СКОПЈЕ
Споменикот на Скендербег можно е да биде единствениот на истоимениот плоштад


24.09.2010 | 14:52
дали е најдено локациа за БУРМАЛИ ЏАМИАТА ,воовој проект????????????






Подземни паркиралишта, пешачка зона преку булеварот Гоце Делчев, Градска тераса над дуќаните, како и амфитеатар ќе се изградат со реализацијата на планот за плоштад Скендербег, кој ќе ги спојува плоштадот Македонија и Старата скопска чаршија.

Проектантската фирма „Архинг груп“ од Тетово, за овој плоштад изработи два проекта, во едниот проект во кој не е опфатена стоковната куќа „Мост“ плоштадот ќе и припаѓа само на општината Чаир, а додека вториот, во кој е опфатена ќе биде во „сопственост“ на две општини, и тоа Чаир и Центар.

Изет Меџити, градоначалникот на општината Чаир, рече дека за изработка на идејното решение е направен ребаланс на општинскиот буџет, со што за овој проект се одвоени 10 милиони денари. Според најавите на градоначалникот на оваа локација можно е освен споменикот на Скендербег да нема други споменици, но за тоа од денеска ќе можат да дискутираат и одлучуваат самите граѓани.

„Плоштадот ќе ги спојува модерното и традиционалното. За нас, ова е мега проект, од кој бенефит ќе имаат сите граѓани, бидејќи ќе овозможи главниот град да добие нов лик. Колку точно пари ќе чини реализацијата на проектот ќе знаме кога граѓаните ќе изберат од кој двата проекта ќе се гради“, рече Меџити.

Вицепремиерот Абдулаќим Адеми, кој присуствуваше на презентацијата на проектот, рече дека проектот за плоштадот Скендербег, не е само на општината Чаир, туку во неговата реализација учествува и Владата на Македонија.

„Потребна е урбанизација на делот кај споменикот на Скендербег, а со тоа и ќе ја ревитализираме чаршијата. Сакаме да инвестираме во сите делови на Скопје, а плоштадот Скендербег нема да биде паралела на плоштадот Македонија“, рече Адеми.