Коментар на хадисот за двата вида на луѓе што РесулАллах, СаллАллаху алејхи ве селам, сеуште не ги видел.

Прашање број 47017

„Пренесено е дека пејгамберот, с.а.в.с., рекол: „Има два вида на пеколни луѓе кои сеуште не сум ги видел – мажи со камшици како опаш од крава со кои ќе ги тепаат луѓето, и жени – облечени, а сепак голи, со заводлив чекор и на главите нешто што наликува на грба од камила која виси на едната страна. Тие никогаш нема да стапнат во рајот, ниту миризбата негова ќе ја забележат. Иако мирисот на рајот може од голема далечина да се осети.“ (Пренесено од Ахмед, како и од Муслим, во неговиот сахих).“

Дали може ова да ни го објасните?

Сета благодарност Му припаѓа на Аллах, Субаханeху ве т'ала.

Претходниот хадис се совпаѓа со два вида на луѓе кои пејгамберот с.а.в.с. ги немал видено, затоа што, како што е пренесено, тие требало да да се појават после него. Нивниот крај ќе биде во пеколот, заради нивните гревови. Научниците го сметаат нивното појавување како еден од малите предзнаци на Судниот Ден. Тоа произлегува од следново:

1. „Мажи со камшици како опаш од крава“ - се мисли на оние кои ги тепаат другите без легитимна причина. На пример полицајци или други лица што вршат репресија, по наредба на државата и други причини. Ан-Навави рекол „Во врска со оние што имаат камшици – тоа се оние што работат за полицијата.“ (Шарх ан-навави за Сахих Муслим, 17/191)

Ал-Захави рекол: „Тие се помошници на угнетувачите, а тука најчесто се мисли на најлошата група владетели, како и неисправни владетели“. (Ал-Иша'ах ли Ашратил са'ха с. 119)

Доказ дека нивното појавување е предзнак на Денот има во збирката од имам Ахмед, каде што е забележано следното предание: „На крајот на времето во овој уммет ќе се појават мажи со камшици како опаш од говедо. Наутро ќе ја понесат Аллаховата лутина, а навечер ќе се вратат со Аллаховиот гнев.“ (Ал-Муснад 5/315; од Ал-Хаким во Ал-Мустадрак 4/483 и Ибн Хаџар во Ал-Каул Ал-Мусаддад фил дхаб ан Ал-Муснад с. 53-54, класиран како сахих/здрав хадис)

2. Вториот вид се „жени кои се облечени, а сепак голи, со заводлив чекор и на главите нешто што наликува на грба од камила која виси на едната страна.“ Ан-Навави го објаснува овој дел: „Ал-касијат ал-аријат (во превод „облечена, а сепак гола“), значи дека некои делови од телото ги разголуваат за да ја прикажат својата убавина. Според тоа, тие се облечени, а сепак голи. Исто така, кажано беше дека тие ќе носат тенка облека што го прикажува она што е под неа (ја оцртува долната облека), па и на тој начин тие се облечени, а сепак се практично голи.

Што се однесува до зборовите ма'илат мумилат (преведено како заводлив чекор), кажано е дека значи:
„ Одрекување од покорноста кон Аллах и од наредбата да се сочува чедноста и сл.“ Мумилат значи дека и другите ги учат на тоа што самите го прават. Понатамошното толкување вели „Ма'илат значи дека тие чекорат провокативно, а мумилат укажува на дополнително движење со рамениците“. Исто така се споменува и толкувањето дека тие се обидуваат да ги заведат мажите со истакнување на својот накит.

Зборовите „рушахунна аснимати кал'нукт“ (во превод „на главата нешто што наликува на грба од камила која виси на едната страна“) може да значат дека тие ги завиткуваат главите, па изгледа како да имаат грпка од камила. Ова е добро позната интерпретација. Ал-Мазари рекол: „Тоа може да се сфати и дека не ги наведнуваат главите во присуство на мажи, туку директно ги гледаат“. (Шарх Ан-Навави 'ала сахих Муслим, 17/191)

Шејх Ибн Утејмиин рекол: „Зборовите 'облечени, а сепак голи' се интерпретираат така, што значи дека тие (жени) носат кратка облека која не ја покрива нивната фигура, a која е задолжително да се покрие. Ова исто така може да се објасни и така дека тие (жени) носат тесна облека која ја покрива кожата, ама го оцртува телото.“ (Фатва Ал-Шаих Мухаммед Ибн Утејмиин, 2/825)

Хадисот сериозно нe опоменува на два грева:

1. Понижување и неправедно тепање на луѓето
2. Жените се претставуваат како заводнички и ја истакнуваат сексуалноста на своите тела. Воопшто не се придржуваат до прописот за носење хиџаб и воопшто не се придржуваат до прописите на Исламското однесување.

Ова е едно од чудата на пејгамберството бидејќи овие два вида на луѓе веќе се појавиле и навистина постојат, како што вели Ан-Навави рахиму Аллах.

Погледнете го и одговорот на прашањето број 14.627

Превод: Абу Ал-Амин Мухаммед (Abu Al-Amin Muhammad)
Корекција: Ел Алек (El Alek)
Проект: [You must be registered and logged in to see this link.]
Извор: Islam Q&A[justify]