Muaz al Islam напиша:

Каматата во светлина на Куранот и Суннетот

Благодарноста му припаѓа на Аллах џ.ш кој ја опишува својата Милосредност и Задоволство врз оној кој е послушен на неговите наредби. Му донесуваме салават и селам на најблагословениот Аллахов пратеник Мухаммед с.а.в.с., на неговата фамилија, на неговите ценети Асхаби, и на сите оние кој го следат патот и Суннетот, неговата вера се до Судниот ден...



Возвишениот Аллах џ.ш вели: „О верници, плашете се од Аллах и, ако сте верници, откажете се од преостанатиот дел на лихвата! А ако, пак, тоа не го направите, тогаш, ја одобрувате војната од страна на Аллах и пејгамберот Негов, а ако, пак, се покаете, вам ви припаѓа главнина од имотот ваш: никого не наштетувате и нема да ви се наштети.“ (Ел-Бекаре,278-279)



Драги Муслимани! Најголемо искушение кое го погодило човештвото, и појава на која и се покориле паганците на овој век е-Каматата. Колку само штета каматата им нанесла на луѓето? Колку само жртви повлекла зад себе? Таа е најголемата причина за сиромаштијата и распаѓањето. Најсилен фактор за понижение и меѓусебно одалечување на луѓето и народите.Затоа Аллах џ.ш за оне кој работат со камата или се извалкани со прашина на каматата предвидел жестока и болна казна, ја дефинирал како голем разврат, ја вброил меѓу најголемите гревови кој го водат човекот во пропаст на овој и идниот свет, му најавил војна на оној кој се занимава со неа. Во тој контекст Аллах џ.ш вели: „А ако тоа не го направите, тогаш имате најавено војна од страна на Аллах и Неговиот пејгамбер.“ т.е ако не ја оставете каматата тогаш бидете подготвени за војна со Аллах џ.ш и Неговиот Пејгамбер. А оној кој војува против Аллах и Неговиот Пејгамбер нема никогаш да биде спасен. Поимот војна се однесува на две значења:

1. Понижување на овој свет, бидејќи врз тој човек се применуваат шеријатските мерки како: затвор или сл. Во краен случај се војува против него како што Халифата Ебу Бекр р.А војувал против одметниците од вера кои одбиле да даваат зекат.Таа води кон пропаст. Аллах џ.ш вели: „Аллах ја поништува каматата“ (Ел-Бекаре,276) т.е го поништува нејзиниот берекет и халал, а како резултат на тоа е пропаст...Аллаховиот Пејгамбер а.с рекол: „Каматата иако наведува го зголемува богатството, таа сепак води кон негово намалување.“ (Хаким-сахих). Како што каматата го прави човекот понижен, одвратен во кругот на неговите пријатели, исто така таквиот човек ќе биде мета на крадците и насилниците.



2. Понижување на идниот свет, бидејчи Ибн Аббас р.А. рекол: „не се прима од него садака ниту џихад ниту добро дело.“ значи од оној човек кој се храни од камата. Што се однесува до војната против Аллах џ.ш и Неговиот пејгамбер Мухаммед с.а.в.с. тоа е метафора за одалечување на таквиот човек од Аллаховата милост и вкусѕвање на најболните казни. Се наведува во настанот на Исра и Мираѓ Аллаховиот Пејгамбер Мухаммед с.а.в.с. рекол: „Ноќта кога бев во Исра, кога стигнав до над седмото небо, погледнав над мене и кога видов молња, гром, секавица. Потоа дојдов до еден народ кој имаше стомаци како куќи (големи) во нив имаа змии кои се гледаа од надвор. Го прашав на Џебраил: Кој се тие? Ми рече: Оние кои јаделе камата.“ (Ибн Маџџе). Исто така Мухаммед с.а.в.с. рекол: „Чувај се од гревовите кој не се простуваат: Оној кој ќе украде од плен, тој ќе дојде со украденото на Судниот ден и оној кој се храни со камата, тој ќе биде проживеан збудален, избезумен на Судниот ден.“ (Таберани) Потоа ги цитирал Куранските зборови: „Оние кои употребуваат камата ќе се дигнат како што се дигаат оне кои ќе ги избезуми допирот шејтански.“ (Ел-Бекаре,275)



Оне кои употребуваат камата ќе бидат проживеани како бремени, кога ќе посакаат да станат ќе паднат, додека луѓето ќе ги газат. Тоа ќе биде знак со кој ќе се препознаат на Судниот ден, потоа ги очекува казна болна. Аллаховиот Пејгамбер Мухаммед с.а.в.с. рекол: „Четири групи на луѓе Аллах се обврзал дека нема да ги смести во Џеннет ниту ќе дозволи да го вкусат неговиот благодет: нотарен пијаница, оној кој употребува камата, оној кој го јаде имотот на јетимот и оној кој е непослушен на своите родители.“ (Хаким)



Всушност Драги браќа и сестри- поради каматат може да биде казнета цела една заедница, ќе се простуваат добричинителот и злосторникот. За ова ни најавил Аллаховиот пејгамбер с.а.в.с. „Кога во еден народ се појави блуд и камата, тогаш самите ја предизвикувате Аллаховат казна.“ (Ебу Јала-џејјид)



Исто така рекол: „Кога во еден народ ке се појави каматата, ќе бидат казнети со суша, беда, малку берекет...“ (Ахмед). Затоа на тоа, Аллаховиот пратеник с.а.в.с. најавил дека ќе дојде време во кое суте луѓе ќе бидат погодени од оваа општествена болест. Пејгаберот с.а.в.с.рекол: „Ќе дојде време на луѓето кога нема да има никој кој нема да употребува камата. Ако неја употребуваат, тогаш барем малку ке биде погоден од нејзината прашина.“ (Ибн Давуд, Ибн Маѓе)





Затоа се наведува дека оние кои употребуваат камата ќе бидат понижени во форма на кучиња и свињи поради лукавоста на заработка по пат на камата како што саботарите (Асхабу-себти) кога со лекавство ловеа риби кога Алах џ.ш им забранил да ловат во сабота. Тие ги поставувале нивните мрежи (ископале дупки) за ловење на риби во сабота, а потоа во недела ги земале рибите.Кога така постапиле, Аллах џ.ш ги претворил во мајмуни и свињи. Исто така и оние кои со лукавост по пат ба камата ги зголемуваат нивните богатства ќе бидат претворени во форма на мајмуни и свињи. Аллаховиот пејгамбер Мухаммед с.а.в.с. на следниов начин ја опишал каматата: „За каматата има седумдесет и два гревови. Најмалиот нејзин грев е исто како човек да има однос со своја мајка во Ислам. Еден дирхем од каматата е полошо од триесет и неколку блуда.“ (Ибн Ебу Дунја, Багави).



Исто така Аллаховиот пејгамбер с.а.в.с.снајавил дека сите оне кои имаат учество во зделка, договор, работа.. кои се основани врз каматата се проколнати од страна на Аллах џ.ш...

Мухаммед с.а.в.с. „Аллах го проколнил оној кој јаде камата, кој е засташник во договор за камата, оној кој го пишува договорот, неговите сведоци, сите во гревот се еднакви.“ (Муслим)



Затоа ве прашувам- Драги браќа и сестри – дали сте слушнале за некој грев да биде на толку грозоморен начин опишан како каматата? Тоа е грев од кој здравијот човечки разум останува препастен, бидејќи Аллаховиот пејгамбер Мухаммед с.а.в.с. го споредил тој говор како човек да има блуд со својата мајка или како триесет и неколку блуда. Тој е грев за кој на човекот му го гарантира влезот во пеколот, повлекува зад себе Аллахова казна и гнев, таквиот човек ќе биде проживеан избезумен како од допирот на шејтанот, како и нејзината раширенос спаѓа во предзнаците на Судниот ден... Послушајте што вели асхабот на Мухаммед с.а.в.с. Ибн Месуд р.а.: „Најслепа заблуда е заблудата после упатсството, најлоша заработка е заработката по пат на камата и најодвратно јадење е јадењето од имотот на јетимот.“ исто така тој рекол: „Ако некој човек има долг кон тебе, и кога ти го врати ти подари нешто од него, немој да го земаш, бидејќи тоа се смета за камата.“



Плашете се од Аллах – браќа и сестри муслимани – од секоје работење кое е поврзано со каматата и знајте дека таа спаѓа меѓу најголемите седум гревови кои го уништуваат човекот на двата света. Аллаховиот пејгамбер Мухаммед с.а.в.с. рекол: „Избегнувајте ги седумте гревови кој го уништуваат човекот: Ширк (препишување придружник на Аллах џ.ш.), сихр (магии), убивање на невина душа освен онаа која заслужува, јадење на камата, јадење на имотот на јетимот, напуштање на бојно поле и оклеветување на невинии чесни вернички.“ (Бухари и Муслим).



И на крај го молам Аллах џ.ш да не упати на патот кој води кон Негово задоволство и не сочува од Неговата казна и гнев.АМИН!





Припремил:

Ариф Рамадани

islam nur напиша:Муаз од кај ти е текстов од книга ?