро и одвраќање од зло.
Мој совет а знам дека и од многуте тука е да постапуваш смирено со ахлак и едеб пред се и со упатување дова до Аллах тебареке ве те’ала затоа што наше е да зборуваме а Аллах е Тој Кој упатува.
Го молам на Аллах да ти ја олесни ситуацијата да ти помогне тебе и на сите оние на кои му се прави зулум. Го молам Возвишениот да не направи од оние со кои ќе биде задоволен па макар нас ни било и тешко, О Аллах Ти си Семоќен и Кадар за се и ние сите еден ден Тебе ќе ти се вратиме. Аллахуме Амин.

AMIIIIIIN NA DOVITE