Вие сте малкумина?!








Слушнете што кажува Мухаммед алејхи селам:


Денес од многуте актуелности, обвинувања кои секогаш доаѓаат на наша сметка, токму е и оваа ВИЕ СТЕ МАЛКУМИНА!



“Исламот започна со гариби (странци) и на гариби ќе се врати, а блазе си им на гарибите.“ (Муслим бр. 146



Го прашале: “Кои се тие гариби, о Аллахов Посланику? “Рекол Аллаховиот Посланик саллаллаху алејхи ве селлем:
“Добри луѓе кои се малку во мнозинство од покварен народ. Многу се оние кои им се спротивставуваат него ли оние кои ги подржуваат.“ (Ахмед бр. 6650, од Абдуллах ибн Амр ибн Ел – Ас р.а оценет како веродостоен)




Од Абдуллах ибн Амр радијјАллаху анху се пренесува дека Аллаховиот Посланик саллаллаху алејхи ве селлем рекол:
“Мојот уммет ќе се раздели на седумдесет и три групи. Сите ќе бидат во оган освен една.“ Рекоа: “Која е таа о Аллахов Посланику? “Он, саллаллаху алејхи ве селлем одговори:
“Она на што сум јас и моите асхаби. “ (Тирмизи, 264; Ел – Аџури, Еш – Шери’ах, 23; Ел – Лаликаи, суннет 1/99)

Ибн Кајјим рахимехуллах, во своето дело “Мифтаху дари ес – Се’аде“ (1/459 – 460), рекол:

“Оваа врста на луѓе (Гариби, странци) е најмалку бројна и тоа е причина за нивната осаменост (туѓинство). Нивниот број помеѓу луѓето е мал, а луѓето се наспроти од нивниот пат. Тие ќе добијат големо обавестување а исто така и луѓето ќе добијат. Верниците се малкумина меѓу луѓето. Бројот на учените е мал помеѓу верниците. А бројот од луѓето помеѓу учените исто така е мал. Добро чувај се да не бидеш преварен, излажан со она со што се излажани неуките незналици. Оние зборуваат: ’Ако се на вистинскиот пат, не би биле вака малку бројни, помеѓу луѓето, а луѓето се наспроти она на што се тие.’Знај дека оние се луѓе, а оние кои се на спротивната страна изигруваат дека се луѓе а не се, затоа што луѓе се само оние кои ја следат само вистината па макар и нивниот број да е мал.
Ибн Мес’уд радијаллаху анху, рекол:
’Нека никој од вас не биде како некој што кажува јас сум со луѓето. ’Треба секој од вас да ја одгледува својата душа и да верува, па макар и сите луѓе да не би верувале.’
Аллах субханеху ве те’ала на многу места во Својата Книга ја укорил многубројноста.

“Ако му бидеш покорен на мнозинството од оние кои се на земјата – ќе те скршнат во заблуда од Аллаховиот пат.“ (Ел Ен’ам 116)

Исто така рекол Субханеху ве те’ала:
“И колку да посакуваш, мнозинството меѓу луѓето не се верници! (Јусуф 103)

И рекол Возвишениот:
“Малку мина од робовите Мои се благодарни!“ (Себе 13)

И рекол Возвишениот Аллах тебареке ве те’ала:

“Многу ортаци едни на други прават неправда, секако, освен оние кои веруваат и кои добри дела работат, а ти се малкумина! (Саад 24)

Еден мудрец рекол: “Твојата осаменост на патот за она што го бараш, доказ е за твојата искреност по она што трагаш.“
Аллаховиот Посланик саллаллаху алејхи ве селлем нас не известил: “Нема да престане една група од мојот уммет јасно да биде на вистината, нема да им наштетат оние кои ќе ги понижуваат и кои ќе им се спротиставуваат се додека не настапи Судниот Ден.“


Ибн Кесир кажува: “Тоа се следбеници на суннет и заедница (џемаат) кои се придржуваат на Аллаховата Книга и Суннетот од Неговиот Посланик Мухаммед саллаллаху алејхи ве селлем и она на што била првата генерација асхаби, таби’ини и имами муслимани. “ (Тефсир ибн Кесир, 4/333)

Продолжува Хафизот ибн Хаџер ел Аскалани и кажува во “Фетхул Бари“ пренесувајќи од Таберијј дека рекол:

“Кога луѓето нема да имаат имами, и кога ќе бидат разединети на разни групи и партии, немој да следиш ниту една од овие групи, држи се подалеку ако си во можност за да не би паднал во зло. Но ако постои Џеммат кои вистински го следат правиот пат, тогаш мораш да им се придружиш како би им го зголемил нивниот број и како би соработувал со нив во добро, затоа што во тој случај таа група преставува џемаат муслимани за таквиот човек во тоа време.“

Селам ибн ел – Хурр радијјАллаху анху кажува, го слушнав на Аллаховиот Посланик саллаллаху алејхи ве селлам како кажува:

“Ќе дојде време кога луѓето не ќе можат да најдат имам кој ќе ги предводи во намаз!“ (Ибн Маџе, Ахмед)


Омер радијјАллаху анху пренесува дека Аллаховиот Посланик саллаллаху алејхи ве селлем рекол:

“Ќе дојде време кога светот ќе има човечки форми, но срцата ќе им бидат како срцата на пустински волци. Ќе пролеваат крв и нема да се двоумат од злото кое ќе го прават! Ако им дадеш заклетва на верност – ќе те измамат, ако ти се обратат – ќе те излажат, ако им се довериш – ќе те изневерат, а кога не си со нив ќе те озборуваат. Децата ќе им бидат безобразни, младината девијантна, а нивните стари пророчни – нема да наредуваат добро, ниту ќе одвраќаат од зло. Да се биде со нив е понижување, а да се побара она што е нивно е вистинско сиромаштво! Добриот меѓу нив ќе биде залутан, додека залутаниот меѓу нив ќе биде добар! Сунетот за нив ќе биде бидат, додека бидатот, сунет. Оној меѓу нив кој ќе наредува добро ќе биде сомнителен, а фасикот меѓу нив ќе биде чесен човек, додека верникот ќе биде обесправен! Кога луѓето ќе почнат така да се однесуваат Аллах ќе даде со нив да завладеат луѓе кои ќе ги убиваат ако нешто прозборат, кои ќе ги екплоатираат ако молчат, кои ќе им го одземаат она што ќе го заработат, и кои неправедно ќе се однесуваат кон нив, додека ќе владеат со нив!“ (Џамиул – Ехадис Сујути 31621)

Кажува Имам Муслим во својот Сахих а исто така и Ел – Беркани дека Аллаховиот Посланик саллалаху алејхи ве селлем рекол:

“Се плашам за овој Уммет од владари (имами, даии) кои повикуваат во заблуда. А кога меѓу нив ќе се извлече сабјата, нема да се подигне се до Судниот Ден. Нема да се случи Судниот Ден се додека племе од мојот народ не се соедини со мушрици, и се додека една група од мојот Уммет не почне да обожава идоли. Во мојот Уммет ќе бидат триесет лажливци. Сите ќе изјавуваат дека се Веровесници, а јас сум печат на сите Веровесници и нема Веровесник после мене. Нема да престане да постои една група од мојот Уммет која ќе биде на вистина и таа ќе биде потпомогната. Нема да им наштети оној кој не би се сложил со нив ниту пак оној кој би се одвоил од нив, се додека не дојде наредба Аллахова тебареке ве те’ала.“

Ибн Еби ед – Дунја, бележи хадис од Омер радијаллаху анху, кој пренесува дека Аллаховиот Посланик салаллаху алејхи ве селлем рекол:

“Се колнам во Оној во Чии раце е мојата душа, Судниот Ден нема да настапи се додека Аллах не испрати владари неверници, злонамерни везири, издајнички службеници, неправедни и грешни алими – научници. Тие ќе изгледаат како монаси (Оџи, Даи’и, Муфтии итн) но нивните срца се полоши од телата на мртвите. Нивните нагони (страсти) се различни.
Аллах ќе им испрати страшна несреќа која ненадејно ќе ги пресече. Се колнам во Оној во Чии раце е мојата душа, Исламот ќе исчезнува малку по малку, така што никој нема да зборува Аллах, Аллах!
Наредувајте добро и одвраќајте од зло! Во спротивно, Аллах вас ќе ви даде да владеат најлошите помеѓу вас. Оние со вас сурово ќе постапуваат. Добрите и богобојазните ќе упатуваат дова, но таа дова нема да биде прифатена.
Наредувајте добро и одваќајте од зло! Во спротивно Аллах тебареке ве те’ала, вас ќе ви го испрати оној кој нема да биде милостив спрема вашите деца, и нема да ги почитува вашите постари.“
(Хејсеми во Меџме’у – з – зеваиду)

Ел Евза’и по пат од Хасан ибн Аттијје наведува дека Посланикот салаллаху алејхи ве селлем рекол:
“Покварените од мојот Уммет ќе ги надвладеат побожните така што верниците ќе се сокриваат како што сега се кријат дволичните“.
(Кензу – л – ’Уммалу 5539)


Ибн еби – ед – Дунја наведува зборови од Алија радијаллаху анху:

“Ќе дојде време кога луѓето од исламот ќе имаат само име, од Кур’анот ќе имаат само зборови, Џамиите ќе бидат изградени, но во нив нема да има упатство, улема (учени) ќе им бидат најлошите кои постојат во тоа поднебје, од нив фитната ќе започнува и кај нив ќе се врати!“ (Имам ел Бејхеки во Су’абу – л – иман 1763)



Монотеизам Да’ва Тевхид.